Bændablaðið - 13.01.2022, Blaðsíða 6

Bændablaðið | Fimmtudagur 13. janúar 20226
Í upphafi vil ég óska öllum lesendum
Bænda blaðsins gleðilegs árs og þakka fyrir
samferðina liðið ár.
Ég vil einnig þakka Kára Gautasyni fyrir
hans starf hjá Bændasamtökunum þann
stutta tíma sem hann starfaði með okkur en
hann hefur tekið við starfi aðstoðarmanns
landbúnaðarráðherra og óska ég honum
velfarnaðar á nýjum vettvangi.
Fyrsta heila starfsár sameinaðra samtaka
Nú er að hefjast nýtt starfsár sem verður fyrsta
heila árið í sameinuðum samtökum bænda
í Bændasamtökum Íslands. Þetta ár verður
viðmiðunarár til framtíðar hvernig okkur
tekst að halda ótrauð áfram fram á veginn
með íslenska bændur sameinaða undir einum
samtökum. Nú reynir á að bændur standi
saman um hagsmuni íslenskrar framleiðslu
á þeim frábæru og heilnæmu afurðum sem
bændur framleiða á hverjum degi, neytendum
til hagsbóta og öryggi Íslands í fæðuöryggi
til framtíðar.
Getum horft stolt fram á veginn
Margar áskoranir eru á vettvangi frum­
framleiðslu landbúnaðarafurða. Við getum
horft stolt fram á veginn og sem dæmi þá
hefur veiran leikið okkar samfélag grátt
en bændur hafa staðið vaktina og tekist að
afhenda hnökralaust heilnæmar afurðir til
íslenskra neytenda. Á komandi árum verður
mikilvægt að horfa til framtíðar hvernig við
sem framleiðendur getum gert enn betur á
grundvelli frumframleiðslunnar með betri
nýtingu afurða og dregið úr kolefnislosun
greinarinnar. Ráðinn hefur verið til starfa
hjá Bændasamtökunum umhverfisfræðingur
sem mun aðstoða okkur bændur til að gera
enn betur í þeim efnum og vil ég bjóða Val
Klemensson velkominn til starfa. Við höfum
þegar sett nokkur verkefni af stað sem koma
til með að nýtast okkur til framtíðar í að nýta
afurðir enn betur, en ábyrgð okkar er mikil í
þeim efnum.
Einfalda þarf regluverk í kringum eftirlit
Það eru ekki síður áskoranir til framtíðar
hvernig við náum að takast á við það verkefni
að einfalda regluverk í kringum eftirlit og bæta
starfsumhverfi greina í landbúnaði svo þær
geti vaxið og dafnað. Þar horfi ég til þeirra
gríðarlegu kvaða sem settar eru á uppbyggingu
eldishúsa í svínarækt og alifuglarækt en
starfsskilyrðum þeirra búgreina eru settar
miklar skorður á meðan samsvarandi skorður
eru ekki settar á t.a.m. slíkar byggingar í
löndum eins og Danmörku og Hollandi þar
sem byggð er mun þéttari.
Mikil umræða er um aðbúnað dýra í kjölfar
umfjöllunar um blóðtöku úr fylfullum merum
og tel ég mikilvægt að þeir sem stunda þessa
framleiðslu afurða geri það á grundvelli
útgefinna starfsleyfa og það sé skilgreint á
afurðir sem hver og einn framleiðir.
Samstaða aldrei mikilvægari
Það er mikilvægara nú sem aldrei áður að
bændur gangi inn í nýtt ár og standi saman
í málefnum landbúnaðar, óháð því hvað þeir
framleiða. Saman stöndum vér en sundraðir
föllum vér.
Bændablaðið kemur út 24 sinnum á ári. Því er dreift ókeypis á yfir 420 stöðum
á landinu og á lögbýli landsins.
Lesendur geta einnig gerst áskrifendur að blaðinu og fengið það sent heim í
pósti gegn greiðslu burðargjalds. Árgangurinn (24. tölublöð) kostar þá kr. 12.200
með vsk. (innheimt í tvennu lagi). Ársáskrift fyrir eldri borgara og öryrkja kostar
8.000 með vsk.
Heimilisfang: Bændablaðið, Bændahöll við Hagatorg, 107 Reykjavík.
Sími: 563 0300 – Fax: 562 3058 – Kt: 631294–2279
Bændablaðið er í eigu Bændasamtaka Íslands. − Málgagn bænda og landsbyggðar −
SKOÐUN
Við upplifum skrítna tíma þessi miss­
erin í skugga kórónuveiru sem stöðugt
er að koma okkur á óvart með stökk­
breytingum og leiðindum sem þær
orsaka. Þetta er þó ekkert nýtt þótt
jarðarbúar hafi verið orðnir ansi
værukærir verandi blessunarlega lausir
við svo víðtæka árás slíkra örkvikinda
í nær heila öld.
Sífellt hafa ný stökkafbrigði veirunnar,
sem eru sífellt meira smitandi, verið að
ná sér á strik. Íslendingar finna vel fyrir
því núna þar sem útbreiðsla smita er
orðin ógnvænlega hröð. Góðu tíðindin í
þessu öllu saman er að þrátt fyrir mörg
andlát að undanförnu telja vísindamenn
að nýjustu afbrigði veirunnar valdi minni
skaða, allavega hjá þeim sem sem hafa
verið bólusettir, og minnstum skaða hjá
þeim sem hafa verið bólusettir í þrígang.
Þótt undirritaður vilji trúa því að áhrifa
veirunnar verði að mestu hætt að gæta fyrir
maílok á þessu ári, og vera þannig jafnvel
bjartsýnni en tölvugúrúinn Bill Gates, þá
skulum við samt fara varlega.
Kórónuveiran sem nú plagar okkur með
faraldri, sem gjarnan er nefndur Covid­19,
hafði síðastliðinn mánudag sýkt tæplega
314 milljónir manna í 222 löndum eða
landsvæðum og dregið ríflega 5,5 milljónir
jarðarbúa til dauða. Þá lágu á sama tíma
ríflega 95.000 manns víða um lönd í
alvarlegu ástandi á sjúkrahúsum.
Af þessum fjölda smitaðra höfðu rétt
tæplega 100 milljónir smitast í Evrópu
og ríflega 63 milljónir í Bandaríkjunum.
Í einstökum ríkjum eða ríkjasamsteypum
höfðu þá flestir látið lífið í Bandaríkjunum
eða nærri 862 þúsund manns, en næstflestir
í Brasilíu, eða um 620 þúsund manns. Bara í
þessum tveim ríkjum hafa nær 1,5 milljónir
manna látið lífið af völdum Covid­19.
Það er meira en fjórum sinnum íslenska
þjóðin. Ef allt þetta fólk hefði ætlað að
fara fljúgandi í ferðalag til Íslands næsta
sumar, sem það gerir augljóslega ekki, þá
hefði þurft í það minnsta 7.100 Boeing 737
MAX flugvélar til að flytja hópinn.
Flugvélaframleiðandinn Boeing varð
fyrir því skelfilega áfalli að tvær þotur
af gerðinni Boeing 737 MAX fórust
vegna tæknigalla með nokkurra mánaða
millibili á árunum 2018 og 2019. Önnur
fórst með 157 manns um borð og hin með
189 einstaklingum. Mánuðum saman voru
allar slíkar vélar kyrrsettar á meðan reynt
var að finna gallann sem orsakaði slysin
og gera lagfæringar á vélunum. Allt var
lagt í sölurnar því orðspor framleiðanda
og öryggissjónarmið alls flugheimsins
var í húfi. Þarna fórust 346 einstaklingar.
Nú erum við aftur á móti að horfa upp á
að milljónir manna hafa látið lífið vegna
kórónuveirufaraldurs sem upphófst ári eftir
að fyrri flugvélin af tveim fyrrnefndu fórst
og daglega bætist í þann hóp. Samt finnast
fjölmargir sem enn telja óskynsamlegt að
bregðast við þeirri vá með bólusetningu.
Fullyrða má að ekki einn einasti flug­
farþegi hefði viljað taka áhættuna af því að
halda áfram flugi með MAX vélunum án
þess að gera ýtrustu ráðstafanir til að koma
í veg fyrir slys. Sem betur fer var farið
að ráðum sérfræðinga og vísindamanna
og gerðar allar þær ráðstafanir sem
flugmálayfirvöld töldu nauðsynlegar til
að koma í veg fyrir að slíkt gæti gerst aftur.
Það hefði aldrei verið hægt að réttlæta það
að gera ekki neitt. Nú fljúga þessar vélar um
háloftin áfallalaust, m.a. á vegum íslensks
flugfélags.
Það er rökrétt og nauðsynlegt að vera
gagnrýnin á alla mögulega hluti. Verðum
við hins vegar ekki líka að forðast að taka
óþarfa áhættu þegar mannslíf eru í húfi og
velja frekar úrræði sem sannanlega geta
dregið úr áhættunni? /HKr.
Gunnar Þorgeirsson
formaður Bændasamtaka Íslands
gunnar@bondi.is
ÍSLAND ER LAND ÞITT
Skrítnir tímar
Ritstjóri: Hörður Kristjánsson (ábm.) hk@bondi.is – Sími: 563 0339 – Blaðamenn: Guðrún Hulda Pálsdóttir gudrunhulda@bondi.is – Margrét Þóra Þórsdóttir mth@bondi.is –
Sigrún Pétursdóttir sigrunpeturs@bondi.is – Sigurður Már Harðarson smh@bondi.is – Vilmundur Hansen vilmundur@bondi.is
Auglýsingastjóri: Þórdís Una Gunnarsdóttir thordis@bondi.is – Sími: 563 0303
Netfang auglýsinga: augl@bondi.is − Sími smáauglýsinga: 563 0300 – Vefur blaðsins: www.bbl.is − Netfang blaðsins: (fréttir og annað efni) er bbl@bondi.is
Frágangur fyrir prentun: Sigrún Pétursdóttir – Prentun: Landsprent ehf. – Upplag: sjá forsíðu – Dreifing: Landsprent og Íslandspóstur. ISSN 1025-5621
Trékyllisvík í Árneshreppi á Ströndum er norðan við Reykjarfjörð og Gjögur. Þar var áður miðstöð sveitarinnar sem kölluð var Víkursveit eftir
Trékyllisvík. Nokkrar jarðir eru í Trékyllisvík, Árnes, sem var prestssetur til 2003, Finnbogastaðir ásamt Finnbogastaðaskóla, Bær, Litla-Ávík og
Stóra-Ávík. Mynd / Hörður Kristjánsson
Saman stöndum vér