Rit Landbúnaðardeildar : B-flokkur - 01.05.1957, Qupperneq 26
24
liggja hlið við hlið í einni lengju. Áburðarmagn var 45 þús. kg kúa-
mykju á ha árlega, nema fyrsta árið aðeins 33 þús. kg.
Viðfangsefnin voru þannig:
a. Mykjan haustbreidd og herfuð þegar.
b. Mykjan haustbreidd og herfuð næsta vor.
c. Mykjan vorbreidd og herfuð þegar.
d. Mykjan vorbreidd og herfuð eftir nokkra daga.
Haustbreiðslan átti að koma á þíða jörð, en svo virðist þó ekki hafa
orðið, því hún er aldrei framkvæmd fyrr en komið er fram í október, og
er jörð þá oftast freðin (samanber tilraun 2). Vorbreiðslan er alltaf fram-
kvæmd seint í apríl eða fyrst í maí, og er þá c-liðurinn herfaður jafnframt
og einnig a- og b-liðirnir, að minnsta kosti fyrstu árin. Nokkrum dögum
síðar (venjulega 6—7) er svo unnið á öllum reitunum og oft tvisvar. Svo
var alltaf hreinsað í byrjun júní og undantekningarlaust tekið fram, að
afrak hafi verið lítið á haustbreiddu liðunum en mikið á þeim vorbreiddu
og þá einkum d-liðnum.
Það mun hafa verið ætlunin upphaflega, að endurtekningar væru jafn-
margar og liðir, en landstærð ekki leyft það. Virðist svo, þegar athuguð
er uppskera einstakra liða, sem landið hafi verið nokkuð misfrjótt. Ekki
mun þetta þó koma að sök nema helzt á d-liðnum. Virðist svo, sem yfir-
burði d-liðs yfir c-lið megi einvörðungu þakka d 3, sem jafnan gaf óeðli-
lega mikla uppskeru samanborið við hina d-reitina. Verður því munur
sá, sem þessir vorbreiddu liðir sýna, mjög hæpinn.
Áburður og sláttutímar voru þannig:
Ar Haustbr. Vorbr. 1. sláttur Þurrt 2. sláttur Þurrt
1932 .... 15. okt. 15. apr. 9. júlí 18. júlí 5. sept. 8. sept.
1933 .... 6. - 30. - 12. - 19. - 31. ágúst 6. -
1934 .... 10. - 30. - 16. - 24. - 16. sept. 22. -
1935 .... 17. - 7. maí 16. - 18. - 6. - 9. -
1936 10. - 10. - 8. - 23. - 2. - 14. -
1937 .... 15. - 7. - 16. - 27. - 5. - 12. -
1938 ... . 10. - 16. apríl 22. - 2. ágúst 5. - 10. -
1939 .... 18. - 18. - 13. - 19. júlí 14. - 16. -
1940 ... 21. - 20. - 11. - 13. - 2. - 5. -
1941 ... 10. - 25. - 8. - 15. - 20. ágúst 1. -
Sprettan á tilrauninni er nær undantekningarlaust léleg og fyrri slátt-
ur seint sleginn. Hey% er því há, einkum á hánni, svo sem sjá má á töflu
VIII. Uppskeran, gras og hey úr báðum sláttum og samtals, er færð í töflu
VII í hkg af ha, en háar%, hey% og uppskeruhlutföll á töflu VIII.
Samandreginn árangur tilraunarinnar í 10 ár gefur að meðaltali: