Morgunblaðið - 25.11.2022, Síða 4

FRÉTTIR
Innlent4
MORGUNBLAÐIÐ FÖSTUDAGUR 25. NÓVEMBER 2022
VORGOLF Á
ALICANTE
7 DAGA FERÐIR Á EL PLANTIO EÐA ALICANTE GOLF
VERÐ FRÁ149.900 KR.
Á MANN M.V. 4 FULLORÐNA
174.900 KR. Á MANNM.V. 2 FULLORÐNA
ÚRVAL ÚTSÝN HLÍÐASMÁRI 19, 201 KÓPAVOGUR SÍMI 585-4000 WWW.UU.IS
INNIFALIÐ Í VERÐI:
BEINT FLUG
GISTING
ÓTAKMARKAÐ GOLF
INNRITAÐUR FARANGUR
HANDFARANGUR
FLUTNINGUR Á GOLFBÚNAÐ
AFNOT AF GOLFBÍLERTU MEÐ HÓP? SENDU FYRIRSPURN Á GOLF@UU.IS
Samningamenn verkalýðshreyf-
ingarinnar og Samtaka atvinnu-
lífsins hafa ekki gefið upp á bátinn
tilraunir til að ná samkomulagi um
gerð skammtímasamnings þrátt fyrir
uppnámið sem varð í kjaraviðræðun-
um í fyrradag vegna ákvörðunar pen-
ingastefnunefndar Seðlabankans um
hækkun stýrivaxta.
Fundarhöld komust í gang á nýjan
leik upp úr hádegi í gær og var fundað
þétt eftir hádegi í flestum herbergj-
um í húsnæði ríkissáttasemjara eftir
að forystumenn höfðu ráðið ráðum
sínum með félögum sínum.
Brothætt staða
Staðan var sögð brothætt og óá-
nægja og reiði vegna hækkunar
Seðlabankans hafði lítið sjatnað en
niðurstaðan varð þó sú að reyna
áfram. Var búist við að fundir gætu
staðið yfir fram eftir kvöldi og að
óbreyttu muni samninganefndirnar
halda viðræðum áfram yfir helgina.
Katrín Jakobsdóttir forsætisráð-
herra boðaði forystumenn viðsemj-
enda, SA, VR og LÍV, Starfsgreina-
sambandsins og samflots iðn- og
tæknifólks, til fundar í forsætisráðu-
neytinu kl. 9:30 í gærmorgun vegna
þeirrar alvarlegu stöðu sem upp var
komin í kjaraviðræðunum í kjölfar
vaxtahækkunar Seðlabankans en um
tíma héngu viðræðurnar á bláþræði.
,,Þetta var bara ágætis samtal sem
við áttum og fórum yfir stöðuna. Það
var gott að finna að það væri áhugi
þarna," sagði Kristján Þórður Snæ-
bjarnarson, forseti ASÍ og formaður
Rafiðnaðarsambandsins, að loknum
fundinum. Á honum mun Katrín hafa
ítrekað vilja ríkisstjórnarinnar til að
liðka fyrir gerð væntanlegra samn-
inga.
Samningamenn héldu að loknu
samtalinu við forsætisráðherra upp
í húsnæði ríkissáttasemjara og var
sameiginlegur fundur viðsemjenda
haldinn í hádeginu um stöðuna. Þá var
boðað til fundar framkvæmdastjórnar
Starfsgreinasambandsins kl. 13 til að
fara yfir málin og næstu skref. Stóðu
vonir til þess að í framhaldi af því
kæmist kraftur í vinnuna á nýjan leik.
Samflotshóparnir á sömu línu
Viðræðurnar fara fram undir stjórn
Aðalsteins Leifssonar ríkissáttasemj-
ara en kjaradeilunum var vísað til
sáttameðferðar í seinustu viku. Er
annars vegar um að ræða samflot 17
félaga í Starfsgreinasambandinu, VR
og annarra félaga verslunarfólks í LÍV
og hins vegar samflot allra stéttarfé-
laga iðn- og tæknifólks.
Samkvæmt upplýsingum blaðsins
voru hóparnir allir komnir nokkurn
veginn á sömu línu um að skoða
fyrst og fremst hvort unnt væri að
ná samkomulagi milli viðsemjenda
um gerð skammtímasamnings sem
gildi til áramóta 2023/24 og gáfu
verkalýðsfélögin skamman tíma til að
reyna hvort það tækist „þó auðvitað
sé himinn og haf á milli hækkana,“
eins og einn verkalýðsforingi innan
SGS orðaði það um ólíka afstöðu
verkalýðsfélaganna og SA til launa-
breytinga. Ætla samflotshóparnir að
vinna náið saman í viðræðunum þó
þær fari fram sitt í hvoru lagi.
Efling hefur ekki vísað
Efling, annað stærsta stéttarfélag
landsins, er ekki aðili að þessum
viðræðum og hefur ekki vísað kjara-
deilunni við atvinnurekendur til rík-
issáttasemjara. Reiknað er með að
haldinn verði samningafundur Efl-
ingar og SA í næstu viku en sá fundur
hafði þó ekki verið tímasettur í gær
eftir því sem næst verður komist.
Forystumenn Eflingar hafa lagt
áherslu á gerð langtímasamnings
og kynnt kröfugerð þar sem farið er
fram á hækkun allra mánaðarlauna
um 167 þúsund krónur á þriggja ára
samningstíma.
lViðsemjendur í Karphúsinu halda áfram tilraunum til að ná samkomulagi um skammtímasamning
lForsætisráðherra kallaði forystumenn á fund vegna uppnámsinslSegjast gefa sér stuttan tíma
Kraftur kominn á ný í viðræðurnar
Ómar Friðriksson
omfr@mbl.is
Morgunblaðið/Eggert
Viðtöl Kristján Þ. Snæbjarnarson, formaður RSÍ, og Ragnar Þór Ingólfsson, formaður VR, við Stjórnarráðið.
Morgunblaðið/Kristinn Magnússon
Sáttafundur Sett var upp þétt dagskrá í Karphúsinu þegar samn-
inganefndir komu saman til fyrsta sáttafundarins sl. mánudag.
FORSÆTISRÁÐHERRA
Leggja sitt
af mörkum
Katrín
Jakobsdóttir
forsætisráð-
herra sagði
í óundirbún-
um fyrir-
spurnartíma
á Alþingi í
gær að hún
hefði óskað
eftir fundi
með aðilum vinnumarkaðarins
í gærmorgun þar sem staða
kjaraviðræðna er viðkvæm. Það
væri mikill hagur allra í þessu
landi, ef unnt verði að halda
frið á vinnumarkaði. „Í þeim
efnum hafa stjórnvöld lýst sig
reiðubúin til samtals, til þess
að leggja sitt af mörkum til að
greiða fyrir mögulegum kjara-
samningum,“ sagði hún.
Katrín
Jakobsdóttir
Bjarni Benediktsson fjármála-
ráðherra og Ásgeir Jónsson
seðlabankastjóri ræddu nokkuð
um stöðuna á vinnumarkaði á
Peningamálafundi Viðskipta-
ráðs í gærmorgun. Bjarni sagði í
umræðum undir lok fundarins að
þær kröfur sem komið hafa fram
af hálfu verkalýðshreyfingarinn-
ar væru óraunhæfar og í engu
samræmi við stöðuna í hagkerf-
inu.
Ásgeir benti í fyrirlestri sínum
á og ítrekaði í umræðum að það
skipti engu máli hvað aðilar
vinnumarkaðarins semja um ef
Seðlabankinn stendur ekki að
baki þess fjármagns sem samið
er um. Það myndi ekki skila sér í
auknum kaupmætti. Hann sagði
jafnframt að verkalýðsfélögin
yrðu að átta sig á því að þjóðin
gæti ekki verið áskrifandi að
ákveðnum kaupmætti.
lÓraunhæfar kröfur lagðar fram
Sendu verkalýðs-
forystunni tóninn
Morgunblaðið/Eggert
Kaupmáttur Ásgeir rakti kaupmáttaraukningu síðustu ára og stöðuna nú.