Morgunblaðið - 12.12.2020, Qupperneq 4

4 FRÉTTIRInnlent
MORGUNBLAÐIÐ LAUGARDAGUR 12. DESEMBER 2020
Pólgata 1 - Landsbankahúsið Ísafirði
Fasteignamiðstöðin Hlíðasmára 17, 201 Kópavogi sími 550 3000, er með til sölu fasteignina Pólgötu 1, sem er húsnæði
Landsbankans á Ísafirði.
Reisulegt hús sem stendur á eignarlóð í miðbæ Ísafjarðar. Húsið var byggt fyrir starfsemi Landsbanka Íslands og var tekið í
notkun árið 1958. Arkitekt var Bárður Ísleifsson en byggt var á teikningum Guðjóns Samúelssonar. Húsið er um 830 m2 og
skiptist í kjallara, tvær hæðir og rishæð. Auk þess fylgir eigninni 57 m2 frístandandi bílskúr. Rúmgóð þriggja herbergja íbúð er á
2. hæð. Húsið hefur fengið gott viðhald og var gert upp að mestu árið 2006.
Frábært tækifæri til að eignast stórt og fallegt hús sem býður upp á mikla möguleika fyrir ýmsa starfsemi.
Alls greindust 22 kórónuveirusmit í
fyrradag á landinu. Þar af voru tíu á
landamærum og tólf innanlands.
Upp kom hópsmit eða klasasmit
meðal hælisleitenda sem búa þröngt
í Hafnarfirði. Óljóst er hversu marg-
ir kunna að hafa smitast í því klasa-
smiti en hugsanlegt er að talan
hækki.
Ungbarn meðal smitaðra
Alls fjölgaði um tólf einstaklinga í
farsóttarhúsinu í fyrradag.
Fjórar fjölskyldur hælisleitenda
dvelja í farsóttarhúsinu við Rauðar-
árstíg en átta þeirra eru með kór-
ónuveirusmit. Öll eru smitin rakin til
hópsýkingar í húsnæði Útlendinga-
stofnunar fyrir hælisleitendur í
Hafnarfirði.
Sex af átta greindust með veiruna
í fyrradag en umræddir einstakling-
ar voru allir í sóttkví við greiningu.
Framangreint smit kom upp í úrræði
á vegum Hafnarfjarðarbæjar. Hús-
næðið hýsir fjölskyldur, en því er
skipt upp í nokkrar íbúðir. Hver fjöl-
skylda er þannig með eldunar- og
salernisaðstöðu út af fyrir sig. Það er
því ekki víst að smitið sé mjög út-
breitt.
Meðal þeirra sem voru fluttir í far-
sóttarhúsið með smit er eins árs
gamalt barn en foreldrar þess eru
ekki smitaðir. Auk þess þurftu ung
börn að fylgja smituðum foreldrum
sínum í einangrun.
Víðir áfram í einangrun
Óvíst er hvenær Víðir Reynisson
yfirlögregluþjónn snýr aftur til
starfa en hann er með lungnabólgu
eftir að hann greindist með Covid-19
í lok nóvember.
Rögnvaldur Ólafsson aðstoðar-
yfirlögregluþjónn sagði í gær óvíst
hvenær Víðir losnaði úr einangrun
og þá væri einnig óvissa um hvenær
hann yrði nógu hraustur til að standa
aftur í hringiðu heimsfaraldursins.
„Við viljum mjög gjarnan sjá hann
en viljum samt ekki fá hann of
snemma þannig að hann hafi ekki
þrek til vinnu,“ sagði Rögnvaldur.
Thor Aspelund líftölfræðingur
sagði í gær ástandið vera á viðkvæm-
um stað. „Við vissum alveg að þetta
væri möguleiki,“ sagði Thor í gær
um smittölur dagsins. Að sögn hans
er ekki ástæða til að hafa áhyggjur
en reynslan sýnir okkur að vel hefur
gengið að halda utan um klasasmit.
Bakslag en ekki ástæða fyrir áhyggjur
 Alls greindust 22 smit á landinu í fyrradag  Þar af 12 innanlands og 10 við landamærin  Hópsmit
kom upp meðal hælisleitenda sem búa þröngt  Víðir Reynisson er áfram í einangrun með lungnabólgu
Nýgengi innanlands:
42,3 ný smit sl. 14 daga á 100.000 íbúa
12 ný inn an lands smit greindust sl. sólarhring
100
80
60
40
20
0
188 eru með virkt smit og í einangrun
Fjöldi inn an lands-
smita frá 30. júní
Heimild: covid.is
75
1216
99
86
21
júlí ágúst september október nóvember des.
Fjárlög fyrir árið 2021, sem byggð
eru á tillögum meirihluta fjárlaga-
nefndar, voru samþykkt í annarri
umræðu á Alþingi í gær. Gert er ráð
fyrir aukningu á ríkisútgjöldum upp
á 55,3 milljarða, samkvæmt fyrstu
tillögum fjárlaganefndarinnar, en
málið á eftir að fara í gegnum þriðju
umræðu til þess að það verði sam-
þykkt.
Steig Guðlaugur Þór Þórðarson
utanríkisráðherra upp í pontu og
sagði útgjöldin mikil en nauðsynleg,
auk þess sem efnahagsstefnan hing-
að til hefði veitt svigrúm til hækkana
á borð við þessar.
Meðal þess sem í ljós kom eftir
aðra umræðu fjárlaga var að fram-
lag til Ríkisútvarpsins eykst um 140
milljónir frá fyrri áætlunum sem
komu fram í fyrstu umræðu. Þetta
er í samræmi við tekjuáætlun af út-
varpsgjaldi en tekjuáætlun var upp-
færð á milli fyrstu og annarrar um-
ræðu fjárlaga. Upphaflega var gert
ráð fyrir lægri fjárframlögum til
Ríkisútvarpsins á næsta ári en í ár
upp á 310 milljónir.
Morgunblaðið/Kristinn Magnússon
Alþingi Fjárlög næsta árs fela í sér aukin ríkisútgjöld upp á 55,3 milljarða.
Fjárlög samþykkt í
annarri umræðu í gær
 Framlag til Ríkisútvarpsins hækkað
Fyrsti jólasveinninn kom til byggða
í nótt. Var þar Stekkjarstaur á ferð
og hefur hann eflaust fært þægum
börnum eitthvað í skóinn. Í nótt
kemur svo Giljagaur bróðir hans.
Forskot var tekið á jólasveina-
sæluna í gær við undirbúning jóla-
skemmtunar CP-félagsins sem
fram fer rafrænt á morgun, sunnu-
dag.
Viðburðinum verður streymt á
facebook klukkan 15. „Hinir frá-
bæru Fjörkarlar munu halda uppi
jólastemningunni og góðir gestir
munu kíkja í heimsókn. Fátt ku
vera betra en að eiga rafræna sam-
verustund með þínum nánustu þessi
jólin, maula smákökurnar, sötra
súkkulaði og skemmta sér yfir jóla-
legu streymi CP-félagsins,“ segir á
síðu félagsins vegna viðburðarins.
Af myndinni að dæma munu jóla-
sveinarnir taka nokkur lög.
Jólasvein-
arnir tínast
til byggða
Morgunblaðið/Kristinn Magnússon