Bændablaðið - 16.12.2021, Blaðsíða 62

Bændablaðið | Fimmtudagur 16. desember 202162
Baugs-Bjólfur er heiti á vinnings-
tillögu í samkeppni um útsýnisstað
við snjóflóðagarðana í Bjólfi
á Seyðisfirði. Um er að ræða
hringlaga útsýnispall sem situr
á Bæjarbrún með stórfenglegu
útsýni yfir Seyðisfjörð.
Dómnefnd sem fór yfir inn komnar
tillögur segir að þessi hafi að flestu
leyti borið af með mjög áhugaverða
nálgun á viðfangsefnið auk þess að
sýna ýmsar áhugaverðar skírskotanir í
menningu, sögu og náttúru staðarins,
nokkuð sem reyndar flestar hinar
tillögurnar gerðu einnig.
Dómnefnd mat tillöguna á
þann hátt að um væri að ræða
áhugavert kennileiti sem kallaðist
á við landslagið á einfaldan en
áhrifamikinn hátt þar sem ferðafólk
er leitt áfram í lokaðri umgjörð án
hnökra. Hreyfihamlaðir þurfa ekki
að yfirstíga neinar hæðahindranir og
tillagan tryggir gott flæði ferðafólks
um svæðið. „Einföld, sérstæð og
sterk byggingarlist hér á ferð sem
dómnefnd telur að geti haft mjög
mikið aðdráttarafl og hefur alla
burði til þess að bjóða upp á einstaka
upplifun“, eins og segir í niðurstöðu
dómnefndar.
Markmið samkeppninnar var að
bæta aðstæður og skapa aðdráttarafl
á svæði sem hefur mikil tækifæri
til þess að vera einn af fjölsóttustu
útsýnisstöðum Austurlands, auk
þess að bæta öryggi og aðgengi
ferðamanna og stuðla að verndun lítt
snortinnar náttúru á tímum vaxandi
fjölda ferðafólks
Múlaþing efndi til samkeppninnar
og fékk til þess styrk frá
Framkvæmdasjóði ferðamannastaða.
Sveitarfélagið stefnir að því að
semja um áframhaldandi hönnun í
samvinnu við vinningshafa og að sótt
verði um styrk úr Framkvæmdasjóði
ferðamannastaða í áframhald
verkefnisins.
Vinningstillagan var unnin
í þverfaglegu samstarfi og eru
aðalhöfundar þær Ástríður Birna
Árnadóttir og Stefanía Helga
Pálmarsdóttir frá Arkibygg
Arkitektum í samvinnu við Önnu
Kristínu Guðmundsdóttur og Kjartan
Mogensen landslagsarkitekta,
Auði Hreiðarsdóttur frá ESJA
ARCHITECTURE og Arnar Björn
Björnsson frá EXA NORDIC, sem
sá um burðarvirkjahönnun.
/MÞÞ
LÍF&STARF
Búnaðarsamband Húnaþings og Stranda óskar eftir að ráða
starfsmann til að sjá um starfsemi sambandsins frá 1. mars
næstkomandi. Helstu verkefni eru umsjón með daglegum
rekstri, nautgripa- og sauðfjársæðingum, jarðabótaúttektum
og öðrum þeim verkefnum sem stjórn ákveður.
Æskilegt er að viðkomandi hafi háskólapróf í búvísindum eða
hafi lokið sambærilegu námi sem nýtist í starfi. Mikilvægt
er að umsækjendur hafi þekkingu á félagskerfi bænda, geti
unnið sjálfstætt og séu færir í mannlegum samskiptum.
Um er að ræða hlutastarf en nánari útfærsla á starfinu getur
verið samkomulagsatriði. Nánari upplýsingar veitir formaður
BHS, Ingvar Björnsson í síma 893 0120 eða á tölvupósti
holabaksbuid@gmail.com.
Umsóknarfrestur er til 1. janúar 2022. Umsókn um starfið
skal fylgja kynning á umsækjanda ásamt starfsferilsskrá
Búnaðarsamband Húnaþings og Stranda
Framkvæmdastjóri óskast
„Það er mikill áhugi fyrir þessu
námskeiði,“ segir Hilmar Valur
Gunnarsson, verkefnastjóri hjá
Þekkingarneti Þingeyinga, en
auglýst námskeið í úrbeiningu
sem haldið var í Matsmiðjunni á
Laugum á dögunum bókaðist hratt.
Því var brugðið á það ráð að bæta
við öðru sem einnig seldist upp á
skömmum tíma. Þátttakendur koma
af öllu starfssvæði Þekkingarnetsins,
þeir sem eru lengst að komnir aka úr
Þistilfirði til að sækja námskeiðið.
Leiðbeinendur á námskeiðinu
voru þeir Jónas Þórólfsson,
kjötiðnaðarmaður, slátrari og bóndi
á Syðri-Leikskálaá og Rúnar Ingi
Guðjónsson, kjötiðnaðarmeistari,
gæðastjóri hjá Kjarnafæði/
Norðlenska.
Báðir hafa þeir starfað um árabil
í kjötiðnaði og þekkja hann út og
inn. Þeir reka saman hlutafélagið
Frávik sem stendur fyrir margs
konar námskeiðum á því sviði.
Hentar þeim sem vilja auka
þekkingu sína
Á námskeiðinu var farið yfir helstu
atriðin við sundurhlutun og vinnslu
á lambaskrokki, farið yfir nýtingu,
hreinlæti og pökkun og að því loknu
eigi þátttakendur að hafa fengið
góða innsýn í hvernig best fer á
að vinna með og nýta skrokk, auk
þess að ganga sem best frá kjöti til
geymslu.
Námskeiðið hentar þeim sem
vilja afla sér þekkingar á vinnslu
og frágangi afurða, m.a. þeim sem
stefna á heimavinnslu afurða.
Þeir Jónas og Rúnar segja nám-
skeiðshelgina hafa gengið vonum
framar og þeir viti ekki betur en þátt-
takendur hafi farið virkilega glaðir
heim. Vegna mikils áhuga stendur
til að Þekkingarnet Þingeyinga efni
til fleiri námskeiða síðar.
/MÞÞ
Námskeið í úrbeiningu:
Mikill áhugi og upp-
selt á tvö námskeið
Jónas Þórólfsson fer yfir helstu atriðin við sundurhlutun og vinnslu á
lambaskrokki.
Rúnar Ingi Guðjónsson, annar af
tveimur kennurum á námskeiðinu.
Að námskeiði loknu eigi þátttak-
endur að hafa fengið góða innsýn í
hvernig best fer á að vinna með og
nýta skrokk auk þess að ganga sem
best frá kjöti til geymslu.
Samkeppni um hönnun útsýnisstaðar í Bjólfi á Seyðisfirði:
Útsýnispallurinn Baugs-Bjólfur sigraði
Hringlaga útsýnispallurinn, Baugs-Bjólfur, hlaut vinninginn í samkeppni útsýnisstaðar við snjóflóðagarðana á
Seyðisfirði.
Forvarnarsjóður búgreina
auglýsir eftir umsóknum um styrki til
forvarnar-, ræktunar og þróunar.
Nánari upplýsingar veitir Kári Gautason,
starfsmaður Bændasamtaka Íslands; kari@bondi.is
Sjá nánar á bondi.is undir Félagsmál/Forvarnar-,
ræktunar-, og þróunarsjóður.
Umsækjendur geta verið félagsmenn í
Bændasamtökum Íslands sem ekki skulda
gjaldfallin félagsgjöld eða búgreinadeildir.
Reglur um styrkina er að finna á vefsvæðinu sem
ofan greinir. Styrkhæf verkefni eru þau verkefni
sem falla undir reglur sjóðsins.
Umsóknum skal skila á rafrænu formi á
netfangið forvarnir@bondi.is fyrir þann
31. desember næstkomandi.
Bændahöllin Hagatorgi 1, 107 Reykjavík
Smáauglýsingar 56-30-300