Strandapósturinn - 01.06.1980, Side 134

sem og öll hans systkini. Á uppvaxtarárum þeirra voru engir
skólar nema heimilin þar sem börn ólust upp. Á þessum full-
orðinsárum hans held ég að hann hafi lesið flest er hönd á festi.
Hann var mikill unnandi ungmennafélaganna og hann mun
hafa starfað lengi í þeim félagsskap. Ég man og að hann fylgdist
vel með öllum pólitískum hreyfingum og mun hafa skipað sér í
flokk vinstri manna. Ég man t.d. að hann var nokkur aðdáandi
Kristjáns Jónssonar frá Garðstöðum, en honum kynntist hann á
ísafirði, þá er þeir voru báðir þar í vinnu. Ég sagði hér áður að
hann hefði verið hvikur í hreyfingum, og framkoma hans var öll
óþvinguð. Þetta hafði þau áhrif að hann hafði mikla persónu í
framkomu og athöfn. En þann veg mun þeim systkinum flestum
eða öllum hafa verið farið. í þessu sambandi minnist ég þess að
fyrir nokkrum árum var mér sagt eftir konu hér í borginni, sem
var að alast upp í sömu sveit og móðir mín bjó mestan hluta
ævinnar, að þá hefði hún helst aldrei séð hana á ferðalagi nema
hlaupandi við fot, sem svo var kallað.
Öll voru þau systkin fremur smávaxin eða um og undir
meðallagi. En þau höfðu öll mikinn kraft og vinnuþol í starfi. Til
var á árum þeirra að konur löbbuðu á milli bæja með prjóna sína
og þá prjónandi. En þetta mun lítt eða óþekkt fyrirbæri hjá
okkur norður í Strandasýslu, enda er þar í flestum tilfellum 3—5
km á milli bæja og svo allvíða ennþá lengra. Þar gilti því það
lögmál að vera fljótur í förum.
Eins og áður segir, þá vann ég í þessari sláturvinnu hjá kaup-
félaginu á Hólmavík á haustin fram til ársins 1920. Eftir það
vann ég fram til ársins 1928 hjá verslun R.P. Ríis við þetta sama
starf. Ekki man ég nú af hverju ég flutti mig þarna á milli
verslana því að sama var kaupið á báðum stöðum. Líklega mun
hafa ráðið einhverju um þetta að þeir voru aðeins fyrr með
byggingu á nýju sláturhúsi, þar sem aðstaðan var betri og
skemmtilegri. Þar voru vinnufélagar mínir við söltunina, þeir
Magnús Lýðsson bóndi í Kálfanesi og seinna til heimilis á
Hólmavík og Hjalti Einarsson smiður búsettur á Hólmavík.
Báðir voru þeir ágætir vinnufélagar og féll vel á með mér og
þeim í þessari vinnu. Þar kynntist ég og mörgum ágætum
132