Bændablaðið - 07.11.2019, Blaðsíða 24

Bændablaðið | Fimmtudagur 7. nóvember 201924
BÚVÖRUSAMNINGAR
Fulltrúar Bændasamtaka Íslands
og stjórnvalda skrifuðu undir
samkomulag um endurskoðun
á samningi um starfsskilyrði
nautgriparæktar föstudaginn 25.
október síðastliðinn. Markmið
samkomulagsins er að stuðla
að framþróun og nýsköpun í
nautgriparækt. Áhersla er lögð
á rannsóknir og menntun ásamt
sjálfbærari og umhverfisvænni
framleiðslu. Samkomulagið er
liður í endurskoðun samnings um
starfsskilyrði nautgriparæktar frá
19. febrúar 2016.
Greiðslumarkið heldur velli
Fallið verður frá niðurfellingu
heildargreiðslumarks sem átti að
taka gildi þann 1. janúar 2021 og
mun því greiðslumark gilda áfram
út samningstímann. Greiðslumark
heldur sér þar af leiðandi sem
kvóti sem tryggir forgang að inn-
anlandsmarkaði og sem viðmiðun
fyrir beingreiðslur. Viðskipti með
greiðslumark verða leyfð að nýju
frá og með árinu 2020 og munu
þau byggja á tilboðsmarkaði sem
er sama markaðsfyrirkomulag og
gilti á árunum 2011–2016. Vissar
takmarkanir verða á viðskiptum með
greiðslumark sem verða útfærðar
nánar í reglugerð.
Kristján Þór Júlíusson,
sjávarútvegs- og landbúnaðar-
ráðherra, sagði við undirritun
samkomulagsins að það væri
mikilvægt fyrir framþróun
íslenskrar nautgriparæktar. Í
fréttatilkynningu sem send var út
samhliða undirrituninni sagði hann
að með því að viðhalda kvótakerfi í
mjólkurframleiðslu væri ýtt undir þá
miklu hagræðingu sem orðið hefur í
greininni til hagsbóta fyrir bændur og
neytendur. Hann sagði það ekki síður
mikilvægt fyrir hagsmuni neytenda
að samstaða væri um að efla og
tryggja forsendur til samkeppni við
vinnslu mjólkurafurða og því verður
gerð greining á tækifærum til frekari
aðskilnaðar milli söfnunar og sölu á
hrámjólk frá vinnslu mjólkurafurða
og öðrum rekstri.
„Samhliða er stefnt að því að
stýritæki við verðlagningu mjólk-
urafurða verði þróuð til meira
frjálsræðis með því að taka upp
nýtt fyrirkomulag í stað verðlags-
nefndar búvöru, enda er núverandi
fyrirkomulag að mörgu leyti tíma-
skekkja. Loks er rétt að fagna sér-
staklega þeirri sterku og metnaðar-
fullu stefnumörkun sem bændur og
stjórnvöld sameinast um að íslensk
nautgriparækt verði að fullu kolefn-
isjöfnuð eigi síðar en árið 2040,“
sagði Kristján Þór.
Fjármagni ráðstafað
til kolefnisbindingar
Samningsaðilar eru sammála um það
markmið að íslensk nautgriparækt
verði að fullu kolefnisjöfnuð eigi
síðar en árið 2040. Þetta verði gert
m.a. með því að byggja upp þekkingu
á losun og bindingu kolefnis, bættri
fóðrun, meðhöndlun og nýtingu
búfjáráburðar, markvissri jarðrækt
og öðrum þeim aðgerðum er miða
að því að kolefnisjafna búskap.
Slíkar áherslur falla vel að öðrum
verkefnum, að mati samningsaðila,
á sviði kolefnisbindingar svo
sem skógrækt. Skal að því stefnt
að allar afurðir frá íslenskum
nautgripabændum verði vottaðar
sem kolefnishlutlausar fyrir árið
2040.
Til að stuðla að kolefnishlutleysi
íslenskrar nautgriparæktar eru
samningsaðilar sammála um að
ráðstafa fjármagni af samning um
starfsskilyrði nautgriparæktar til
aðgerða í loftslagsmálum. Tekið
verður til skoðunar að innleiða
fjárhagslega hvata fyrir bændur til
að ná árangri í að auka bindingu
kolefnis.
Verðlagsmál endurskoðuð
Í samkomulaginu sameinast stjórn-
völd og bændur um að skoða
breytingar á verðlagsmálum mjólk-
urafurða. Gerð verður greining á
tækifærum til frekari aðskilnaðar
milli söfnunar og sölu á hrámjólk
frá vinnslu mjólkurafurða og öðrum
rekstri. Þá verður fyrirkomulag verð-
lagningar mjólkurvara á heildsölu-
stigi tekið til endurskoðunar og
skoðaður sá möguleiki að hætta op-
inberri verðlagningu mjólkurafurða.
Þá er einnig stefnt að því að þróa
stýritæki við verðlagningu mjólkur-
afurða til meira frjálsræðis. Umgjörð
verðlagsnefndar búvöru verður tekin
til endurskoðunar með það að mark-
miði að taka upp nýtt fyrirkomu-
lag í stað verðlagsnefndar búvöru,
án þess að slíkt raski forsendum
búvörusamnings.
Strax í kjölfar undirritunarinnar
verður skipaður starfshópur sem fær
það hlutverk að útfæra þessi atriði
nánar.
Nefnd til að skoða
aðlögunarsamninga og aukinn
stuðning við minni bú
Í samkomulaginu er kveðið
á um skipan starfshóps sem
hefur það hlutverk að fara yfir
hugmyndir samningsaðila varðandi
aðlögunarsamninga og aukinn
stuðning við minni bú. Hópnum
er ætlað að meta þörf á aðgerðum
annars vegar vegna svæða þar sem
framleiðsla hefur dregist saman og
hins vegar vegna fyrirhugaðs banns
við básafjósum. Jafnframt verði
skoðað hvernig hægt er að styðja
betur við rannsóknarstarf og hagnýtar
rannsóknir fyrir greinina ásamt
fræðslu og menntun kúabænda.
Undirritað með fyrirvara
um samþykki félagsmanna
Samkomulagið var undirritað af
hálfu Bændasamtaka Íslands og
Landssambands kúabænda með fyr-
irvara um samþykki félagsmanna í
atkvæðagreiðslu sem fer fram dagana
20. nóvember til 27. nóvember.
Samkomulagið í heild sinni má
nálgast á vef BÍ, bondi.is. /TB
Saman náum við árangri
Samskip eru með gáma af ýmsum gerðum og stærðum til sölu.
Gámar eru ódýr lausn sem má nýta á marga vegu, sem tækjageymslu,
kaffiskúr, vörugeymslu, vinnuskúr og margt fleira.
Fáðu tilboð hjá okkur á gamar@samskip.is
eða í síma 458 8000
Við flytjum ekki bara vörur.
Við seljum líka gáma.
Endurskoðun nautgripasamnings:
Íslensk nautgriparækt verði að fullu
kolefnisjöfnuð og greiðslumark áfram við lýði
Kynning á samningnum hefur
staðið yfir síðustu daga en full-
trúar Landssambands kúa-
bænda hafa haldið haustfundi
um allt land og kynnt efni
samkomulagsins. Fyrirhugað
er að halda kynningarfund í
beinni útsendingu á Netinu á
vegum Bændasamtakanna og
Landssambands kúabænda
mánudaginn 11. nóvember kl.
12.00.
Á veffundinum gefst bændum
kostur á að senda inn spurningar og
fá svör frá forystufólki í samninga-
nefndinni. Upplýsingar um fundinn
og hvernig hægt er að tengjast
honum verða settar inn á bondi.is og
Facebook-síðu Bændasamtakanna
skömmu fyrir fund. Þá verður
einnig útbúið kynningarmyndband
um atriði samningsins sem dreift
verður á vefsíðum LK og BÍ þegar
nær dregur atkvæðagreiðslunni.
Atkvæðagreiðsla meðal bænda
Búið er að boða til atkvæðagreiðslu
um samkomulagið en kosningarétt
hafa félagsmenn í Bændasamtökum
Íslands sem eru jafnframt
með virkt bú í skýrsluhaldi
fyrir nautgriparækt. Þá hafa
félagsmenn í
Landssambandi
k ú a b æ n d a
e i n n i g
kosninga rétt.
A t k v æ ð a -
greiðslan mun
fara fram með
r a f r æ n u m
hætti og verður
aðgengileg á
vef Bænda-
samtak anna
www.bondi.is. Hún stendur yfir
frá kl. 12.00 á hádegi þann 20.
nóvember til kl. 12.00 á hádegi
þann 27. nóvember.
Hægt verður að kanna aðild að
kjörskrá í gegnum rafrænan aðgang
frá kl. 12.00 á hádegi þann 13.
nóvember. Ef kjósandi hefur ekki
aðgang að tölvu, skal viðkomandi
hafa samband við skrifstofu BÍ í
síma 563-0300 og fá leiðbeiningar.
Allar nánari upplýsingar um fram-
kvæmd atkvæðagreiðslunnar er
að finna á vef Bændasamtak-
anna, www.bondi.is. Í kjörstjórn
sitja Elías Blöndal Guðjónsson
formaður, Guðbjörg Jónsdóttir
og Guðrún Vaka Steingrímsdóttir.
Netfang kjörstjórnar er kjorstjorn@
bondi.is.
Kynning og at-
kvæðagreiðsla
Bændur í Eyjafirði á haustfundi LK á dögunum. Mynd / HS
Samkomulagið var undirritað í fjármálaráðuneytinu 25. október. Frá vinstri:
Unnur Brá Konráðsdóttir, Kristján Þór Júlíusson, Guðrún S. Tryggvadóttir,
Arnar Árnason og Bjarni Benediktsson. Mynd / TB