Strandapósturinn - 01.06.1984, Side 30

Gerðum við okkur þá dagamun í mat og meðlæti sem ekki varð
við komið á engjum. Steiktum við þá silung eða höfðum sil-
ungssúpu. Hvort heldur sem var bragðaðist það vel. Kjöt sást
ekki öllum sumrum nema ef lumað var á hangikjöti, sem gripið
var til, þegar óvænta næturgesti bar að garði.
Tíminn leið furðu fljótt þar til mamma kom heim, færandi
hendi. Ingvar var verkstjóri hjá Edenborgarverslun og taldist
fremur vel stæður. Þau vænu hjón, Sigurlaug Arnadóttir og
hann, sendu okkur öllum gjafir sem bæði voru til nytsemdar og
gleði. Mest um vert var þá að móðir okkar hresstist verulega við
tilbreytnina, enda var sá tilgangur vina hennar og velunnara.
Engin tök voru á að fá kaupamann, þó ekki hefði verið nema
vikutíma. Aftur á móti var það einn morgun í hæglátu veðri, en
súld, að Ingimundur Grímsson, (þá húsmaður á Kúvíkum),
kvaddi dyra og kvaðst kominn til að slá þann dag. Má geta sér til
hvað slíkt var vel þegið. Þarna stóð þrennt við slátt, allan daginn,
svo ljá var nokkur að kveldi. Venja var að slá á harðvelli, þegar
rekja var, sem og nú var gert. Hækkaði að mun í heystæðum
þegar það komst inn. Ekki tók fyrrnefndur maður neitt fyrir
hjálpina.
Vonum framar heyjaðist þetta sumar og kindum fækkaði
ekki. Gömul hryssa var seld til Akureyrar í hákarlabeitu og
annarri kúnni var slátrað, hana átti að fella aldurs vegna.
Snemmbær kvíga kom í hennar stað. Afi hélt vel á heyjum og
fóðraði síst verr en þá gerðist. Alltaf var margt tvílembt, aðallega
þær ær sem gengu á beitarhúsinu, það kom vart fyrir að lamb
færi undan nokkurri þeirra, enda litu þær út úr húsi eftir eigin
geðþótta og virtust hafa gott af sjálfræðinu. Haustverk voru þau
sömu og vanalega að öðru en því að ekki var komist á sjó og gerði
það skarð í matarforða. Að öllu héldust sömu gestakomur. Bær-
inn var þannig í sveit settur að gistingar voru tíðar, þeirra sem
um heiðina fóru. Margir koma mér í hug sem vert væri að geta,
þó því verði ekki við komið.
Meðan amma lifði komu oft rosknar konur að heimsækja
hana. Hún hafði setið yfir mörgum konum á löngum starfsferli
sínum eða á annan hátt deilt kjörum með þeim sem heilsuleysi,
28