Rit Landbúnaðardeildar : B-flokkur - 01.05.1957, Qupperneq 78

76
Nýyrkjutilraunir.
Annar þátturinn í tilraununum á Eiðum eru tilraunir með græn-
fóður og grasfræsáningu. Þessi þáttur er miklu fyrirferðarminni heldur
en áburðartilraunirnar, en þó ekki ómerkari, það sem hann nær.
Fyrst verður hér getið grænfóðurtilrauna og tilrauna í landi, sem
síðar er tekið til grasræktar, þar á meðal tilrauna með kartöflur, en síðan
verður greint frá hinum eiginlegu grasræktartilraunum. Töluröð tilraun
anna er haldið óbreyttri.
14. Samanburður grænfóðurhafra 1931—1934.
Árið 1931 var byrjað á tilraun með samanburð á höfrum til grænfóð-
urs. Átti að reyna sex tegundir og hafa fimm endurtekningar. Áburðar-
reitir voru 6 x 6 = 36 m2 og uppskerureitir 5 x 5 = 25 m2. Áburður var
278 kg þýzkur kalksaltpétur 15.5%, 278 kg superfosfat 18% og 180 kg
kalí 37% á ha.
Eigi komu allar hafrategundirnar, sem reyna átti, í tæka tíð, svo að
fyrsta árið urðu aðeins þrjár þeirra reyndar: 1. Sigurhafrar, 2. Orion-
hafrar, 3. Kungshafrar, allar sænskar. Kalí og fosfóráburði var dreift 14.
og 15. júní, en höfrunum ekki sáð fyrr en 23. júní. Saltpétrinum var dreift
5. júlí. Reitirnir voru slegnir 12. september og heyið vegið þurrt 22. sept.
Nokkur arfi var á sumum reitunum, og þornaði uppskeran því misjafn-
lega fljótt.
Næsta ár, 1932, eru hafrategundirnar sex. Kungshafrar, sem voru nr.
3, eru þá úr sögunni, en auk hinna tveggja eru þessar: 3. Engelbrekts-
hafrar, 4. Kusthafrar, 5. Perluhafrar og 6. Arnarliafrar. Sláttureitir og
áburðarreitir eru eins, 5 x 5 = 25 m2, og í stað varðbelta aðeins breiðar
rásir milli reitanna. Áburðurinn hefur verið aukinn í 600 kg kalksalt-
pétur, 600 kg superfosfat og 390 kg kalí á ha. Jarðvinnslu er lokið og kalí
og fosfór dreift 5. júní, höfrunum sáð 7. júní, saltpétri dreift 28. júní,
slegið 7. sept. og vegið þurrt 23. sept. Dálítill arfi gerði vart við sig, og
voru tveir reitir felldir niður úr tilrauninni af þeim ástæðum, 3 a og 3 d.
Árið 1933 verður enn breyting á tilrauninni. Þá vantar 1. og 2. teg-
und af höfrunum, og í stað nr. 3, Engelbrektshafra, koma Niðarhafrar.
Landið er búið undir sáningu 31. maí, sáð 2. júní, saltpétur borinn á 15.
júní, slegið 10. sept. Hafrarnir voru þá famir að leggjast vegna mikillar
sprettu og óþurrka. Þurrvigt fékkst ekki, því að eigi tókst að þurrka upp-
skeruna.
Eftirtekjan þessi fjögur ár hefur orðið eins og tafla XX sýnir.