Bændablaðið - 16.12.2021, Blaðsíða 14

Bændablaðið | Fimmtudagur 16. desember 202114
FRÉTTIR
Verkefnið Loftslagsvænn land­
búnaður fékk á dögunum
hvatningar verðlaun ársins 2021 á
loftslagsfundi Reykjavíkurborgar
og Festu – miðstöðvar um
samfélagsábyrgð.
Í verkefninu, sem er nú á
sínu öðru ári, þar sem 40 bændur
taka þátt, er markmiðið að gera
búreksturinn loftslagsvænan með
annars vegar kolefnisbindingu
og hins vegar samdrætti í losun á
gróðurshúsalofttegundum.
Landsvirkjun hlaut hins
vegar Loftslagsviðurkenningu
Reykjavíkurborgar og Festu á
fundinum. Yfirskrift fundarins var
Framtíðarsýn og næstu skref. Þetta er
í fimmta sinn sem viðurkenningin er
veitt en markmiðið er að vekja athygli
á því sem vel er gert í loftslagsmálum
og vera hvatning til annarra.
Mikill heiður
Tvisvar hafa verið teknir inn í
verk efnið hópar sauðfjárbænda og
einu sinni hópur nautgripabænda.
Um samstarfsverkefni er að ræða
á milli Ráð gjafar miðstöðvar
landbúnaðarins (RML), Land­
græðslunnar, Skógræktarinnar,
umhverfis­ og auðlindaráðuneytisins
og atvinnuvega­ og nýsköpunar­
ráðuneytisins. Dagur B. Eggertsson
borgarstjóri og Líf Magneudóttir,
formaður dómnefndar, afhentu
Berglindi Ósk Alfreðsdóttur,
verkefnisstjóra Loftslagsvæns
landbúnaðar og ráðunauts RML,
viðurkenninguna.
Berglind segir að hvatningar­
verðlaunin séu verkefninu
ómetanleg því um eftirsótta og virta
viðurkenningu sé að ræða. „Það er
mikill heiður að vera í góðum hópi
fyrirtækja sem hafa hlotið þessar
viðurkenningar seinustu ár, eins og
Carbfix, Landspítalinn, Efla, Klappir
og HB Grandi. Eining voru tilnefnd
fyrirtæki sem eru að vinna gott starf
í loftslagsmálum, eins og Byko,
Vís, Strætó og Íslandsbanki,“ segir
Berglind. „Þessi viðurkenning verður
táknræn fyrir stefnu verkefnisins og
mun nýtast við að móta framtíð þess,“
bætir hún við.
Í umsögn dómnefndar um verk­
efnið segir að í gegnum það séu
bændur studdir með beinum hætti
í þeirra eigin markmiðasetningum
í loftslagsmálum, með fræðslu
og ráðgjöf. „Búrekstrargögn eru
sett inn í kolefnisreiknivél þar
sem kolefnisígildi búsins eru
reiknuð út. Lögð er áhersla á að
samþætta rekstrarlegan ávinning
og loftslagsávinning þátttakenda.
Spennandi verður að fylgjast með
hvernig verkefninu mun miða áfram,
hver mælanlegu áhrifin verða og
hvaða nýju lausnir og aðferðir verða
til í framtíðinni út frá verkefninu.“
Öflugar fyrirmyndir
Í þakkarræðu Berglindar kom
fram að styrkur verkefnisins felist
í öflugu samstarfi þriggja fagaðila
og tveggja ráðuneyta sem sé eitt af
lykilatriðum þess að vel takist til
við að finna lausnir á því hvernig
bændur geti unnið að loftslagsmálum
á jákvæðan hátt. Viðurkenningin
hvetji þátttökubændur til dáða í
sínum loftslagsverkefnum og geri
þá að öflugum fyrirmyndum í
loftslagsmálum landbúnaðarins.
Miðað við möguleika og aðstæður
hvers og eins
Sem fyrr segir eru meginmarkmið
verkefnisins að draga úr losun
gróðurhúsalofttegunda og auka
kolefnisbindingu í landbúnaði. Að
sögn Berglindar er við hverja og
eina aðgerðaráætlun tekið mið af
möguleikum og aðstæðum hvers
bús. Þátttakendur vinni markvisst
að settum markmiðum í daglegum
bústörfum með markvissri fræðslu
og ráðgjöf um hvernig hægt er að
gera búskapinn loftslagsvænni með
bættum búskaparháttum, skógrækt
og landgræðslu.
Hún segir að þátttakendur séu
hvattir til þess að koma með nýjar
aðgerðir og markmið að umhverfis­
og loftslagsaðgerðum en tækifærin
þar séu mikil. Þátttakendur koma fram
með loftslagsvænar aðgerðir sem
eru fullar af nýsköpun, framsækni
og spennandi möguleikum. Allir
þátttakendur eru því líka að bæta í
þekkingarbrunn um loftslagsvænar
aðgerðir íslensks landbúnaðar. /smh
Berglind Ósk Alfreðsdóttir, verkefnisstjóri Loftslagsvæns landbúnaðar og ráðunautur hjá RML, með viðurkenninguna.
Mynd / Dúi J. Landmark
Vík í Mýrdal:
Vegagerðin á móti efnistöku í fjörunni
Sveitarstjórn Mýrdalshrepps
er mjög ósátt við þá ákvörðun
Vegagerðarinnar að leyfa ekki
efnistöku af sandi í fjörunni austan
við Vík í Mýrdal.
Í bókun sveitarstjórnar segir m.a.:
„Vitað er að efnisflutningar með
ströndinni nema milljónum rúmmetra
á ári en áformuð efnistaka yrði ekki
nema lítið brot af því. Fullyrðingar
Vegagerðarinnar um að efnistaka,
sem háð verður jafn ströngu eftirliti
og lagt er til, muni án efa auka á
rofhraða eru með öllu órökstuddar.
Mikið er í húfi fyrir samfélagið í
Mýrdalshreppi að tilraunir til þess að
skjóta fleiri stoðum undir atvinnulíf
sveitarfélagsins fái eðlilegan
framgang. Slíkt þarf ekki að vera á
kostnað umhverfisins og sveitarstjórn
Mýrdalshrepps mun eftir sem áður
standa jafnt vörð um hagsmuni
náttúrunnar og samfélagsins.“
Í umsögn Vegagerðarinnar segir
m.a.:
„Afstaða Vegagerðarinnar helst
því óbreytt í málinu og er Vegagerðin
mótfallin efnistöku úr fjörunni.
Stöðugt landrof er á fjörunni og
mun efnistaka án efa auka á rofhraða
hennar. Mýrdalshreppur hefur sent
umsókn til Vegagerðarinnar um að
ríkið fjármagni þriðja sandfangar­
ann, austan við þann sem byggður
var síðast.
Umsóknin byggir á þeim
staðreyndum að töluvert rof á sér
stað á ströndinni og strandlínan
ekki tryggð nema með gerð þessa
þriðja sandfangara. Með því að
leyfa efnistöku í fjörunni rétt austan
við áhrifasvæði sandfangaranna
er hreppurinn í þversögn við
umsögn um byggingu á þriðja
sandfangaranum.“ /MHH
Loftslagsvænn landbúnaður fékk hvatningarverðlaun:
Bændur í verkefninu
eru öflugar fyrirmyndir
Landsvirkjun og fyrirtækið
PlastGarðar ehf. hafa undirritað
samning um aðstöðu fyrir
verkefnið „Hey!rúlla“ í skrifstofu­
húsnæði Landsvirkjunar við
Bjarnarflag í Mývatnssveit.
Þetta verkefni PlastGarðars snýst
um að vinna að þróun og hönnun á
margnota heyrúllupokum, með það
að markmiði að skipta út einnota
heyrúlluplasti í landbúnaði fyrir
margnota lausn sem er bæði betri og
umhverfisvænni. Þegar fyrstu pok­
arnir eru tilbúnir verða þeir prófaðir
samhliða hefðbundnum geymsluað­
ferðum á heyi í heyrúllum.
Garðar Finnsson, eigandi
PlastGarðars, stofnaði fyrirtækið
fyrir skömmu. Hann tók nýlega
þátt í verkefninu „Vaxtarrými“,
sem var fyrsti viðskiptahraðallinn
á Norðurlandi, átta vikna hraðall
með áherslu á sjálfbærni, mat,
vatn og orku. Einn þeirra aðila sem
kom að Vaxtarrými var „Eimur“,
samstarfsverkefni nokkurra aðila
um bætta nýtingu orkuauðlinda
á Norðurlandi. Landsvirkjun er
einmitt einn bakhjarla Eims.
„Hey!rúlla“ ætlar að skapa
hringrásarhagkerfi landbúnaðar­
plasts innan Íslands. Markmið
okkar er að margnota heyrúllupokar
endist í allt að 15 ár og verði svo að
fullu endurunnir í nýja poka. Það
er mikilvægt fyrir þróun og vöxt
fyrirtækisins að fá góða aðstöðu
og ég er bjartsýnn á framhaldið,“
segir Garðar og Jóna Bjarnadóttir,
framkvæmdastjóri Samfélags og
umhverfis hjá Landsvirkjun, bætir
við: „Já, við hjá Landsvirkjun
fögnum því að fá tækifæri til að
hlúa að enn einum vaxtarsprotanum,
nú með því að hýsa PlastGarðar í
Bjarnarflagi.
Hlutverk Landsvirkjunar er
að hámarka verðmæti þeirra
endurnýjanlegu orkulinda sem
fyrirtækinu er trúað fyrir, með
sjálfbærni og hagkvæmni að
leiðarljósi. Liður í því er að styðja
við nýsköpun af ýmsum toga, um
leið og við eflum samskipti við
nærsamfélagið og styðjum við
hringrásarhagkerfið.“ /MHH
Landsvirkjun:
Verkefnið „Hey!rúlla“
fær inni í Bjarnarflagi
Jóna Bjarnadóttir og Garðar Finnsson, sem heldur á frumgerð heyrúllupoka,
í fimmtungi þeirrar stærðar sem fyrirhuguð er með verkefninu. Mynd/Aðsend
Varahlutir í lyftara
- Toyota
- Hyster
- Yale
- Jungheinrich
- OO.