Fréttablaðið - 22.01.2022, Side 49

kopavogur.is
Við leitum að sjálfstæðum og reyndum verkefnastjórum / tölvunarfræðingum til að sinna fjölbreytt-
um verkefnum. Við erum að leita að jákvæðum einstaklingum sem eru til í að ganga í verkefnin með
bros á vör.
Störfin eru á verkefnastofu upplýsingatæknideildar og er næsti yfirmaður forstöðumaður deildarinnar.
Verkefnastjórar stýra umbótum hugbúnaðarlausna í samvinnu við forstöðumann, stjórnendur, innri
eigendur lausna og aðra starfsmenn.
Á verkefnastofu starfa fimm verkefnastjórar og tveir í hugbúnaðarþróun. Starfsmenn á verkefnastofu
vinna náið saman á gagnsæjan og á vel skilgreindan hátt.
Stefna Kópavogsbæjar er að vera í fararbroddi í nýsköpun og að tileinka sér tækninýjungar í starf-
semi sinni. Mikil áhersla er lögð á sjálfbærni og skilvirkni í starfseminni.
Hjá Kópavogsbæ er gott að starfa og reynt er að tryggja starfsmönnum góð starfsskilyrði og mögu-
leika á að vaxa og dafna í starfi. Við erum metnaðarfull og viljum ná góðum árangri fyrir samfélagið.
Við sinnum endurmenntun og viljum að verkefnastjórar viðhaldi forritunarkunnáttu sinni og taki þátt í að
þróa áfram sameiginlegt kóðasafni Kópavogsbæjar. Kannaðu hvort þetta sé ekki umhverfi fyrir þig.
Verkefnastjóri fjármála- og mannauðslausna
Starfið er mjög fjölbreytt en meðal verkefna eru þarfagreiningar, umsjón með hönnun, verkstýring um-
bóta, samstarf við hugbúnaðarbirgja, umsjón viðtökuprófana og verkstýring verkefna þvert á skipulags-
heildir. Áhersla verkefnastjórans verður á bætta skilvirkni og gæði í fjármála og mannauðslausnum.
Meðal lausna sem nú eru í notkun: SAP, NAV, Vinnustund, Alfreð og OneSystems.
Verkefnastjóri stafrænna þjónustulausna
Starfið er mjög fjölbreytt en meðal verkefna eru þarfagreiningar, umsjón með hönnun, verkstýring
umbóta, samstarf við hugbúnaðarbirgja, umsjón viðtökuprófana og verkstýring verkefna þvert á
skipulagsheildir. Áhersla verkefnastjórans verður á stafræna þjónustu við íbúa.
Meðal lausna sem nú eru í notkun: Moya, Lísa, WordPress, OneSystems Þjónustugátt, M365 og
ÞjónustuApp sem er opinn hugbúnaður skrifaður í Quasar. Mikið verk er framundan við að samræma
stafræna þjónustu Kópavogsbæjar og taka þátt í stafrænu samstarfi Sambands Íslenskra sveitarfélaga.
Verkefnastjóri viðskiptagreindar og miðlægrar gagnavinnslu
Starfið er mjög fjölbreytt en meðal verkefna eru að hafa yfirumsjón með uppbyggingu á vöruhúsi
gagna og miðlægrar gagnavinnslu hjá Kópavogsbæ ásamt uppbyggingu á OLAP tengingum, BI
skýrslugerð og forritun.
Meðal lausna er nú í notkun: MS SQL, MS Analysis Services, TimeXtender, Nightingle og MS Power
BI. Mikið verk er framundan við áframhaldandi uppbyggingu á Vöruhúsi gagna og skilvirkri samþættingar
lausna.
Annað:
Nánari upplýsingar um störfin er að finna á ráðningarvef Kópavogsbæjar hér:
https://kopavogur.alfred.is/upplysingataekni
Auk þess má hafa samband við Ingimar Þór Friðriksson, forstöðumann upplýsingatæknideildar, í
gegnum netfangið: ingimar.thor.fridriksson@kopavogur.is. Fullum trúnaði er heitið.
Laun eru samkeppnishæf og samkvæmt kjarasamningi Sambands íslenskra sveitarfélaga og viðeigandi
stéttarfélags. Öll kyn eru hvött til að sækja um.
Eingöngu er hægt að sækja um störfin rafrænt á vef Kópavogsbæjar í gegnum ráðningarkerfið Alfreð.
Umsóknarfrestur er til 28. janúar 2022.
Verkefnastjórar / tölvunarfræðingar
í upplýsingatæknideild
Kópavogsbæjar

Deildarstjóri
Sérdeildar Suðurlands
Sunnulækjarskóli á Selfossi auglýsir lausa til umsóknar
stöðu deildarstjóra í Sérdeildar Suðurlands
Leitað er að öflugum og farsælum leiðtoga til að stýra starfi
deildarinnar. Ráðið verður í stöðuna frá 1. apríl 2022 eða
eftir nánara samkomulagi.
Sérdeild Suðurlands, Setrið Sunnulækjarskóla, er deild í
Sunnulækjarskóla en sérstakur deildarstjóri ber ábyrgð á
faglegu skólastarfi hennar. Deildin veitir nemendum með
sérþarfir í Árborg, Árnesþingi og Rangárvalla- og Ves-
tur-Skaftafellssýslu fjölbreytt nám sem tekur mið af þörfum
þeirra og stöðu, í samvinnu við heimaskóla. Um 40 börn
stunda nám við deildina frá öllum þjónustusvæðunum.
Deildin sinnir einnig ráðgjafarhlutverki og leiðir þverfagleg
stuðningsteymi nemenda.
Helstu verkefni og ábyrgðarsvið
• Veita deildinni faglega forystu
• Virk þátttaka í þróun og skipulagi deildarinnar
• Stjórnun og ábyrgð á daglegum rekstri deildarinnar
• Samstarf við heimaskóla og foreldra barna
• Tengiliður í þverfaglegum stuðningsteymum nemenda
Menntunar og hæfniskröfur
Deildarstjóri sérdeildar skal hafa kennsluréttindi.
Framhaldsmenntun á sviði fötlunar og margbreytileika
ásamt reynslu í kennslu og þjálfun nemenda með sérþarfir
er æskileg.
• Leiðtogahæfni, metnaður og áhugi á skólaþróun er
skilyrði
• Reynsla af stjórnun er æskileg
• Heildstæð og góð þekking á málefnum nemenda með
sérþarfir
• Góð íslenskukunnátta og færni til að tjá sig í ræðu og riti
• Sérstök áhersla er lögð á að viðkomandi búi yfir lipurð í
samstarfi og mannlegum samskiptum
• Hreint sakavottorð er skilyrði
Laun eru samkvæmt kjarasamningi Sambands íslenskra
sveitarfélaga og viðkomandi stéttarfélags. Starfshlutfall er
100%. Vakin er athygli á stefnu Sveitarfélagsins Árborgar
að jafna hlutfall kynjanna í störfum hjá sveitarfélaginu og að
vinnustaðir endurspegli fjölbreytileika samfélagsins.
Umsóknarfrestur er til 24. janúar 2022.
Umsóknum skal fylgja ítarleg ferilskrá auk kynningarbréfs.
Öllum umsóknum verður svarað þegar ákvörðun um
ráðningu liggur fyrir.
Nánari upplýsingar um störfin eru á ráðningarvef sveitar-
félagsins starf.arborg.is og hjá skólastjóra í síma 480-5400
og netfang birgir@sunnulaekjarskoli.is.
Sækja þarf um stöðurnar á vef sveitarfélagsins,
starf.arborg.is
Umsóknir gilda í 6 mánuði.
Skólastjóri
RÁÐUM EHF • Sími 519 6770
www.radum.is • radum@radum.is
Við ráðum
Ráðum býður upp á ráðgjöf og ráðningar
sniðnar að þörfum viðskiptavinarins.
ATVINNUBLAÐIÐ 15LAUGARDAGUR 22. janúar 2022