Morgunblaðið - 12.12.2020, Page 2

2 FRÉTTIRInnlent
MORGUNBLAÐIÐ LAUGARDAGUR 12. DESEMBER 2020
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Jólaskógurinn var opnaður í Tjarnarsal Ráðhúss
Reykjavíkur í gær. Þetta er tíunda árið í röð sem
salnum er breytt í jólaskóg og við opnunina
komu leikskólabörn af Tjarnarborg í heimsókn
og þau Grýla og Leppalúði mættu á svæðið og
sögðu sögur af jólasveinunum. Allir fengu heitt
súkkulaði og smákökur. Að venju voru sungin
jólalög og dansað í kringum jólatréð í miðjum
skóginum.
Morgunblaðið/Eggert
Gleðin skein úr andlitum barnanna í jólaskóginum
Guðni Einarsson
gudni@mbl.is
Barnaverndarnefnd sveitarfélags
hefur lokað máli sem barna- og ung-
lingageðdeild Landspítalans –
BUGL tilkynnti til nefndarinnar.
Morgunblaðið hefur nokkrum
sinnum rætt við móður stúlku á ein-
hverfurófi sem hefur gagnrýnt
BUGL vegna þess að dóttir hennar
eigi rétt á fullnægjandi þjónustu þar
en fái ekki. BUGL tilkynnti móður-
ina til barnaverndarnefndarinnar 8.
júlí sl. Hún fékk í fyrradag niður-
stöðu nefndarinnar þar sem segir
m.a.: „Ekki er talin ástæða til frekari
afskipta af málinu á grundvelli
barnaverndarlaga. Samþykkt að
loka málinu.“
Móðirin sagði ljóst af bréfinu að
barnaverndarnefndin hefði lagt
mikla vinnu í málið, talað við skóla
stúlkunnar og fleiri og tekið sjónar-
mið sín og annarra, þar á meðal
BUGL, til greina. „Það tók á mig að
lesa það sem BUGL sagði. Málið
gekk út á það að við hefðum vanrækt
barnið að öllu leyti. Það var kallað
„almenn vanræksla“. Það þýðir að
við gefum barninu ekki að borða og
kaupum ekki á það föt. Það er auðvit-
að alveg út í hött. Þá var sagt að
heimilisaðstæður væru óviðunandi.
Við foreldrarnir voru líka sökuð um
að hafa vanrækt skólamál, vinnumál
og tómstundir,“ sagði móðirin. Hún
kvaðst þvert á móti hafa barist fyrir
því að stúlkan fengi einhverja
kennslu í skólanum og eins að hún
fengi viðunandi þjónustu á BUGL.
„Það er sagt að ég hafi neitað
þjónustu og hamlað því að hún fengi
þjónustu. Ég get hrakið þetta allt,“
sagði móðirin. Þá segir hún að yfir-
menn BUGL hafi hótað sér því að
dóttir hennar yrði tekin af henni.
Það hafi m.a. verið staðfest í svari til
réttargæslumanns fatlaðra. Móðirin
segir að BUGL losi sig við flókin mál
ungmenna á einhverfurófi eða með
fötlunargreiningu með því að vísa
þeim til barnaverndarnefnda og
koma málum þeirra þannig yfir á
sveitarfélögin. Hún kveðst þekkja
þrjú svoleiðis dæmi.
88 mál til barnaverndarnefnda
„Ég sendi Landspítalanum fyrir-
spurn og spurði hvað mörgum mál-
um BUGL vísaði árlega til barna-
verndarnefnda. Ég fékk svar 12.
nóvember og þá var BUGL búið að
senda 88 tilkynningar til barna-
verndarnefnda það sem af var þessu
ári. Það var svipaður fjöldi og allt ár-
ið í fyrra. Ég spurði hvað mörg þess-
ara mála vörðuðu börn á einhverfu-
rófi eða með fötlunargreiningu. Þau
neituðu að svara því,“ sagði móðirin.
Í fyrrgreindu svari Landspítalans
kom einnig fram að skoðun á kvört-
un móðurinnar hefði ekki leitt í ljós
að vinnubrögð starfsfólks BUGLs
hefðu verið ámælisverð. Athugun á
því máli væri lokið innan Landspít-
ala. Þá var móðurinni bent á að sam-
kvæmt ákvæði laga um réttindi sjúk-
linga mætti beina kvörtunum til
embættis landlæknis.
Barnaverndarmáli var lokað
 BUGL tilkynnti móður stúlku á einhverfurófi til barnaverndarnefndar  Móðirin telur það hafa verið
gert vegna gagnrýni á BUGL  Barnaverndarnefndin sá ekki ástæðu til frekari afskipta af málinu
„Skógurinn í Hamrahlíð er afar fal-
lega sprottinn og trén þar óværu-
laus,“ segir Björn Traustason, for-
maður Skógræktarfélags Mosfells-
bæjar. Stafafura og svo blágreni og
sitkagreni eru þær tegundir sem
mestra vinsælda njóta. Býðst fólki
að velja sér og fella tré í Hamrahlíð-
inni, sem er í hlíðum Úlfarsfells við
Vesturlandsveg. Þar verður um
helgina opið milli 12 og 16 og virku
dagana fram til jóla fram til klukkan
18. Í gær var verið að undirbúa sölu
helgarinnar og glatt á hjalla meðal
skógarfólks. sbs@mbl.is
Stemningin góð í óværulausum
jólatrjáaskóginum í Hamrahlíð
 Stafafura og
blágreni eru vin-
sælar tegundir
Morgunblaðið/Eggert
Skógarkonur Elísabet Kristjánsdóttir, framar, og Kristín Davíðsdóttir í
Hamrahlíð í gær við undirbúning fyrir söluna sem verður um helgina.
Kolbrún Bald-
ursdóttir, borg-
arfulltrúi Flokks
fólksins, lagði
fram tillögu á
fundi borgarráðs
á fimmtudag
þess efnis að
borgarbúar verði
hvattir til að
styrkja starf
björgunarsveita
án þess að kaupa flugelda. „Meng-
un frá flugeldum er vandamál.
Flugeldar eru aldrei umhverfis-
vænir eða skaðlausir. Svifryk frá
flugeldum er talið varasamt og
heilsuspillandi vegna efna sem eru í
því,“ sagði í tillögunni sem vísað
var til meðferðar umhverfis- og
heilbrigðisráðs.
Borgarbúar endur-
skoði flugeldakaup
Kolbrún
Baldursdóttir
Dómur yfir tveimur karlmönnum
sem sakfelldir voru fyrir að hafa
nauðgað 16 ára stúlku fyrir þremur
árum var mildaður í Landsrétti í
gær. Mennirnir hlutu tveggja ára
fangelsisdóm en höfðu áður verið
dæmdir í þriggja ára fangelsi í Hér-
aðsdómi Reykjavíkur. Sakfelldu,
Lukasz Soliwoda og Tomasz Wal-
kowski, voru 32 og 36 ára þegar
þeir brutu gegn stúlkunni í kjallara
fjölbýlishúss í febrúar 2017. Óhóf-
legur dráttur á málsmeðferð er
meðal rökstuðnings Landsréttar
fyrir því að milda dóminn. Þó er
tekið fram að brotin hafi verið al-
varleg og beinst gegn einstaklingi
undir lögaldri.
Landsréttur mildaði
nauðgunardóm
STYRKUR -HAGKVÆMNI -HÖNNUN
Landshús - Sími 553 1550 - landshus.is
EFLA verkfræðistofa sér um tæknilega hönnun á öllum húsunum okkar.
- Öll hönnun á burðarvirki, festingumog efnisval er skv. íslenskri byggingarlöggjöf.
KLETTAR SUMARHÚS Viltu lækkabyggingar-
kostnað?
Klettar sumarhús eru útfærð í einingakerfi
Landshúsa. Einingakerfið okkar hefur undanfarin ár fengið afar góðar
viðtökur og hafa húsin okkar risið um allt landmeð góðum árangri.
Markmið okkar er að bjóða upp á lausn sem
gerir fólki kleift að byggja traust hús á
einfaldan og hagkvæman hátt.
Verð frá kr. 8.373.120.
-
65 fmgrunnhús + 35 fm
svefnloft.
Val á gluggum:
Timbur
Ál/timbur
PVC