Strandapósturinn - 01.06.1980, Qupperneq 105

Ingólfur Jónsson
frá Prestsbakka:
Hrútfirðinga-
þættir
III og IV
Guðjón Guðmundsson á Ljótunnarstöðum:
I. Róður
Enn ber við stöku sinnum, að ég hrekk upp úr svefni snemma
morguns við það, að ég heyri hrópað að utan: „Róður, róður“, og
ég þekki um leið röddina. „Þetta er Guðjón á Ljótunnarstöðum
og þá bíða synir hans, Hjörtur og Skúli, eftir yngsta hásetanum
niður við ósinn“, hugsa ég og rís upp, en mér verður jafnskjótt
ljóst, að þetta hefur verið draumur, því að ég er í rúmi mínu i
Reykjavík og hartnær 50 ár eru liðin síðan ég reri með Guðjóni
og sonum hans. „Fimmtíu ár og svo margt hefur breyst“, hugsa
ég, og lít á klukkuna á náttborðinu og sé, að hún er fimm. Á þeim
sama tíma var Guðjón vanur að vekja mig ungan dreng, sem í
upphafi'var hálfdrættingur, en var gerður að fullgildum háseta
miklu fyrr en efni stóðu til og ljómi þess dags, er ég axlaði pokann
í Ljótunnarstaðavör með heilan hlut í fyrsta sinn hefur aldrei
103