Strandapósturinn - 01.06.1984, Qupperneq 111

en hann var kvæntur Ingigerði Eyjólfsdóttur frá Sólheimum í
Laxárdal. Systkini Jóns fluttust til Reykjavíkur og hann sjálfur
síðar ásamt fjölskyldu en sonur þeirra Ingigerðar Georg Jón tók
þar við búi og býr nú á mestallri Kjörseyri.
Jón Kristjánsson, sem nú er látinn, var búfræðingur að mennt
og vann sín síðustu ár við Rannsóknastöðina að Keldum í Mos-
fellssveit. Hann var ötull félagsmálamaður og vann í ritnefnd
Strandapóstsins árum saman og var um skeið formaður nefnd-
arinnar.
Kvíslar
Býli þetta stóð upp á Laxárdalsheiði allfjarri byggð og þótti
því erfitt til aðdrátta þar. Nú er það í eyði og eigi líklegt að það
byggist aftur. Sumarfagurt er á heiðinni og mun söngur svan-
anna hafa hljómað vel í eyrum barna sem þar ólust upp.
Ég kom þar einu sinni er ég sótti strokuhesta vestur í Laxárdal
en villtist þangað í þoku á leiðinni vestur. Ekki gerði ég vart við
mig á bænum enda sá ég er birti til símastaura og fylgdi þeim í
Laxárdal. Eg vissi að í Kvíslum hafði langafi minn Einar
Guðnason búið í tvö ár ásamt konu sinni Margréti Magnúsdóttur.
Síðasti bóndi í Kvíslum var Hermann Daníelsson en kona
hans var Sigurrós Guðmundsdóttir frá Borðeyri. Þau dvöldu í
Kvíslum 1936—1937 en fluttust þá til Reykjavíkur ásamt börn-
um sínum fjórum.
Borðeyri heimajörð
Á æskuárum mínum bjuggu á Borðeyri systur tvær Jónína
Gróa og Halla Pétursdætur Jónssonar en faðir þeirra var lengi
kaupfélagsstjóri á Borðeyri. Ráðsmann höfðu þær systur er
Jónas hét Jónsson frá Hrafnadal en hann varð úti 20. október
1937. Fluttust systurnar þá að Kjörseyri. Þá tók við búi á Borð-
eyri Sæmundur Guðjónsson frá Heydal og kona hans Jóhanna
Brynjólfsdóttir. Lést Jóhanna tveim árum síðar. Börn þeirra
Sæmundar eru: Guðjón Ingvi, Gunnar Daníel, Pálmi og Unnur.
Sæmundur var fjölhæfur maður og vinsæll enda hlóðust á
109