Bændablaðið - 07.11.2019, Page 6

Bændablaðið | Fimmtudagur 7. nóvember 20196
Formannafundur BÍ var haldinn 24.–25.
október síðastliðinn. Fyrri daginn voru fé-
lagsmálin rædd en félagskerfisnefndin sem
Búnaðarþing 2018 skipaði kynnti starf sitt og
þær hugmyndir sem hún hefur unnið að síðustu
mánuði. Talsverðar umræður sköpuðust um
tillögurnar og voru fulltrúar félaganna hvattir
til að fá kynningu fyrir félagsmenn sína og
ræða sín viðhorf til hugmyndanna. Nefndin
er tilbúin að fara og heimsækja bændur,
kynna tillögur sínar í aðildarfélögunum og
fá ábendingar. Þetta er að sjálfsögðu félags-
kerfið okkar allra sem er til umræðu og því afar
mikilvægt að sem flestir komi að og taki þátt
í vinnunni. Betur sjá augu en auga.
Við þurfum öflugt og skilvirkt félagskerfi
Tillaga félagskerfisnefndarinnar verður í
vinnslu næstu mánuði en hún verður síðan
tekin til afgreiðslu á Búnaðarþingi í mars.
Mikilvægt er að sem flestir kynni sér vel þær
hugmyndir og fái nefndina til að fara yfir
málin heima í héraði. Markmiðið er að gera
félagskerfið öflugra og skilvirkara til að við
getum náð meiri slagkrafti í hagsmunabaráttu
bænda. Af því veitir sannarlega ekki og þar
verða menn að horfa á hagsmuni heildarinnar
en ekki festast í þrengri hagsmunum. Bændur
hafa hvorki tíma né efni á að standa sundraðir
á þeim tímum sem nú eru uppi. Ég hvet alla
til að setja sig inn í þessi mál og láta sig þau
varða. Til þess að vel takist til þurfum við að
skipuleggja saman hvernig við viljum hafa
hagsmunasamtök bænda til að þau verði sem
sterkust og öflugust. Um það snýst málið.
Vaxandi þungi í loftslagsmálum
Umhverfis- og loftslagsmál voru umræðu-
efni síðari dagsins en umhverfisnefndin kynnti
stöðu við gerð umhverfisstefnu landbúnaðar-
ins. Markmiðið með henni er að setja fram
heildstæða stefnu í landbúnaðarmálum þar
sem sjálfbærni verður höfð að leiðarljósi og
landbúnaðurinn setji sér skýra og markmiða-
setta stefnu í umhverfismálum til næstu ára.
Umhverfismálin eru bændum hugleikin og
miklar og góðar umræður spunnust í kjölfar
kynningarinnar. Nefndin stefnir á að senda
drög til kynningar í aðildarfélögunum þannig
að félagsmenn geti allir kynnt sér stefnuna og
komið með ábendingar. Stefnt er að því að
afgreiða nýja umhverfisstefnu á Búnaðarþingi
í mars nk. Þetta er ekki síður mikilvægt fyrir
landbúnaðinn og ég hvet félagsmenn sem þetta
varðar til að taka þátt í umfjöllun í sínum að-
ildarfélögum þegar að henni kemur.
Náum samhljómi um það hvert við ætlum
Í umfjöllun um loftslagsmál og sér í lagi um
losun kolefnis ber skýrslum eða sérfræðingum
ekki alltaf saman, sérstaklega hvað varðar
losun frá landi. Hvernig landbúnaðurinn tekst á
við áskoranir í loftslagsmálum hlýtur að þurfa
að byggja á rannsóknum sem gefa sem skýrasta
mynd af raunverulegri losun við íslenskar að-
stæður. Við búum ekki yfir nægilega góðum
gögnum í dag og um leið og við grípum til
aðgerða þurfum við líka að bæta gögnin. Með
betri gögnum verður miklu sterkari grund-
völlur fyrir stærri aðgerðum á þessu sviði, en
það er algerlega nauðsynlegt að við náum betri
samstöðu um hvar við erum til að geta orðið
sammála um hvert við ætlum.
Endurskoðaður nautgripasamningur
Þann 25. október síðastliðinn var samkomulag
um starfsskilyrði nautgriparæktar undirritað
sem er fagnaðarefni. Samninganefndir bænda
og ríkis hafa unnið að samkomulaginu frá
því í apríl. Meginbreytingin er að viðskipti
með greiðslumark verða heimiluð að nýju.
Þau munu fara fram á markaði með jafn-
vægisverði sem er sama fyrirkomulag og gilti
frá 2010–2016. Kynningarfundir hafa staðið
yfir á haustfundum Landssambands kúabænda
en næstkomandi mánudag verður boðið upp á
rafrænan kynningarfund sem er lokakynning á
samningunum en um hann má lesa nánar hér í
blaðinu á bls. 24. Þar geta bændur komið með
fyrirspurnir en mikilvægt er að menn kynni sér
samninginn vel. Um fyrirkomulag atkvæða-
greiðslu er einnig fjallað hér í blaðinu en við
hvetjum alla nautgripabændur til að taka þátt í
atkvæðagreiðslunni. Allir þeir sem eru í naut-
griparækt og eru aðilar að BÍ og eða LK eiga
atkvæðisrétt en atkvæðisgreiðsla verður raf-
ræn og krefst rafrænna skilríkja. Kosið verður
með sama kerfi og gert var um endurskoðaðan
sauðfjársamning fyrr á þessu ári.
Bændablaðið kemur út 24 sinnum á ári. Því er dreift ókeypis á yfir 400 stöðum
á landinu og á öll lögbýli landsins.
Lesendur geta einnig gerst áskrifendur að blaðinu og fengið það sent heim í pósti
gegn greiðslu. Árgangurinn kostar þá kr. 10.900 með vsk. (innheimt í tvennu lagi).
Ársáskrift fyrir eldri borgara og öryrkja kostar 5.450 með vsk.
Heimilisfang: Bændablaðið, Bændahöll við Hagatorg, 107 Reykjavík.
Sími: 563 0300 – Fax: 562 3058 – Kt: 631294–2279
Bændablaðið er í eigu Bændasamtaka Íslands. − Málgagn bænda og landsbyggðar −
SKOÐUN
Íslendingar hafa alla tíð staðið frammi
fyrir fjölmörgum áskorunum sem þjóð.
Í eigin vesöld hefur þjóðin á tímum glat-
að eigin tilverugrunni í hendur erlends
valds sem sá tækifæri til að efnast á
kostnað þessarar ósjálfbjarga örþjóðar.
Stöðugt er vegið að sjálfstæði Íslendinga
með margvíslegum hætti. Þar nýta erlendir
fjármagnseigendur sér óspart, eins og oft
áður, einfeldningsskap og vesæld þessarar
eyþjóðar, sem af heimóttarskap þorir ekki
alltaf að standa í eigin lappir þegar á reynir.
Þjóð sem kiknar í hjáliðunum þegar erlend-
ir valdsmenn og auðjöfrar í fínum fötum
stíga þóttafullir út úr sínum einkaþotum á
íslenskri grund. Veifa seðlum með loforð-
um sem oft er ekkert byggjandi á.
Ef litið er yfir söguna mætti halda að á
þessari eyju í miðju Atlantshafi hafi alla tíð
búið fólk sem hefur unun af sjálfspíningu
og bakkar hvað annað upp í endalausri með-
virkni og heimóttarskap. Allavega hefur
þjóðin hvað eftir annað glatað fjárhags-
legu sjálfstæði sínu í hendur Norðmanna,
Hansakaupmanna, Englendinga og Dana.
Kannski má segja að þjóðin hafi ekki átt
annað skilið því ekki hafði hún mátt, þekk-
ingu eða getu til að nýta þá kosti landsins
sem aðrir töldu sig geta nýtt. Frekar drápust
menn t.d. úr sulti en að nýta sér síldina
sem fyllti hér flóa og firði, af því að hún
var ekki talin mannamatur eins og þorskur
eða ýsa. Það var ekki fyrr en Norðmenn
komu og fóru að veiða þetta silfur hafsins
um aldamótin 1900 að Íslendingar kveiktu
loks á perunni. Hvalalýsi var líka nýtt á
nítjándu öld og fram á þá tuttugustu með
gengdarlausum hvalveiðum hér við land og
þá auðvitað af erlendum peningamönnum
sem græddu vel. Englendingar, Þjóðverjar,
Belgar, Frakkar, Spánverjar, Portúgalir,
Rússar og fleiri þjóðir nýttu hér fiskimið
upp í landsteina langt fram á tuttugustu öld
og Íslendingar horfðu máttvana á úr landi.
Í dag horfa menn á erlenda auðmenn
kaupa hér upp jarðir í tugatali án þess að
stjórnvöld hafi fram að þessu haft rænu á
því fyrir hönd þjóðarinnar að spyrna við
fótum. Gildir þá einu þótt bent hafi verið
á að frændþjóð okkar og fyrrum drottnarar
í Danaveldi láti ekki sína meintu vini vaða
svo yfir sig á skítugum skónum.
Bújarðir og eyðijarðir með dýrmæt-
um vatnsréttindum hafa verið keyptar
upp undir því yfirskini að það sé til að
vernda lax. Þegar þeim peningamönnum
þótti gagnrýn umræða orðin óþægileg var
peningadúsu stungið upp í fólk hér og þar
sem og ríkisstofnanir, með fagurgala um
falleg áform.
Fjármálaviðskipti snjallra peninga-
manna snúast hins vegar alltaf um að
hámarka afrakstur. Þegar gróðasjónarmiðin
verða ofan á, þá er fagurgala og fögrum lof-
orðum þráfaldlega sturtað niður í klósettið.
Nú hafa Íslendingar lagst marflatir fyrir
fjármálaséníum í orkumálum og galopn-
að allar dyr fyrir slíkum snillingum. Enda
agendar þeirra víða með áhrif í kerfinu.
Íslendingar eru svo plataðir til að taka þátt
í subbulegum blekkingum með sölu afláts-
bréfa til að gera erlendum orkusóðum kleift
að halda áfram að menga andrúmsloftið.
Á sama tíma látum við plata okkur til að
borga kolefnisskatt til að kaupa rándýrt
„lífeldsneyti“ af erlendum olíufurstum sam-
kvæmt opinberu regluverki um íblöndun
sem samið var af hagsmunaaðilum. Það
gerir svo ekki annað en að auka eyðslu
ökutækja svo þeir græði enn meira.
Þannig er stanslaust vaðið yfir þessa
þjóð á skítugum bomsum manna sem stikað
hafa yfir heimsbyggðina og nýtt sér ein-
feldni og eymd annarra. Það er samt ekki
við þetta fólk að sakast að við látum slíkt
viðgangast, heldur getum við engu öðru
um kennt en okkar eigin heimsku. /HKr.
Markmiðið er að ná meiri slagkrafti
Ritstjóri: Hörður Kristjánsson (ábm.) hk@bondi.is – Sími: 563 0339 − Rekstur og markaðsmál: Tjörvi Bjarnason tjorvi@bondi.is – Blaðamenn: Margrét Þ. Þórsdóttir mth@bondi.is – Sigurður Már Harðarson
smh@bondi.is – Vilmundur Hansen vilmundur@bondi.is – Auglýsingastjóri: Guðrún Hulda Pálsdóttir ghp@bondi.is – Sími: 563 0303 – Netfang auglýsinga: augl@bondi.is − Vefur blaðsins:
www.bbl.is − Netfang blaðsins: (fréttir og annað efni) er bbl@bondi.is
Frágangur fyrir prentun: Ágústa Kristín Bjarnadóttir – Prentun: Landsprent ehf. – Upplag: sjá forsíðu – Dreifing: Landsprent og Íslandspóstur. ISSN 1025-5621
ÍSLAND ER LAND ÞITT
Guðrún S. Tryggvadóttir
formaður Bændasamtaka Íslands
gst@bondi.is
Hlíðarvatn í Hnappadal á Snæfellsnesi norðan Gullborgarhrauns. Vatnið tilheyrir þremur bæjum sem land eiga að því; Heggsstöðum, Hallkels-
staðahlíð og Hraunholtum. Vatnið er 4,4 ferkílómetrar að stærð og 21 metri þar sem það er dýpst. Úr Hlíðarvatni fellur hin þekkta laxveiði á
Haffjarðará, en í sjálfu vatninu er góð silungsveiði. Mynd / Hörður Kristjánsson
Fulltrúar allra aðildarfélaga Bændasamtakanna mættu til formannafundar á dögunum. Mynd /TB
Einfeldningsskapur