Fjölrit RALA - 10.05.1988, Page 131

127
RAUÐABERG
Jónatan Hermannsson
Búnaðarsamband Austur-Skaftfellinga þá hluta jarðarinnar Rauðabergs á Mýrum eystra
að gjöf frá Elíasi Jónssyni bónda þar árið 1979. Á næstu tveimur árum byggði
Búnaðarsambandið þar fundar- og skrifstofuhúsnæði ásamt íbúðarhúsi fyrir ráðunaut
sambandsins. Ætlunin var að nýta þessa aðstöðu til jarðræktartilrauna. Byrjað var á
tilraunum þar í smáum stíl vorið 1981 og hefur verið haldið áfram síðan. Umsvifin hafa
síðan vaxið nokkuð, eins og sést 56. töflu.
56. tafla. Yfirlit yfir jarbrœktartilraunir gerðar á Rauðabergi 1985-1987.
Fiöldi tilrauna
mi I9£6 19£Z
Tún, grasstofnar 2 2
áburður 4 6 6
Korn 1 1 1
Grænfóður 1
Runnar 1 1 1
Reitir alls 272 310 246
Þessi þrjú ár, sem hér um ræðir, hefur Bjarni Hákonarson, ráðunautur
Búnaðarsambandsins, haft frumkvæði að tilraununum fyrir hönd heimamanna. Jónatan
Hermannsson hefur verið fulltrúi Rala og hafa þeir sinnt tilraununum í sameiningu.
Skjólbeltatilraun frá Skógræktinni er heima á Rauðabergi og þar var líka
grasstofnatilraun og önnur á Miðfelli í Nesjum. Aðrar tilraunir hafa verið gerðar í landi
heykögglaverksmiðjunnar 1 Flatey á Mýrum og síðan 1986 einnig í félagsræktun bænda á
Steinasandi í Suðursveit. Á báðum stöðum er jarðvegur grófur aur og þykir það heppilegt
því að túnrækt á þess konar landi er einkennandi fyrir Austur-Skaftafellssýslu.
Áburðartilraunirnar hafa verið gerðar með tilliti til sérkenna aursins. Þar er meðal
annars kannað samspil kalís og köfnunarefnis í svo lítið jónheldnum jarðvegi og einnig
nýting annarra efna, svo sem brennisteins og fosfórs. Áburðar- og sláttutímatilraun á
Steinasandi hefur staðfest að nauðsynlegt er að bera snemma á auratún til þess að nýta
vetrarrakann í jarðvegi sem geymir svo lítinn raka.
Kornrækt hefur gengið fremur illa í aurnum, ef frá eru talin allra bestu ár eins og
1984. Vorþurrkar hafa oft leikið kornið illa.
Að svo komnu er ekkert hægt að fullyrða um framhald tilrauna í Austur-
Skaftafellssýslu. Líklegast þykir þó að litil breyting verði hin allra næstu ár.