Bændablaðið - 07.11.2019, Blaðsíða 54

Bændablaðið | Fimmtudagur 7. nóvember 201954
Liebherr R926 SLC
Árg. 2013. 750 mm spyrnur,
tví skipt bóma, vökvahrað tengi,
4000 vst. 2 skóflur, góm og tennt.
Yanmar SV18 smágröfur
1,95 tonn. Til á lager.
Yanmar SV26 smágrafa
2,7 tonn. Árg. 2017. 195 vst.
Smurkerfi, rótortilt og 4 skóflur.
Verð: 5.270.000 + vsk umboðssala.
Yanmar V8
4,3 tonn. Árg. 2016. 340 vst.
Vökvahraðtengi, opnanleg
skófla og gaflar.
Verð: 5.000.000 + vsk.
Komatsu PC130
Árg. 2005. 12.000 vst. Rótortilt
og tvær skóflur. Ný vökvadæla.
Verð: 5.000.000 + vsk.
Liebherr A918 Compact
17,5 tonn. 2015 árg. 5.500 vst.
Rótortilt með gripfingrum og
þrjár skóflur. GPS kerfi getur
fylgt. Vel útbúin vél.
Verð: 16.500.000 + vsk.
Tsurumi dælur í miklu úrvali.
JCB 8030
Árg. 2014. 2600 vst., 4 skóflur
þar af ein tiltskófla.
Weber jarðveggsþjöppur
og hopparar til á lager.
www.merkur.is
Uppl. í síma 660-6051
Þarftu að skreppa í bæinn?
Mjög falleg og notaleg þriggja herbergja fullbúin íbúð í hjarta
Hafnarfjarðar. Íbúðin sem er fullbúin húsgögnum er með svefnpláss fyrir
allt að sex manns.
Allar upplýsingar inn á booking.com/ Hafnarfjörður og nafn íbúðar Pond
apartment eða í s. 695-1095, Gyða - gyda@nyttheimili.is

ETNA ehf. Til sýnis hjá Pmt, Krókhálsi 1. Upplýsingar og fyrirspurnir í síma 698 1539 - email: siggi@pmt.is

LÉTTIR OG LIPRIR MEÐ LITHIUM RAFHLÖÐU.
Samtök sunnlenskra sveitarfélaga:
Kirkjubæjarstofa hlaut
menningarverðlaunin
Kirkjubæjarstofa á Kirkju­
bæjarklaustri hlaut Menningar­
verðlaun Suðurlands 2019, sem
afhent voru á ársþingi Samtaka
sunnlenskra sveitarfélaga á Hótel
Geysi á dögunum. Verðlaunin
eru samfélags­ og hvatningar­
verðlaun á sviði menningar á
Suðurlandi.
Í umsögn dómnefndar kemur
fram að Kirkjubæjarstofa hefur
unnið markvisst að eflingu
Kirkjubæjar stofu með fjöl­
breyttum menningarverkefnum
sem eru eins ólík og þau eru
mörg. Kirkjubæjar stofu hefur
auðnast að sinna menningarhluta
starfseminnar einstaklega vel
þar sem stuðlað er að þátttöku
íbúa og gesta, meðal annars
með fjölbreyttum sýningum
og verkefnum. Mörg þeirra
eru nýjungar og má þar nefna
verndun menningar minja í
formi söfnunar á ljósmyndum,
þjóðsögum og örnefnum og
skrásetning þeirra og framsetning
í formi heimasíðu og bóka er til
fyrirmyndar. Kirkjubæjarstofa
hefur lagt áherslu á menningu hjá
börnum og ungmennum og tengt
saman kynslóðir af mismunandi
uppruna. Kirkjubæjarstofa hefur
einnig staðið að fjölda ráðstefna
og málþinga undanfarin ár sem
vakið hafa athygli og eftirtekt.
Errósetur á Klaustri
Ólafía Jakobsdóttir er forstöðu­
maður Kirkjubæjarstofu og hefur
verið það frá árinu 2003. Hjá
Kirkjubæjarstofu starfa fjórir
starfs menn. Kirkjubæjarstofa hefur
ásamt fleirum unnið markvisst að
því að koma á fót þekkingarsetri á
Kirkjubæjarklaustri, nú hefur verið
úthlutað fjármagni úr Byggðaáætlun
2018–2024 til hönnunar samtals kr.
67.500.000 á þremur árum.
Þekkingarsetrinu er ætla að vera
öflugur vettvangur Kirkjubæjar­
stofu, Erróseturs, sveitarfélagsins
Skaftárhrepps og margra aðila sem
koma til með að sinna rannsóknum,
fræðslu, listsköpun og menningu og
stuðla þannig að eflingu búsetu og
atvinnulífi á svæðinu. /MHH
Kirkjubæjarstofa: Helgi Kjartansson,
oddviti Bláskógabyggðar og varafor-
maður Samtaka sunnlenskra sveitar-
félaga afhenti Ólafíu Jakobsdóttur
menningarverðlaun Suðurlands á
Hótel Geysi, en Ólafía stýrir Kirkju-
bæjarstofu af miklum myndarskap.
Mynd / Guðlaug Ósk Svansdóttir
Rúmlega helmingur landsmanna hefur heimsótt Hrísey
Rúmlega helmingur landsmanna
hefur heimsótt Hrísey um ævina
og 17% á síðustu fimm árum
samkvæmt niðurstöðum nýrr­
ar könnunar sem Gallup gerði
fyrir Akureyrarstofu. Greint
er frá könnuninni á vefsíðu
Akureyrarbæjar.
Langalgengasta ástæða þess að
fólk hefur ekki heimsótt Hrísey er
að hugmyndin um heimsókn hefur
ekki kviknað og að fólk hreinlega
veit ekki hvað þangað er að sækja.
Þetta bendir til þess að full ástæða
sé til að auka markaðssetningu
Hríseyjar sem gefi um leið gott færi
á að efla ferðaþjónstu þar og styrkja
búsetu í eyjunni. Mjög fáir nefna að
það taki of langan tíma að sigla út
í Hrísey eða kosti of mikið, enda
tekur sjóferðin rétt um 15 mínútur
og kostar aðeins 1.500 kr. báðar
leiðir, segir í fréttinni.
Náttúra og gönguleiðir
draga fólk helst að
Það sem helst dregur fólk út í
Hrísey er náttúran og gönguleið­
irnar, eða 24% þeirra sem tóku þátt,
hópferðir til dæmis með vinnufé­
lögum voru nefndar í 22% tilvika,
kyrrðin í 18% tilvika og heimsókn
til ættingja var nefnd af 16% svar­
enda.
Könnunin er hluti af markaðs­
átaki Akureyrarstofu sem hefur
það að markmiði að auka áhuga
Íslendinga á að heimsækja Hrísey.
Markaðsátakið nýtur stuðnings frá
Uppbyggingarsjóði Norðurlands
eystra. /MÞÞ Ferðafólk á leið út í Hrísey. Mynd / María Helena Tryggvadóttir
Fjarðabyggð veitir umhverfisviðurkenningar í fjórða sinn
Fjarðabyggð hefur afhent
umhverfisviðurkenningar fyrir
árið 2019, það var gert við athöfn
í Randulfssjóhúsi á Eskifirði. Karl
Óttar Pétursson bæjarstjóri og
Eydís Ásbjörnsdóttir, formaður
bæjarráðs, sáu um afhendingu
viðurkenninganna. Við það tæki­
færi fóru þau yfir mikilvægi þess
að veita verðlaun þeim sem standa
sig vel í umhverfismálum, slíkt
væri öllum hvatning til góðra
verka.
Þetta er í fjórða sinn sem Fjarða­
byggð veitir umhverfis viður­
kenningu fyrir snyrtilegustu lóð í
þéttbýli, dreifbýli og til fyrirtækis.
Komin er á hefð hjá umhverfis­ og
skipulagssviði Fjarðabyggðar að
afhenda viðurkenningarnar, við
hátíðlega athöfn, á síðasta degi
sumars. Ferlið er þó þannig að
óskað er eftir tilnefningum til viður­
kenningar fyrir snyrtilegustu lóðirnar
í byrjun ágúst ár hvert. Dómnefnd
vinnur síðan úr tilnefningum.
Í ár bárust alls 15 tilnefningar
til verðlaunanna en viðurkenningar
hlutu hjónin Friðrika Björnsdóttir
og Þorvaldur Einarsson, Fossgötu
6, Eskifirði fyrir snyrtilegustu lóð í
þéttbýli. Í umsögn dómnefndar segir
að garðurinn sé afar fallegur með
fjölbreyttu plöntuvali, ásýnd lóðar er
til fyrirmyndar í alla staði. Garðurinn
er falin perla.
Viðurkenningu fyrir snyrtilegustu
lóð í dreifbýli hlaut Golfklúbbur
Byggðarholts á Eskifirði en í umsögn
dómnefndar segir að umgjörð vallar
sé falleg og stílhrein og húsin fallega
uppgerð.
Steinasafn Petru
Viðurkenningu fyrir snyrtilegustu
lóð fyrirtækis hlaut Steinasafn Petru
á Stöðvarfirði. Umsögn dómnefndar:
„Einstaklega fallegt svæði, þar sem
öllu er vel við haldið. Metnaður,
vinnusemi og snyrtimennska lýsa
vel starfseminni,“ segir í umsögn
dómnefndar og að um sé að ræða
yndisgarð Fjarðabyggðar. /MÞÞ
Umhverfisviðurkenningar voru á dögunum veittar í Fjarðabyggð fyrir snyrtilegar lóðir í dreif- og þéttbýli sem og
fyrirtækis.