Gerðir kirkjuþings - 2019, Qupperneq 21

21
og rekstrarumhverfis hennar. Kirkjuráð mun leita eftir fundi með forsvarsmönnum
Skálholtsútgáfunnar til að ræða málefni hennar við fyrsta tækifæri.
2. mál. Skýrsla um fjármál þjóðkirkjunnar.
Flutt af kirkjuráði.
Kirkjuþing 2018 samþykkir endurskoðaða ársreikninga þjóðkirkjunnar, Tónskóla þjóð-
kirkjunnar og Skálholts fyrir árið 2017. Enn fremur afgreiddi kirkjuþing fjármál þjóð-
kirkjunnar með eftirfarandi þingsályktun 1. mars 2019: Kirkjuþing 2017 samþykkir endur-
skoðaða ársreikninga kirkjumálasjóðs, jöfnunarsjóð sókna og kristnisjóðs fyrir árið 2017.
3. mál. Þingsályktun við drög að frumvarpi dómsmálaráðherra til laga um breytingu á
lögum um helgidagafrið nr. 32/1997.
Kirkjuþing 2018 samþykkir að umsögn sú um frumvarp dómsmálaráðuneytisins, sem fram
kemur í nefndaráliti löggjafarnefndar þingsins á þskj. 66 verði send dómsmálaráðherra.
Kirkjuráð sendi dómsmálaráðherra umsögn löggjafarnefndar kirkjuþings.
11. mál. Þingsályktun um stefnumótun fyrir kærleiksþjónustu þjóðkirkjunnar.
Þingmannamál. Vísað til kirkjuráðs um framkvæmd.
Kirkjuþing 2018 samþykkir að fela kirkjuráði að skipa nefnd til að vinna að stefnumótun
fyrir kærleiksþjónustu þjóðkirkjunnar. Nefndin verði skipuð þremur fulltrúum.
Einn fulltrúi verði tilnefndur af Prestafélagi Íslands og einn af Djáknafélagi Íslands.
Verkefnisstjóri kærleiksþjónustusviðs biskupsstofu verði formaður nefndarinnar. Nefndin
vinni náið með þeim sem koma að sérhæfði kærleiksþjónustu kirkjunnar.
Tillaga að stefnu fyrir kærleiksþjónustu þjóðkirkjunnar verði lögð fyrir kirkjuþing
2019.
Kirkjuráð samþykkti á fundi sínum 2. október sl. að skipa eftirfarandi aðila í nefndina:
Séra Þór Hauksson, tilnefndur af Prestafélagi Íslands. Elísabet Gísladóttir, djákni, og
varamaður hennar Helga Björk Jónsdóttir, djákni, tilnefndar af Djáknafélagi Íslands.
Ragnheiður Sverrisdóttir, djákni og verkefnastjóri á biskupsstofu, sem verði formaður
nefndarinnar.
Nefndin hefur ekki komið saman enda nýskipuð. Stefna fyrir kærleiksþjónustu
þjóðkirkjunnar verður því ekki lögð fyrir kirkjuþing 2019.
12. mál. Starfsreglur um samfélags- og fræðslunefnd þjóðkirkjunnar.
Þingmannamál.
Samkvæmt starfsreglum skilar Samfélags- og fræðslunefnd þjóðkirkjunnar kirkjuráði
árlegri skýrslu, sem fjallað er um af kirkjuþingi. Einnig gerir nefndin starfs- og
fjárhagsáætlun sem samþykkt er af kirkjuráði og lögð fyrir kirkjuþing til ályktunar. Biskup
Íslands skipar fimm fulltrúa í nefndina til fjögurra ára og jafnmarga til vara. Kirkjuþing
tilnefnir tvo fulltrúa í nefndina og skal annar þeirra vera formaður hennar. Biskup Íslands
skipar þrjá fulltrúa án tilnefningar úr röðum starfsmanna sinna. Starfsmennirnir skulu
vera verkefnastjórar frá fræðslusviði, kærleiksþjónustusviði og Starfs- og leikmannaskóla