Gerðir kirkjuþings - 2019, Side 43

43
Kirkjuþing afgreiddi fjármál þjóðkirkjunnar með eftirfarandi
þingsályktun
Kirkjuþing 2019 samþykkir endurskoðaða ársreikninga þjóðkirkjunnar og Kristnisjóðs
fyrir árið 2018.
Nefndarálit fjárhagsnefndar
Fjárhagsnefnd kirkjuþings hefur farið yfir ársreikning þjóðkirkjunnar 06-701 fyrir árið
2018 frá Fjársýslu ríkisins eins og hann er birtur í ríkisreikningi og leggur til að hann verði
sam þykktur. Fjárhagsnefnd hefur einnig farið yfir endurskoðaðan ársreikning Kristnisjóðs
og leggur til að hann verði samþykktur.
Endurskoðun ársreikninga Jöfnunarsjóðs sókna og kirkjumálasjóðs er ekki lokið og því
ekki hægt að taka afstöðu til þeirra. Fjárhagsnefnd mun taka þá til skoðunar þegar þeir
liggja fyrir.
Fjárhagsnefnd hefur kynnt sér fjárhagsáætlun þjóðkirkjunnar fyrir árið 2020.