Morgunblaðið - 22.12.2022, Blaðsíða 51

MINNINGAR 51
MORGUNBLAÐIÐ FIMMTUDAGUR 22. DESEMBER 2022
✝
Guðjón Þor-
leifsson fæddist
í Reykjavík 1. maí
1928. Hann lést á
Hrafnistu í Hafn-
arfirði 15. desem-
ber 2022. Síðast til
heimilis í Lækj-
argötu 4 í Reykja-
vík.
Guðjón var sonur
Þorleifs Þorleifs-
sonar ljósmyndara,
f. í Bjarnarhöfn í Helgafellssveit
11. júlí 1882, d. 3. apríl 1941 og
Elínar Sigurðadóttur frá Bæ í
Akranesi, f. á Innra-Hólmi 24.
júní 1891, d. 4. mars 1985.
Systkini Guðjóns voru Amalía
Karólína Kristín, 1911-1993, Þor-
leifur, 1917-1974, Oddur Hjalta-
lín, 1922-2002, Eyja Pálína, 1925-
2003, Sigurður Pétur, 1927-2012,
Guðbjartur Hallbjörn, 1931-2017,
Kristín, 1937-2016. Samfeðra var
Hjördís, 1916-1976.
Guðjón kvæntist Höllu Krist-
einnig í Hellusundi og á Háteigs-
vegi. Guðjón gekk í Miðbæjar-
skólann.
Guðjón fór á samning hjá
Landsmiðjunni og útskrifaðist
sem vélvirki 1949. Hann fór það-
an í Vélskólann og tók öll stigin
og kláraði námið 1953. Guðjón
var til sjós nær allan sinn starfs-
feril. Hann byrjaði á togurum en
var síðan á Fossum Eimskipa-
félagsins til ársins 1959. Eftir
það var hann á hinum ýmsu síld-
arbátum, Bjarnarey NK, Árna
Magnússyni GK og síðan á Þor-
steini RE til ársins 1971. Eftir
það var hann hjá Baader fisk-
vinnsluvélum og vélamaður hjá
Hraðfrystistöðinni í Reykjavík. Á
árunum 1974-1995 var Guðjón
vélstjóri á Ísafoldinni og Geysi
sem voru gerðir út frá Hirtshals í
Danmörku en útgerðin var rekin
af íslenskum og dönskum aðilum.
Guðjón endaði starfsferilinn sem
vaktmaður hjá Granda á ýmsum
togurum.
Útför Guðjóns fer fram í dag,
22. desember, frá Dómkirkjunni í
Reykjavík og hefst athöfnin
klukkan 13.
innu Sveinbjörns-
dóttur í janúar
1951, f. 10. október
1932, d. 22. júlí
1988.
Halla var fædd í
Litlu-Ávík í Árnes-
hreppi. Foreldrar
hennar voru Svein-
björn Magnús Guð-
brandsson, f. 15.
maí 1886, d. 15. apr-
íl 1944 og Þórdís
Jóna Guðjónsdóttir, f. 20. nóv.
1913, d. 10. júlí 2000.
Börn Guðjóns og Höllu eru
Heimir, f. 22 nóv. 1951, Erna
Hrönn, f. 4 nóv. 1953, Rafn Arn-
ar, f. 24. júlí 1956, kvæntur Önnu
Maríu Þorláksdóttur, Víðir Þor-
mar, f. 15. maí 1957, kvæntur
Málfríði Elídóttur og Stella
Dröfn, f. 31. jan. 1959, gift Guð-
laugi Gunnþórssyni. Afabörn
Guðjóns eru orðin 37.
Guðjón fæddist í Kirkjutorgi 6
í Reykjavík og ólst þar upp og
Elsku Guðjón minn!
Með trega kveð ég þig eftir
áratuga ferðalag í gegnum lífið.
Aðeins 16 ára kom ég inn í líf
ykkar hjóna, en Halla kvaddi
okkur allt of snemma. Ég gat
ekki valið mér betri tengdafor-
eldra. Þú reyndist mér alltaf vel
og varst mér góður vinur. Að
leiðarlokum þakka ég þér sam-
fylgdina, elsku besti.
Hann gekk hér um að góðra drengja
sið,
gladdi mædda, veitti þreyttum lið.
Þeir fundu best sem voru á vegi hans
vinarþel hins drenglundaða manns.
Þó ævikjörin yrðu máski tvenn
hann átti sættir jafnt við Guð og menn.
(Guðrún Jóhannsdóttir)
Þín tengdadóttir,
Málfríður (Mallý)
Elsku afi, eins og það er sárt
að þú sért farinn þá veit ég að
amma Halla tekur vel á móti þér
og þið haldið fallegustu jól sem
ég veit um. Þegar það var komið
að leiðarlokum þá hrönnuðust
upp minningar um yndislegan
tíma á Smáraflötinni. Ég var
fyrsta barnabarn ykkar ömmu
Höllu og fékk svoleiðis að njóta
þess. Þú, amma og Smáraflötin
eigið stóran part í hjarta mínu.
Þið voruð svona ekta amma og
afi. Minningar sem þið bjugguð
til með mér geymi ég vel í hjarta
mínu.
Ég man alltaf tilhlökkunina að
koma til ykkar ömmu á aðfanga-
dag þar sem allir hittust, við
fengum að taka með einn pakka,
þú kveiktir upp í fallega arninum
og svo var heitt kakó, kökur og
myndatökur. Ég man eftir gaml-
árskvöldunum þegar við fengum
að gista hjá ykkur; þá varst þú í
essinu þínu. Alltaf smá vindill,
allir svo glaðir, smá knús þar sem
skeggbroddarnir nudduðu okkur
í kinnarnar og svo var árið kvatt
með því að fara upp í strætóskýli
og alvöru bomba kvaddi árið.
Þegar við komum heim heyrðist
snark í arninum. Ég man þegar
við amma Halla fórum alltaf á
gamla Keflavíkurvöllinn að
sækja þig þar sem þú varst að
koma af sjónum frá Danmörku
þar sem þú vannst sem vélstjóri
og alltaf komstu heim með lítinn
pakka. Ég man þegar þú varst
alltaf að „skamma“ ömmu hvað
hún var að dekra við mig en ég
veit að þú meintir ekkert með
því. Ég man eftir brakinu í
ruggustólnum þínum, hljóðinu í
prjónunum hennar ömmu og
lyktinni af lopanum þar sem hún
sat, prjónaði lopapeysur og ég
gat bara verið með ykkur og
spjallað. Ég man þegar við tjöld-
uðum appelsínugula tjaldinu og
fórum út á land í berjamó. Ég
man eftir húsbóndaherberginu
þínu; það var svo gaman að skoða
alla uppstoppuðu fuglana þína,
krabbann þinn, hnífana og gömlu
byssurnar sem þú safnaðir og
alla spennandi smáhlutina sem
öllum börnum fannst gaman að
skoða. Ég man hvað mér þótti
gaman að skoða bílskúrinn þinn,
þar sem allt var í röð og reglu og
hver skrúfa átti sinn stað. Bíllinn
þinn alltaf hreinn með númerið G
1972. Ég man eftir fallega garð-
inum ykkar sem angaði alltaf af
blómalykt.
Elsku afi, takk fyrir allt og ég
veit að þið amma eigið falleg jól
saman.
Þín
Halla Heimisdóttir.
Með örfáum orðum vil ég
kveðja frænda minn Guðjón Þor-
leifsson sem kvatt hefur þessa
jarðvist eftir langa dvöl og án efa
verið flutningnum feginn. Hann
var menntaður vélstjóri og starf-
aði lengi sem slíkur hjá Eim-
skipafélaginu við góðan orðstír.
Faðir Guðjóns, Þorleifur Þor-
leifsson, var bróðir afa míns
Kristjáns og voru þeir ættaðir
frá Bjarnarhöfn á Snæfellsnesi.
Þorleifur lærði einn fyrstur
manna ljósmyndun og starfrækti
síðan ljósmyndastofu í Kirkju-
stræti í Reykjavík með Óskari
Gíslasyni ljósmyndara í mörg ár.
Þorleifur var áberandi maður í
bæjarlífinu á fyrri hluta síðustu
aldar og var m.a. þekktur fyrir að
finna upp á ýmsum nýjungum í
ljósmyndun. Einn bróðir Guð-
jóns, Þorleifur eða Lilli, var einn-
ig lærður ljósmyndari og hafði
lært fagið hjá föður sínum og
Óskari. Hann starfaði síðan mik-
ið með Óskari, sérstaklega við
kvikmyndagerð Óskars, og er
sagður hafa átt mun stærri þátt í
gerð þeirra verka en af var látið.
Enda féll Lilla ekki í geð að
hreykja sér. Hann samdi tökurit-
ið af Síðasta bænum í dalnum og
ekki ólíklegt að frumhugmyndin
hafi verið hans. Það var sannköll-
uð tímamótamynd, gerð af mjög
takmörkuðum efnum en „lukkað-
ist“, eins og Óskar oft tók til orða
er vel gekk. Gaui Þorleifs lagði
sitt til þeirrar myndar með smíði
mjög vandaðs tökuvagns og
brauta svo hægt væri að renna
myndavélinni um í upptökum.
Hann var lærður járn- og vél-
smiður og hefur kunnað fag sitt
vel.
Kvikmyndasafn Íslands lét
lagfæra Síðasta bæinn í dalnum
stafrænt fyrir nokkrum árum.
Endurgerða myndin var síðan
frumsýnd völdum boðsgestum
með undirleik Sinfóníuhljóm-
sveitar Íslands í Hörpu. Guðjón
var þá einn lifandi þeirra sem að
upprunalegri gerð myndarinnar
stóðu og var honum boðið á sýn-
inguna. En vegna einhverra afar
slæmra mistaka, sem alls ekki
voru Kvikmyndasafninu að
kenna, barst honum ekki boðs-
miðinn í tíma. Þegar fór að nálg-
ast sýningartímann lagði hann af
stað gangandi miðalaus frá heim-
ili sínu, sem þá var í Lækjargöt-
unni, yfir í Hörpu. Er þangað
kom kynnti gamli maðurinn sig
fyrir dyravörðum og reyndi að
skýra tilveru sína en skýringin
var ekki tekin til greina og hon-
um sagt að sýningin væri hafin
og ekki hægt að hleypa honum
inn. Hann sneri því nauðugur aft-
ur heim til sín, hágrátandi. Það
sagði hann mér seinna sjálfur. Ef
einhver átti skilið sæti á þessari
heiðurssýningu var það Guðjón
Þorleifsson. Með smíði þessa
vagns, sem enginn mundi vera án
í dag, vann Guðjón sig sannar-
lega inn í íslenska kvikmynda-
sögu. Blessuð sé minning hans.
Reynir Oddsson.
Guðjón Þorleifsson
Það voru erfiðar
fréttir sem við feng-
um hinn 25. nóvem-
ber elsku Árni okk-
ar. Við erum ennþá
að átta okkur á því að þú komir
ekki aftur heim og það mun taka
okkur tíma. Það er búið að vera
tómlegt hér í Austurbrún eftir að
þú fórst á sjúkrahúsið. Þú komst
til okkar í sumar og heillaðir okk-
ur strax með þrautseigju þinni og
stríðni. Það tók okkur tíma að
stilla saman strengi því við þurft-
um að læra inn á tjáskiptin þín en
þegar það var komið þá fórst þú
að blómstra og valdeflast. Við
gleðjumst yfir öllum þeim tæki-
færum sem þú fékkst hjá okkur
og að þú varst við stjórnvölinn.
Teymið þitt voru starfsmenn sem
þú náðir til og líkaði við. Við sáum
miklar breytingar á þér á þessum
stutta tíma sem þú varst hjá okk-
ur. Til dæmis hættir þú að biðja
um 1944-rétti því þú vildir mat
Árni Sævar
Gylfason
✝
Árni Sævar
Gylfason fædd-
ist 16. ágúst 1967.
Hann lést 25. nóv-
ember 2022. Útför
hans fór fram 5.
desember 2022.
sem væri eldaður
frá grunni. Og best
var að fá starfs-
menn sem eru veg-
an til að elda dýr-
indis kjöt. Þú varst
farinn að fara út í
búð til að kaupa í
matinn og mikil-
vægt var að setja
Pepsi max, núðlur
og kjöt í innkaupa-
kerruna. Það var
ansi margt sem við náðum að efla
þig í og ferðirnar í Hagkaup til
þess að kaupa kjöt úr kjötborðinu
munu ylja okkur um ókomna tíð.
Það var oft glatt á hjalla hjá þér
og mikið hlegið. Þér fannst óhöpp
starfsmanna mjög fyndin og
gerðir oft grín að okkur. En það
allra fyndnasta var þegar þú
fórst með starfsmanni austur fyr-
ir fjall til að hitta systur þína og
bíllinn bilaði á heimleiðinni. Þú
varst ennþá að hlæja að þessu
nokkrum dögum áður en þú
kvaddir okkur. Í október var Ís-
landsmótið í boccia og auðvitað
tókstu þátt í því. Mamma þín var
vön að fara með þér en þú varst
nú fljótur að samþykkja það að
gefa henni frí frá því. Auðvitað
vannst þú mótið í þínum flokki og
varst svo montinn að sýna starfs-
mönnum verðlaunapeninginn. Þú
skelltir þér á lokahófið ásamt
teymisstjóra þínum og skemmtir
þér vel. Þegar heim var komið og
þú vissir að það var starfsmaður í
húsinu sem gat aðstoðað þig þá
varstu fljótur að segja við teym-
isstjóra þinn „Farðu heim“.
Það eru margar sögur sem við
getum sagt af þér og margar góð-
ar og ljúfar minningar sem eig-
um. Við viljum þakka þér kær-
lega fyrir þennan stutta tíma sem
við fengum með þér. Þín er sárt
saknað en við munum halda
minningu þinni á lofti.
Farðu í friði vinur minn kær,
faðirinn mun þig geyma.
Um aldur og ævi þú verður mér nær,
aldrei ég skal þér gleyma.
Svo vöknum við með sól að morgni.
(Bubbi Morthens)
Elsku Svava, Gylfi, Inga Rut,
Hörður, Björk og systkinabörn
Árna. Við vottum ykkur innilega
samúð og erum mjög þakklát fyr-
ir að hafa kynnst ykkur. Hann
Árni Sævar kenndi okkur margt
og heillaði okkur.
Kærar kveðjur frá starfsfólk-
inu á Austurbrún 6a.
Kolbrún Stígsdóttir.
Vesturhlíð 2 | Fossvogi | s. 551 1266 | utfor@utfor.is | utfor.is
VIÐ ÞJÓNUM ALLAN SÓLARHRINGINN
Útfararþjónusta
í yfir 70 ár
Elskuleg eiginkona mín, móðir,
tengdamóðir og amma,
STEINUNN ÁSTA BJÖRNSDÓTTIR,
Logafold 64, Reykjavík,
lést á Landspítalanum Fossvogi
miðvikudaginn 14. desember.
Útför hennar fer fram miðvikudaginn 28. desember klukkan
13 frá Grafarvogskirkju. Þeim sem vilja minnast hennar er bent á
MND-félagið.
Jón Frímann Eiríksson
Anna María Jónsdóttir Christian Hansen
Emil og Oliver
Ástkær faðir okkar, tengdafaðir, afi
og bróðir,
GUNNAR I. WAAGE,
Sléttuvegi 27,
Reykjavík,
lést sunnudaginn 18. desember.
Útför hans fer fram frá Laugarneskirkju
miðvikudaginn 28. desember klukkan 13.
Blóm og kransar eru vinsamlega afþakkaðir, en þeim sem vildu
minnast Gunnars er bent á að láta líknarstofnanir njóta þess.
Benedikt G. Waage Ólöf Björnsdóttir
Davíð G. Waage Carolina Castillo
Alexander, Ísabella, Emma Björk
Ólöf Erla I. Waage
Ástkær eiginmaður minn, faðir, tengdafaðir
og afi,
ÁGÚST ÓSKARSSON,
Giljalandi 2,
lést á Landspítalanum Fossvogi
sunnudaginn 18. desember.
Útför fer fram frá Bústaðakirkju fimmtudaginn 29. desember
klukkan 13.
Ragnheiður Guðjónsdóttir
Eva Ágústsdóttir Viðar Jónsson
Óskar Ágústsson Susanne Pedersen
Ingibjörg Ágústsdóttir Geir Þórarinn Gunnarsson
Unnur Agnes Hauksdóttir Guðmundur Hugi Guðmundss.
barnabörn og barnabarnabörn
Ástkær faðir okkar, tengdafaðir, afi
og langafi,
RÍKHARÐUR KRISTJÁNSSON
stýrimaður,
Hjallabraut 33,
Hafnarfirði,
lést fimmtudaginn 15. desember á Hrafnistu í Hafnarfirði.
Útförin fer fram frá Fríkirkjunni í Hafnarfirði fimmtudaginn
12. janúar klukkan 15.
Hjalti Ríkharðsson Magnhildur Erla Halldórsdóttir
Hildur Ríkharðsdóttir Bragi Þór Leifsson
Ragnheiður Ríkharðsdóttir
Jóhann Ríkharðsson Fríða Rut Baldursdóttir
Sigríður Ríkharðsdóttir Jón Gunnar Jónsson
barnabörn og barnabarnabörn