Bændablaðið - 19.11.2020, Blaðsíða 10

Bændablaðið | Fimmtudagur 19. nóvember 202010
FRÉTTIR
Bændasamtök Íslands:
„Förum eftir alþjóða-
samningum”
Bændasamtök Íslands sendu
á dögunum frá sér yfirlýsingu
vegna tollamála og fréttaflutnings
af þeim málum og viðbrögðum
Félags atvinurekenda sem
fram koma í Ríkisútvarpinu. Í
yfirlýsinguni sem undirrituð er af
Gunnari Þorgeirssyni, formanni
Bændasamtakanna, segir:
„Á þessu ári hafa Bændasamtök
Íslands átt í miklum samskiptum við
íslensk stjórnvöld vegna tollflokk-
unar á ýmsum landbúnaðarvörum.
Út á við hefur umfjöllunin einkum
verið um vöru sem í frétt á RÚV
þann 11.11 er kölluð „jurtablandaður
pítsaostur“.
Í frétt RÚV er haft eftir yfirlýs-
ingu frá Félagi atvinnurekenda að:
„Slíkur ostur verði, með jurtaolíu-
blönduninni, tollfrjáls og það hafi
verið með fullu samþykki og vit-
neskju tollyfirvalda ... Það sé í fullu
samræmi við alþjóðareglur.“
Þær staðfestu upplýsingar sem
hafa komið fram skýra meginatriði
málsins og staðan er eftirfarandi:
Þann 17. febrúar gaf Skatturinn út
bindandi álit um tollflokkun á rifnum
osti sem hertum flögum úr jurtafeiti
hafði verið bætt saman við. Bindandi
niðurstaða þess álits sem var sótt
um og gefið út á grundvelli 20. gr.
tollalaga nr. 88/2005, var að umrædd
vara ætti að tollflokkast sem ostur í
tollflokk 0406.2000. Í kjölfarið urðu
allnokkur samskipti við stjórnvöld
út af tollflokkun, m.a. á þessari og
sambærilegum vörum. Niðurstaða
þess var í stuttu máli sú að Skatturinn
leitaði álits DG TAXUD (Tolla- og
skattaskrifstofu ESB) í Brussel. Svar
barst Skattinum 4. júní þess efnis að
sú vara sem til umfjöllunar var skyldi
tollflokkast sem ostur í tollskrárnúm-
er 0406.2000 en hvorki í 19. né 21.
kafla tollskrár.
Þann 23. júní tilkynnti tollgæslu-
stjóri enn fremur eftirfarandi til
lögmanna hagsmunasamtaka fram-
leiðenda:
„Tollyfirvöld geta staðfest að
„Mozzarella pizza mix“ mun, í
samræmi við álit starfsmanna fram-
kvæmdastjórnar ESB, verða flokk-
að í 4. kafla tollskrár en hvorki 19.
né 21. kafla. Þá geta tollyfirvöld
enn fremur staðfest að vörur sem
eru framleiddar í samræmi við þau
sjónarmið sem koma fram í nefndu
áliti, þ.e., þar sem jurtaolíum hefur
verið blandað við mjólkurvörur af
tækni- og hagkvæmnisástæðum en án
þess að mjólkurfitu sé skipt út fyrir
jurtafitu, munu einnig flokkast í 4.
kafla tollskrár.
Loks mun endurskoðunardeild
Skattsins athuga hvort vörur sem ættu
að vera í 4. kafla í samræmi við ofan-
greind sjónarmið hafi á sl. sex árum
verið flokkaðar í aðra kafla tollskrár.“
Bændasamtök Íslands líta með
þessu svo á að þetta mál, eins og
önnur sem varða tollframkvæmd, séu
til skoðunar hjá endurskoðunardeild
Skattsins. Auk þessa hefur málið
komið til kasta Alþingis sem í með-
höndlun sinni ákvað þann 5. nóv-
ember sl. að fela Ríkisendurskoðun
að taka saman skýrslu um starfsemi
Skattsins við framkvæmd tollalaga.
Þessi mál eru því í heild sinni til
skoðunar hjá þar til bærum stjórn-
völdum. /VH
Gunnar Þorgeirsson.
Bændur í Biskupstungum pirraðir vegna lélegra
varnargirðinga og ristarhliða á milli varnarhólfa
Sveitarstjórn Bláskógabyggðar
ályktaði nýlega um mikilvægi
þess að huga að varnarlínum
vegna búfjár sjúkdóma. Ályktunin
kemur í kjölfar riðuveikinnar,
sem greindist nýlega á búum í
Skaga firði.
Guðrún Svanhvít Kristjáns-
dóttir, bóndi í Bræðra tungu í
Biskups tungum í Bláskógabyggð,
sem á sæti í sveitarstjórn, segir að
varnarhólf og viðhald varnarlína
séu lykillinn að því að riðuveiki
breiðist ekki út og verði landlæg.
„Já, varðandi búfjársjúkdóma
almennt þá þarf alltaf að vera á
tánum og gæta að smitvörnum
búfjár í hvívetna hvort heldur er
við landamæri eða milli einstakra
svæða á landinu. Það verður því að
fara í það af fullri alvöru að sinna
viðhaldi varnarlína í landinu,
annars er hætta á frekari útbreiðslu
veikinnar. Það er lögbundin skylda
Matvælastofnunar að hafa eftirlit
með og viðhalda varnarlínum,
því er mikilvægt að stofnuninni
sé tryggt fjármagn í verkefnið. Þá
má líka benda á það að ristarhlið
eru víða hluti af varnarlínum og
það verður að segjast að viðhaldi
á þeim hefur verið ábótavant.
Ristarhlið þar sem jarðvegur nær
upp í ristarnar halda ekki búfé,
Ristarhlið eru hluti af vegakerfinu
og viðhald á þeim heyrir því alla
jafna undir Vegagerðina. Það er
eins með þennan málaflokk og
aðra í þessu landi, það er ekki nóg
að stofna ríkisstofnanir og setja
lög, það þarf að tryggja stofnun-
um fjármagn til að þær geti sinnt
sínum lögbundnu skyldum,“ segir
Guðrún Svanhvít, sem er pirruð
yfir ástandinu og þannig er um
fleiri bændur í hennar sveit.
Glapræði að sameina hólf
Rætt hefur verið um að sameina
Biskupstungna- og Hrunamannahólf
en Guðrún segir það algert glapræði
og það sé almennt viðhorf bænda í
Biskupstungum.
„Það væri ekki einungis verið
að sameina Tungurnar og Hruna-
mannahrepp í eitt hólf heldur líka
Skeiða, Gnúp og Flóann. Hrun,
Skeið, Gnúp og Flóinn eru eitt
varnarhólf , að stækka það hólf enn
frekar myndi auka hættuna til muna
að skera þyrfti niður fé á stóru svæði
ef upp kæmi riða. Árið 2004 var allt
fé í Biskupstungum skorið niður í
einhverjum mesta riðuniðurskurði
sem farið hefur verið í á Íslandi,
ekki einungis á bæjum þar sem
riða greindist heldur öllum bæjum.
Bændur í Tungunum hafa síðustu
14 ár ræktað upp nýjar hjarðir með
góðum árangri og ég efast um að
bændur séu tilbúnir að fórna því starfi
með því að sameinast varnarhólfum
þar sem riða hefur komið upp eftir
að fjárskiptin urðu hér í sveit. Árið
2007 greindist riða á tveimur bæjum
í Hrunamannahreppi,“ segir Guðrún
Svanhvít. /MHH
Byggðaráð Sveitarfélagsins Skaga ­
fjarðar og hreppsnefnd Akra hrepps
hafa lýst yfir áhyggjum sínum yfir
lélegu fjarskiptasambandi víða
um Skagafjörð, en það dregur úr
öryggi þeirra sem búa á svæðinu
eða eiga leið um það.
Sveitarfélögin í Skagafirði hafa
unnið að því á undanförnum árum
í samvinnu við stjórnvöld í gegnum
verkefnið Ísland ljóstengt að koma
á ljósleiðaratengingu í dreifbýli utan
markaðssvæða.
Samband víða stopult
Er þess nú skammt að bíða að flest
heimili í dreifbýli í Skagafirði hafi
aðgang að háhraða fjarskiptatengingu.
Gsm og tetra-samband í Skagafirði
er hins vegar víða stopult eða ekki
til staðar. Á þetta nokkuð víða við,
m.a. í inndölum og um hálendið þar
sem m.a. er stundaður landbúnaður
og ferðaþjónusta, auk þess sem
svæðið laðar að sér marga gesti
til útivistar. Enn er því óleyst það
mikilvæga verkefni að tryggja
fjarskiptasamband fyrir almenning
til neyðar- og viðbragðsaðila gegnum
112.
Þarf að auka öryggi íbúa
Byggðarráð og hreppsnefnd hafa
hvatt Neyðarlínuna og ríkisvaldið
til að tryggja fullnægjandi
fjarskiptasamband með uppsetningu
fleiri senda í samvinnu við
staðkunnuga, auk þess sem Tetra-
sambandið verði stórlega bætt til að
auka öryggi íbúa og ferðamanna í
landshlutanum.
Þá skora byggðarráð Sveitar-
félagsins Skagafjarðar og hrepps-
nefnd Akrahrepps enn fremur á
Neyðarlínuna og ríkisvaldið að
tryggja fullnægjandi fjarskiptasam-
band á bæjum í Skagafirði áður en
gamla koparkerfið (heimasíminn)
verður að fullu lagt niður á næstu
vikum. „Annað er með öllu ólíðandi,“
segir í bókun. /MÞÞ
Byggðarráð Sveitarfélagsins Skagafjarðar og hreppsnefnd Akrahrepps:
Lélegt fjarskiptasamband veldur áhyggjum
Guðrún Svanhvít Kristjándóttir, bóndi í Bræðratungu, fjallkóngur Tungnamanna og sveitarstjórnarmaður í sveitarstjórn
Bláskógabyggðar, sem segir að það þurfi að fara í það af fullri alvöru að sinna viðhaldi varnarlína í landinu, annars
sé hætta á frekari útbreiðslu riðuveikinnar. Mynd / MHH
„Matvælastofnun býr ekki yfir
fjár heim ildum til við halds varn­
ar girðinga. Fjárveiting arnar
eru ákvarðaðar og greiddar af
atvinnuvega­ og nýsköpunar ráðu­
neytinu,“ segir Sigurjón Njarðar­
son, fulltrúi yfirdýralæknis.
„Aðkoma Matvælastofnunar
að viðhaldi varnargirðinga er
forgangsröðun á ráðstöfun fjár-
muna, þ.e.a.s. hvernig þeim
er skipt á varnargirðingar á
landinu. Úthlutunin tekur fyrst
og fremst mið af sjúkdómastöðu
milli varnarhólfa en einnig af
ástandi varnarlína hverju sinni.
Matvælastofnun hefur annast
samningagerð við verktaka við
girðingaframkvæmdir.“
– Af hverju eru þessi mál í jafn
miklum lamasessi og virðist vera?
„Fjármagn til viðhaldsins
hefur aukist á undanförnum
árum. Víða er ástand varnar-
girðinga ekki gott og ljóst að
sum landsvæði koma verr undan
vetri en önnur. Varnargirðingar
eru nauðsynlegur liður í að
hefta útbreiðslu smitsjúkdóma
í dýrum og því er mikilvægt að
tryggja fullnægjandi fjármagn til
viðhalds þeirra.“
– Eru einhverjar áætlanir í
gangi með þessi mál núna?
„Hið opinbera er meðvitað um
stöðu mála og unnið er að skoðun
kerfisins,“ segir Sigurjón.
/MHH
MAST segir engar fjárheimildir
til viðhalds varnargirðinga
Sigurjón Njarðarson. fulltrúi yfir-
dýralæknis.
Aðalfundur Slow Food Reykjavík:
Unnið að því að gera gagnvirkt kort
með „Slow Food“ veitingastöðum
Aðalfundur Slow Food Reykjavík
var haldinn með fjarfundarbúnaði
5. nóvember. Dóra Svavarsdóttir
matreiðslumeistari er áfram
formaður og hún segir að nokkur
verkefni á vegum hreyfingarinnar
hafi verið til umræðu á fundinum,
til dæmis gerð gagnvirks korts með
veitingastöðum á Íslandi sem vinna
í anda Slow Food­hugsjónarinnar.
„Hugmyndin er að kortið verði
aðgengilegt á vefnum og mögulega
sem app þegar fram í sækir. Þetta
eru að sjálfsögðu erfiðir tímar fyrir
veitingamenn og óvíst hverjir standa
eftir. En það er mikilvægt að byrja
á þessari vinnu,“ segir Dóra. „Slow
Food Youth Network er orðið mjög
virkt hér á landi og það er átta manna
hópur þeirra sem með miklum
eldmóð er með nokkur verkefni
í gangi; meðal annars einmitt að
kortleggja veitingahúsaflóruna
þeirra sem vinna í Slow Food-
andanum. Eins eru þau að vinna
í Diskó súpu-verkefnum, „átaki
gegn matarsóun“ og eru í talsverðu
sambandi við nemendafélögin í
Háskóla Íslands.“
Aðstoðað við eldamennsku
hjá Samhjálp
„Annað frábært verkefni sem
Cornel G. Popa hafði veg og vanda
af var samstarf við Samhjálp.
Cornel er ungur ítalskur kokkur
sem hefur starfað með okkur og í
samstarfinu við Samhjálp fór hann
og hjálpaði á kaffistofu Samhjálpar á
morgnana og seinnipartinn nokkrum
skjólstæðingum kaffistofunnar
og kenndi þeim grunnatriðin í
matreiðslu. Bæði fyrir þá sjálfa og
eins þannig að þeir gætu jafnvel
fengið vinnu í stóreldhúsum í
framhaldinu. Verkefninu lauk núna
í október og tveir af hans lærlingum
vinna núna fyrir Samhjálp og sjá um
hádegismatinn,“ segir Dóra.
Nýja stjórn Slow Food Reykjavík
skipa auk Dóru þau Gunnþórunn
Einarsdóttir, gjaldkeri, Dominique
Plédel Jónsson, ritari og þeir Sveinn
Kjartansson og Svavar Halldórsson
meðstjórnendur. /smh
Dóra Svavarsdóttir er áfram formað-
ur Slow Food Reykjavík.
Frá Skagafirði. Mynd / HKr.