Bændablaðið - 13.01.2022, Blaðsíða 35
Bændablaðið | Fimmtudagur 13. janúar 2022 35
Skrifað hefur verið undir samning
um framkvæmd við Snæfellsveg,
nr. 54, á milli Ketilsstaða og
Gunnarsstaða. Verkið felst í
endurbyggingu Snæfellsvegar
á ríflega 5 kílómetra löngum
kafla og er innifalið í því bygging
tveggja brúa, yfir Skraumu
annars vegar og Dukná hins
vegar. Fyrirtækið Borgarverk
vinnur verkið. Vegurinn er að
mestu endurbyggður í vegstæði
núverandi vegar með nokkrum
lagfæringum.
Brúin á Skraumu verður 43 metra
löng í þremur höfum, byggð upp af
samverkandi stálbitum og steyptu
brúardekki. Brúin á Dunká verður
52 metra löng staðsteypt, uppspennt
plötubrú í tveimur höfum. Gert er ráð
fyrir að í flóðum eða klakahlaupum
geti vatn og ís náð upp á súlur brúnna
án þess að valda skaða.
Verktaki hefur undirbúning
framkvæmda fljótlega, framkvæmdir
hefjast í mars 2022 en gert er ráð
fyrir að verkinu verði að fullu lokið
sumarið 2023.
Fagna áframhaldandi
uppbyggingu
Stykkishólmsbær hefur í ályktun
fagnað því að Vegagerðin hafi skrifað
undir samning við Borgarverk
um áframhaldandi uppbyggingu
Skógarstrandarvegar. Bærinn
hafi, ásamt fleiri sveitarfélögum
á Vesturlandi, ítrekað ályktað
um mikilvægi þess að umræddur
stofnvegur sé í forgangi við ráðstöfun
fjármuna á samgönguáætlun enda
sé um að ræða stofnveg samkvæmt
skilgreiningu í samgönguáætlun og
þannig veg sem er hluti af grunnkerfi
samgangna á Íslandi. /MÞÞ
BÆNDUR ERU FREMSTIR Í ENDURVINNSLU
Fyrsta skref við endurvinnslu á heyrúlluplasti er að huga að
gæðum þess til endurvinnslu við kaup. Þar skiptir litaval máli.
Eftir notkun þarf að ganga vel um heyrúlluplastið og sundur-
greina það frá öðrum úrgangi. Minnka umfang þess og gæta
að geymslu fyrir hirðu.
Þessi fyrstu skref við meðhöndlun skipta miklu máli við
endurvinnslu á heyrúlluplasti.
Hringrásarhagkerfið byrjar á þínu býli.
LÍF&STARF
Endurbygging hefst í mars
á hluta Snæfellsvegar
Pálmi Þór Sævarsson, svæðisstjóri
Vestursvæðis Vegagerðarinnar, og
Óskar Sigvaldason, framkvæmda
stjóri Borgarverks ehf., við undirritun
samningsins.
Garðyrkjuframleiðendur:
Skil á loka
uppgjöri
Atvinnuvega- og nýsköpunar-
ráðuneytið vekur athygli
framleiðenda í garðyrkju á að
hver framleiðandi sem hlotið hefur
beingreiðslur á árinu 2021 skal
skila ráðuneytinu heildaruppgjöri
fyrir árið.
Uppgjörið skal senda rafrænt
til ráðuneytisins og skal það vera
staðfest af löggiltum endurskoðanda
í samræmi við 21. gr. reglugerðar
um stuðning við garðyrkju nr.
1273/2020.
Einnig er vakin athygli á að
fullnægjandi skil á skýrsluhaldi
eru skilyrði fyrir beingreiðslum
í garðyrkju. Áður en lokauppgjör
fer fram er nauðsynlegt að
ræktunarupplýsingar liggi fyrir í
Jörð.is, gagnagrunn í jarðrækt, í
samræmi við 22. gr. fyrrnefndrar
reglugerðar.
Þá vill ráðuneytið koma því á
framfæri að unnið er að einföldun
skráningar ræktunarupplýsinga. /VH