Rit Landbúnaðardeildar : B-flokkur - 01.05.1957, Síða 16

14
Áburðartilraunir.
Hér verður nú fyrst rætt um áburðartilraunirnar á Eiðum, sem eru
meginþáttur starfsins þar. Fyrst verða raktar nokkrar tilraunir, sem gerð-
ar eru á fyrstu árum stöðvarinnar. Tilgangur þeirra hefur vafalaust verið
tvenns konar: Að reyna tilbúinn áburð, er þá mátti heita nýmæli hér á
landi, og að þreifa fyrir sér um áburðarþörf landsins í tilraunastöðinni,
og er ekki ófróðlegt að kynnast árangrinum, hvað áburðarþörfina áhrærir.
Því næst verða áburðartilraunirnar frá 1928—41 raktar hver af annarri.
Flokkunin er lausleg, en þó eru hliðstæðar tilraunir látnar fylgjast að.
Er tilhögunin í aðalatriðunum sú, að fyrst koma tilraunir með búfjár-
áburð einvörðungu, þá tilraunir með tilbúinn áburð einan, og loks þær
tilraunir, þar sem búfjáráburður og tilbúinn áburður hafa verið notaðir
til samanburðar eða í sameiningu. Tilraunirnar eru merktar með hlaup-
andi tölum, án tillits til þessarar lauslegu flokkunar, og verður þeirri
töluröð haldið, þegar horfið verður frá áburðartilraunum til næsta til-
raunaflokks, nýræktartilraunanna, og þannig skýrsluna á enda.
1. Alhliða áburðartilraun í höfrum 1906—1911.
Þegar árið 1906 eru hafnar áburðartilraunir í Gróðrarstöðinni á Eið-
um, bæði með búfjáráburð og tilbúinn áburð. Tilraunin með tilbúna
áburðinn var þreföld (9 ferfaðma reitir). Var reynt Superfosfat 20%, kalí
37%, Chilesaltpétur, líklega 15% og kalk. Um liðafjölda þessarar tilraun-
ar og tilhögun er ekki vitað annað en það, að talið er að notaður hafi
verið venjulegur óbeinn samanburður (indirekte metode) eftir aðferð
prófessors Westermanns. í tilraunina er sáð höfrum þann 11. júní. Þá
eru og gerðir 25 ferfaðma stórir reitir fyrir samanburð á búfjáráburðar-
tegundunum þremur, kúamykju, hrossataði og sauðataði, og er sáð í þá
byggi. Um uppskeruna er það eitt vitað, að tilbúni áburðurinn gaf litla
eða enga sprettu nema á þeim liðum, sem fengu superfosfat, og byggið
spratt langbezt á kúamykjureitunum, gaf 22 hkg af heyi (?) af dagsláttu.
Af þessu verður það eitt lært, að mikill fosfórskortur virðist hafa verið
í landi tilraunastöðvarinnar, er ræktunin hófst þar.
Árið 1907 er hliðstæð tilraun gerð með tilbúinn áburð, og eru liðir
tilraunarinnar 11 en endurtekningar þrjár. Reitastærð er 9 ferfaðmar eða
um 32 m2. Áburðarskammtar voru þannig á ha:
a. Enginn áburður.
b. 159 kgkalí 37%.
c. 469 kg superfosfat 20%.