Rit Landbúnaðardeildar : B-flokkur - 01.05.1957, Page 7

Inngangur.
Það er hreint ekki neitt smáræði, sem gert hefur verið af tilraunum
jarðrækt áhrærandi frá því að tilraunir hófust hér á landi um aldamótin
síðustu og fram til þessa dags. Því miður er árangurinn af þessu tilrauna-
starfi engan veginn eins aðgengilegur og vera ætti, því að yfir mikinn
hluta af þessum tilraunum hefur aldrei verið gerð nein heildarskýrsla,
heldur aðeins lausleg bráðabirgðayfirlit, ef þá nokkur opinber greinar-
gerð hefur um þær sézt. í Ársriti Ræktunarfélags Norðurlands eru nokkr-
ar lokaskýrslur um tilraunir, sem gerðar voru í tilraunastöð félagsins á
Akureyri, en um mikinn hluta af tilraunum þeirrar stöðvar hefur ein-
ungis verið gefið út lauslegt yfirlit. Sama má segja um tilraunir Gróðrar-
stöðvarinnar í Reykjavík og á Sámsstöðum, að það, sem prentað hefur
verið um þessar tilraunir, eru einungis helztu niðurstöður til bráðabirgða,
en engar lokaskýrslur. Á vegum Búnaðarfélags íslands og fleiri aðila hefur
verið gert talsvert af dreifðum tilraunum, á Borgum í Homafirði, Hvítár-
bakka í Borgarfirði og víðar, og er lítið kunnugt um árangur þeirra, og
loks var svo um langt skeið unnið að tilraunum á Eiðum á Fljótsdalshér-
aði, án þess að nokkuð hafi verið birt um árangur þeirra, en um þær til-
raunir verður fjallað í riti þessu.
Tilraunastöðin á Eiðum er stofnuð af Búnaðarsambandi Austurlands
árið 1905 og er alla tíð, meðan hún starfar, á vegum sambandsins. Um
staðarval hefur það vafalaust ráðið miklu, að þá var búnaðarskóli á Eið-
um, og þar var von fróðra manna til þess að annast um tilraunirnar og
ungra bændaefna, er læra skyldu af árangri þeirra.
Stöðinni var valið land, um 20 dagsláttur að stærð, á þurrum móum
upp með Eiðalæknum. Þegar haustið 1905 voru plægðir þama 1200 ferf.,
og næsta vor var þetta land unnið og tilraunastarfið hafið. Mjög lítið er
þó af reglulegum tilraunum fyrstu árin, en ýmiss konar athuganir eru
gerðar með gróður og aðferðir, sem eigi hafði áður tíðkazt á Austurlandi.
Orfáar samanburðartilraunir voru þó gerðar með jarðepli, rófur, korn
og áburð, en þær misheppnuðust stundum, svo að engan afrakstur var að