Fjölrit RALA - 10.05.1988, Qupperneq 109

105
Fjðldi lýna
20. mynd. Dreifing sýrustigs (pH) í túnum i Hörgslandshreppi haustib 1986.
Rannsóknir á niturnámi fóðurlúpínu (RL 3781
Friðrik Pálmason
Lokið er fjögurra ára rannsóknum á niturnámi einærrar fóðurlúpínu. Þessar rannsóknir
hófust með tilraun á sendnum, framræstum jarðvegi í Gunnarsholti á Rangárvöllum 1983,
en tilraunum var haldið áfram frá 1984 á meljarðvegi á Korpu til ársins 1986.
Mesta niturnám samlífsgerla lúpinunnar var 213 kg/ha N og var það 93,4% af N í
lúpínugróðrinum. Þetta var árið 1984 og meðalhitinn á vaxtartímanum var ekki meiri en
9°C og úrkoman var 93 mm á 116 daga vaxtartíma. Hins vegar brást uppskeran 1983 að
heita má vegna kulda og bleytu og var léleg 1985 vegna óvenjumikilla þurrka. Árið 1986
var uppskera aftur með ágætum og niturnám úr lofti nam 185 kg/ha af N og var 98,4% af
N í lúpínunni.
Fóðurlúpína virðist því geta gefið góða uppskeru hér á landi en getur brugðist í
verstu árum. Á sendnum jarðvegi skiptir hæfilegur jarðvegsraki miklu máli, ekki síst við
sáningu og framan af vaxtartímanum. Sáningu þarf að vanda vel, sá snemma til þess að
nýta vorrakann og tryggja sem lengstan vaxtartíma og nauðsynlegt er að fella fræið niður
og valta eftir sáningu. Uppskera af lúpínunni hefur verið í réttu hlutfalli við sáðmagn í
þessum tilraunum, þar sem 100 kg/ha af lúpínufræi voru notuð i blöndum en 200 kg/ha í