Bændablaðið - 16.12.2021, Blaðsíða 6

Bændablaðið | Fimmtudagur 16. desember 20216
Ágæti lesandi, nú líður að áramótum og er
vert að fara yfir liðið ár og hvar við erum
stödd á vegferð nýrra Bændasamtaka
Íslands. Í byrjun þessa árs fór Sigurður
Eyþórsson til nýrra starfa hjá atvinnuvega-
og nýsköpunarráðuneytinu. Þá hófst leit að
nýjum framkvæmdastjóra fyrir samtökin
en samið var við Oddnýju Steinu Valsdóttur
um að sinna starfinu þar til nýr starfsmaður
tæki til starfa. Eftir nokkur viðtöl við
einstaklinga var niðurstaðan sú að ráða
Vigdísi Häsler Stefánsdóttur til starfans
og tók hún við stöðu framkvæmdastjóra í
febrúar á þessu ári.
Fyrsta verkefni stjórnar var að formgera
sameiningu búgreinafélaganna í Bænda­
samtökin þar sem fyrir lá að afgreiða þyrfti
málið á Búnaðarþingi í mars. Það er skemmst
frá því að segja að á því Búnaðarþingi var
tillagan samþykkt að öll félögin myndu
sameinast Bændasamtökunum með fyrirvara
um samþykkt aðalfunda viðkomandi búgreina.
Á aukabúnaðarþingi þann 10. júní var síðan
endanlega staðfest sameiningin, að undanskildu
Félagi hrossabænda sem frestaði til hausts
og hafa staðfest aðkomu sína að Bí og svo
Æðarræktarfélag Íslands en þeirra aðalfundi
hefur verið frestað og ekki komið ný dagsetning
þar sem Covid­19 hefur sett strik í reikninginn.
Ég vil þakka öllum þeim sem komu að þessu
mikla og mikilvæga verkefni fyrir einhug og
samstarf í að láta þetta raungerast og ekki síður
bændum fyrir samstöðuna í þessu mikilvæga
hagsmunamáli bænda til framtíðar. Verkefni
næstu mánaða og missera er að fínpússa
sameininguna þannig að sameinuð samtök
vinni betur að hag allra bænda.
Heimsfaraldur hefur haft ýmis áhrif
Verulegur tími hefur farið í að fá skráningar
bænda inn í Bændatorgið þannig að allir
félagsmenn aðildarfélaganna skili sér inn í
sameinuð samtök. Fundarherferð var farin í
október þar sem við kynntum áherslur okkar
til framtíðar en því miður urðum við að fresta
hluta fundanna vegna veðurs og svo Covid.
Það er von okkar að halda fundarherferð áfram
á nýju ári þegar vonandi Covid linnir.
Unnið er að stefnumótun fyrir Bændasamtök
Íslands sem lögð verður fyrir búgreinaþing
sem fyrirhugað er að verði haldið 3. og 4.
mars næstkomandi. Mikilvægt er fyrir stjórn
að hafa stefnu Bændasamtakanna til framtíð­
ar sem leiðarljós, en fyrirhugað er að halda
Búnaðarþing þann 30. mars til 1. apríl 2022.
Stjórn hefur hist reglulega á þessu ári og
eru stjórnarfundir orðnir 26 en við reynum
að halda fundi á 14 daga fresti þar sem mjög
mörg mál þurfa úrlausnar með skjótum hætti.
Ég vil þakka stjórninni fyrir samstarfið á árinu
sem er að líða og ekki síður samstöðuna þar
sem hingað til hefur ekki þurft að koma til
atkvæðagreiðslu um mál heldur höfum við
náð að tala einum rómi fyrir bændur á Íslandi
í heild sinni.
Viðræður um sölu á Hótel Sögu
Ekki er hægt að rita létt yfirlit yfir starfsemina
án þess að minnast á Hótel Sögu. Þegar
þetta er ritað eru viðræður í gangi við
fjármálaráðuneytið um hugsanleg kaup á
húsinu fyrir Háskóla Íslands. Ýmis tæknileg
atriði þarfnast úrlausnar áður en skrifað verður
undir kaupsamning en viðræður eru í gangi
og er það von mín að þeim ljúki fyrir jól. En
verulegur tími hefur farið í viðræður við ýmsa
áhugasama fjárfesta um kaup og leigu, þetta
hefur tekið talsverðan tíma af öðrum störfum
en við höfum haft til ráðgjafar Sigurð Kára
Kristjánsson í þessu verkefni og færi ég honum
bestu þakkir fyrir óeigingjarnt starf fyrir okkar
hönd í þessu máli.
Ég vil að lokum þakka öllu starfsfólki
Bændasamtakanna fyrir frábært samtarf
á árinu sem er að líða og óska öllum, ekki
síður lesendum, gleðilegra jóla og farsældar á
komandi ári og hlakka til að takast á við nýjar
áskoranir á nýju ári.
Bændablaðið kemur út 24 sinnum á ári. Því er dreift ókeypis á yfir 400 stöðum
á landinu og á öll lögbýli landsins.
Lesendur geta einnig gerst áskrifendur að blaðinu og fengið það sent heim í pósti
gegn greiðslu. Árgangurinn kostar þá kr. 11.600 með vsk. (innheimt í tvennu lagi).
Ársáskrift fyrir eldri borgara og öryrkja kostar 7.600 með vsk.
Heimilisfang: Bændablaðið, Bændahöll við Hagatorg, 107 Reykjavík.
Sími: 563 0300 – Fax: 562 3058 – Kt: 631294–2279
Bændablaðið er í eigu Bændasamtaka Íslands. − Málgagn bænda og landsbyggðar −
SKOÐUN
Nú er senn að baki annað árið í sérkenni-
legu ástandi vegna heimsfaraldurs af
völdum Covid-19. Hugsanlega er langt
í að jarðarbúar upplifi það sem kalla
mætti „eðlilegt“ ástand að nýju og jafn-
vel að breyttur veruleiki vegna veiru-
sjúkdóma sé hið nýja eðlilega ástand.
Þrátt fyrir allt þá hefur mannskepnan
alltaf reynt að aðlagast breyttum aðstæðum
og vel flestir Íslendingar í dag þurfa svo
sem ekkert að vera að væla og hafa það bara
ágætt. Alltaf eru samt einhverjir sem hafa
ekki tök á að krafla sig upp í samfélaginu af
eigin rammleik og lifa við sárafátækt, vegna
ýmiss konar veikinda og fötlunar. Það er til
hreinnar skammar hvernig komið er fram
við það fólk af hálfu okkar sameiginlega
ríkiskerfis. Þar er það engin kórónaveira
sem hægt er að fela sig á bak við sem stýrir
þeim gjörningum, heldur lifandi fólk, sem
er okkar fulltrúar á Alþingi.
Ekki má heldur gleyma öldruðum,
sem töldu sig vera að búa í haginn til efri
áranna með stofnun lífeyrissjóða í lok sjö­
unda áratugar síðustu aldar. Þá var skýrt
tekið fram að þeir áttu að vera uppbót á
lágmarksgreiðslur almannatrygginga, en
ekki að koma í stað þeirra.
Hvern hefði þá grunað að fulltrúar
almennings á hinu háa Alþingi myndu
smám saman reyna að koma því þannig
fyrir að sjóðirnir yrðu fyrst og fremst nýtt­
ir í þágu ofurríkra fjármálamanna til að
leika sér með og sem fastur hluti af lífeyr­
isgreiðslukerfi ríkisins? Það er því ekkert
skrítið að margir lífeyrisgreiðendur upplifi
þetta sem hreinan þjófnað á því lífeyris­
tryggingafé sem þeir hafa lagt til hliðar með
skylduaðild á langri starfsævi. Í ljósi botn­
lausra skerðinga í kerfinu er þetta ekki bara
huglæg upplifun, heldur sorgleg staðreynd.
Af hverju í fjáranum ætti fólk svo að
vera tilbúið að leggja um og yfir 15% af
sínum launatekjum í slíka fjárglæfraspila­
mennsku?
Tilgangurinn með stofnun lífeyris­
sjóðanna kemur skýrt fram í söguágripi
Alþýðusambands Íslands, en þar segir m.a.:
„Einn af mikilvægustu áföngunum í
baráttu íslenskrar verkalýðshreyfingar er
kjarasamningur ASÍ og VSÍ frá 1969 um
stofnun almennra lífeyrissjóða fyrir alla
launamenn. Samningurinn skyldar launa­
greiðanda til þess að taka þátt í að greiða í
lífeyrissjóð fyrir starfsmenn sína og tryggja
þeim þannig lífeyrisréttindi við starfslok
vegna aldurs eða örorku og sömuleiðis
eftirlifandi maka og börnum lífeyri
við andlát.“
Lög um skylduaðild allra launamanna
að lífeyrissjóðum voru síðan sett árið 1974,
og tóku líka til þeirra sem voru utan verka­
lýðsfélaga. Síðan segir í ágripi ASÍ:
„Með kjarasamningi milli Alþýðu­
sambands Íslands og Samtaka atvinnurek­
enda frá 19. maí 1969 var gert samkomulag
um að frá 1. janúar 1970 skyldu starfræktir
söfnunarlífeyrissjóðir á félagslegum grunni
samtryggingar og var þeim ætlað að vera
viðbót við almannatryggingarkerfið og
standa undir verulega bættum kjörum
lífeyrisþega sem mikil þörf var á.
Til að tryggja öllum launamönnum
lágmarksrétt var kveðið á um skylduað­
ild allra félagsmanna þeirra stéttarfélaga
sem að lífeyrissjóðnum standa og skyldu
sjóðirnir veita öllum sjóðfélögum sama
rétt fyrir sömu iðgjöld án tillits til aldurs
við iðgjaldagreiðslu, kynferðis eða starfs.“
Við verðum þó að vona að hætt verði að
ganga á rétt fólks hvað afkomutryggingar
áhrærir. Með þá von í brjósti vil ég þakka
öllum lesendum Bændablaðsins ánægjulega
samfylgd á árinu sem er að líða.
Bestu óskir um gleðileg jól og megi
gæfan vera með ykkur á nýju ári.
– Hörður Kristjánsson
Gunnar Þorgeirsson
formaður Bændasamtaka Íslands
gunnar@bondi.is
ÍSLAND ER LAND ÞITT
Ritstjóri: Hörður Kristjánsson (ábm.) hk@bondi.is – Sími: 563 0339 – Blaðamenn: Guðrún Hulda Pálsdóttir gudrunhulda@bondi.is – Margrét Þóra Þórsdóttir mth@bondi.is –
Sigrún Pétursdóttir sigrunpeturs@bondi.is – Sigurður Már Harðarson smh@bondi.is – Vilmundur Hansen vilmundur@bondi.is
Auglýsingastjóri: Þórdís Una Gunnarsdóttir thordis@bondi.is – Sími: 563 0303
Netfang auglýsinga: augl@bondi.is − Sími smáauglýsinga: 563 0300 – Vefur blaðsins: www.bbl.is − Netfang blaðsins: (fréttir og annað efni) er bbl@bondi.is
Frágangur fyrir prentun: Sigrún Pétursdóttir – Prentun: Landsprent ehf. – Upplag: sjá forsíðu – Dreifing: Landsprent og Íslandspóstur. ISSN 1025-5621 – Forsíðumynd: Þorsteinn Davíðsson
Horft af Steingrímsfjarðarheiði inn yfir Þorskafjarðarheiði í desembersól. Upp úr botni Þorskafjarðar liggur þjóðvegur um Þorskafjarðarheiði
og lá niður í Langadal við Ísafjarðardjúp líklega um 25 km vegalengd. Var hann lagður á árunum 1940-1946 og þjónaði sem aðalleiðin á milli
Reykjavíkur og Djúps fram til 1987, þegar vegur um Steingrímsfjarðarheiði var opnaður. Heiðin er allt að 490 metra há og talsvert ekin á sumrin,
er nú með tengingu inn á Steingrímsheiði, en lokast strax og fer að snjóa. Vegna þessara erfiðu vetrarsamgangna var farið að huga að öðrum
kostum. Tvær leiðir voru skoðaðar, önnur úr Ísafirði við Laugaból og yfir Kollafjarðarheiði og niður í Kollafjörð (þjóðvegur 66) sem er 21 km og
liggur á stuttum kafla upp í 460 metra hæð. Hin leiðin var að fara yfir Steingrímsfjarðarheiði (mest í 439 metra hæð) og niður í Steingrímsfjörð
skammt norðan við Hólmavík. Skiptar skoðanir voru um hvora leiðina ætti að fara, en tekin var um það pólitísk ákvörðun að ráðast í vegagerð
yfir Steingrímsfjarðarheiði. Var sá vegur opnaður árið 1984. Mynd / Hörður Kristjánsson
Að tryggja afkomu Nýjar áskoranir á nýju ári