Morgunblaðið - 22.12.2022, Blaðsíða 61

Meistaradeild FIBA
H-RIÐILL:
Rytas Vilnius – Tenerife ..................... 85:78
Elvar Már Friðriksson skoraði 1 stig, tók 1
frákast og gaf 4 stoðsendingar á 25mínútum
hjá Rytas.
Lokastaðan:
Tenerife 8, Rytas 6, Peristeri 6, Bnei Herzliya
4. Tenerife fer beint í 16-liða úrslit en Rytas
og Peristeri í umspil.
Þýskaland
B-deild:
Münster – Vechta ............................... 68:102
Hilmar Pétursson skoraði 4 stig, tók 1 frá-
kast og gaf 2 stoðsendingar á 23 mínútum
hjá Münster.
NBA-deildin
Detroit – Utah ........................................ 111:126
Miami – Chicago................................... 103:113
New York – Golden State..................... 132:94
Phoenix – Washington.......................... 110:113
Denver – Memphis ................................ 105:91
Meistaradeild kvenna
C-RIÐILL:
Lyon – Juventus ........................................ 0:0
Sara Björk Gunnarsdóttir lék ekki með
Juventus vegna meiðsla.
Zürich – Arsenal.......................................... 1:9
Lokastaðan:
Arsenal 13, Lyon 11, Juventus 9, Zürich 0.
Arsenal og Lyon fara í 8-liða úrslit.
LeikjumBarcelona – Rosengård og Bayern
München – Benfica í D-riðli var ekki lokið
þegar blaðið fór í prentun en Barcelona og
Bayern voru þegar komin í 8-liða úrslit.
Grikkland
Giannina – Olympiacos ............................ 2:2
Ögmundur Kristinsson var ekki í leik-
mannahópi Olympiacos.
ÍÞRÓTTIR 61
MORGUNBLAÐIÐ FIMMTUDAGUR 22. DESEMBER 2022
Eintracht boðið
að fá Ronaldo
Forráðamenn þýska knattspyrn-
ufélagsins Eintracht Frankfurt
hafa staðfest að þeim hafi verið
boðið að fá Cristiano Ronaldo
til liðs við sig. Ronaldo er án
félags eftir að samningi hans
við Manchester United var rift.
Philip Holzer, stjórnarformaður
Frankfurt, staðfesti þetta við
sjónvarpsstöðina DAZN. „Ég hef
á tilfinningunni að öllum félögun-
um sem enn eru með í Meistara-
deildinni hafi verið boðið að fá
hann til liðs við sig,“ sagði Holzer.
AFP/Patricia de Melo Moreira
Óvissa Ekki er ljóst hvar Cristiano
Ronaldo leikur eftir áramótin.
Svipt tíu ára gömlu
ólympíugulli
Hin rússneskaNatalyaAntyukh
hefur verið svipt gullverðlaunun-
um semhúnhlaut fyrir sigur í
400metra grindahlaupi kvenna á
Ólympíuleikunum í Lundúnumárið
2012. AIU tók ákvörðuninameð
hliðsjón af gögnum frá rannsóknar-
stofu íMoskvu og er nú búið að
svipta alla rússneska verðlauna-
hafa á leikunumverðlaunum sínum
vegna lyfjamisferlis. Hin banda-
ríska LashindaDemus fær nú gull-
verðlaunin eftir að hafa upphaflega
unnið til silfurverðlauna í greininni.
AFP
ÓLAntyukh hefur verið svipt
ólympíugulli vegna lyfjamisferlis.
Hefur verið rosalega erfitt
lLovísa að jafna sig á meiðslum
lSpennandi að spila í Laugardalshöll
Lovísa Björt Henningsdóttir, 27
ára landsliðskona í körfubolta og
fyrirliði Hauka, hefur ekkert leikið
á leiktíðinni vegna meiðsla í mjöðm.
Hún fór í aðgerð eftir síðasta tíma-
bil og hefur ekki enn náð fullum
bata.
Ótrúlega spennt að byrja
„Ég var í aðgerð í maí, en núna er
þetta að koma. Ég verð kannski ekki
með í næsta leik, en það styttist í að
ég geti verið með. Þetta hefur verið
rosalega erfitt, að fá ekki að spila
körfubolta í sjö mánuði. Þetta gæti
ekki verið erfiðara,“ sagði Lovísa
Björt í samtali við Morgunblaðið.
„Ég er ótrúlega spennt að loksins
komast inn á völlinn,“ bætti hún við.
Eins og gefur að skilja hefur
tímabilið verið krefjandi hjá Lovísu,
þar sem hún saknar þess að vera á
vellinum. Það hefur þó gengið vel
hjá Haukum, þrátt fyrir fjarveru
Lovísu og Helenu Sverrisdóttur,
en Helena er einnig að glíma við
meiðsli. Í þeirra fjarveru hafa yngri
leikmenn liðsins leikið mjög vel.
Haukar eru í öðru sæti Subway-
deildarinnar með 22 stig eftir 13
leiki, tveimur stigum á eftir toppliði
Keflavíkur. Þá eru Haukar í undan-
úrslitum í bikarkeppninni, eftir að
hafa unnið bikarinn tvö ár í röð.
„Það er hægt að segja að við séum
svolítið mikið bikarlið. Við erum
búnar að vinna bikarinn tvö ár í röð,
en við eigum eftir að vinna þann
stóra. Það er samt alltaf gaman að
vinna bikarinn. Vonandi náum við
að halda bikarnum í Hafnarfirðin-
um,“ sagði Lovísa.
Öðruvísi tilfinning í Höllinni
Haukar leika við Snæfell, topplið
1. deildarinnar, í undanúrslitum.
Leikið verður í Laugardalshöll, en
undanúrslitin í fyrra voru leikin í
Smáranum í Kópavogi, á meðan að
viðgerðir stóðu yfir í Laugardals-
höll.
„Ég get ekki beðið eftir að spila
hérna aftur. Það eru einhver ár síð-
an ég spilaði í Höllinni síðast. Það er
öðruvísi tilfinning að spila bikar-
leikina í Laugardalshöllinni og það
gerir tilefnið stærra. Það er minna
en mánuður til stefnu og við gætum
ekki verið spenntari,“ sagði hún.
Toppbaráttan í Subway-deildinni
er afar spennandi, því aðeins fjögur
stig skilja efstu þrjú liðin að. Njarð-
vík kemur þar á eftir, fjórum stigum
á eftir Val, í þriðja sæti. Lovísa er
sérstaklega spennt að fá að taka
þátt í deildinni á nýjan leik, á meðan
hún er eins spennandi og raun ber
vitni.
Deildin verður betri og betri
„Þessi deild verður betri og betri
með hverju árinu og ég er spennt
að fá að spreyta mig og geta loksins
spilað gegn þessum liðum. Það hafa
verið margir mjög spennandi leikir
til þessa. Ég á ekki von á öðru en að
það haldi áfram,“ sagði Lovísa.
„Það hefur verið þannig hingað
til að efstu fjögur liðin eru svolítið á
undan. Þetta eru samt þannig lið og
þannig leikmenn í þessum liðum að
það getur allt gerst, hvenær sem er.
Það fer eftir því hvenær liðin ná að
toppa. Þótt deildin sé svolítið skipt
eins og er, get ég samt ekki sagt
hvernig þetta endar í vor,“ bætti
Lovísa Björt við að lokum.
HAUKAR
Jóhann Ingi Hafþórsson
johanningi@mbl.is
Morgunblaðið/Óttar Geirsson
ÚrslitHaukar léku til úrslita um Íslandsmeistaratitilinn gegn Njarðvík á
síðasta tímabili, en máttu þola tap. Liðið fagnaði þó bikarmeistaratitli.
Guðrún með tak-
markaðan rétt 2023
Guðrún Brá Björgvinsdóttir verður
með takmarkaðan keppnisrétt á
Evrópumótaröð kvenna í golfi árið
2023 en hún lauk í gær fimmta
og síðasta hringnum á lokaúr-
tökumótinu á La Manga á Spáni.
Guðrún lék á 73 höggum, á pari
vallarins, og endaði í 42. til 46. sæti.
Tuttugu efstu konurnar á mótinu
fá fullan keppnisrétt á mótaröðinni,
eins og Guðrún hefur haft undan-
farin tvö ár. Þær sem enduðu í 21. til
50. sæti fá takmarkaðan keppnis-
rétt og Guðrún verður í þeim hópi.
Hringina fimm lék hún á samtals
tveimur höggum yfir pari vallanna
tveggja sem keppt var á. Til að ná í
hóp 20 efstu og ná fullum keppn-
isrétti hefði hún þurft að leika á
samtals þremur höggum undir pari
og var því fimm höggum frá því.
Guðrún er í 162. sæti á styrkleika-
lista Evrópumótaraðarinnar. Á
heimslista kvenna er hún í 788. sæti
en var þar hæst í 615. sæti í árslok
2021.
Ljósmynd/LET Tristan Jones
Spánn Guðrún Brá Björgvinsdóttir endaði í 42.-46. sæti mótsins.
Óstöðvandi í þýsku
bikarkeppninni
Íslendingaliðin Magdeburg og
Gummersbach tryggðu sér í gær-
kvöld sæti í 8-liða úrslitum þýsku
bikarkeppninnar í handknattleik
karla ásamt Rhein-Neckar Löwen
með góðum sigrum í 16-liða úr-
slitunum.
Þýskalandsmeistarar Mag-
deburg unnu öruggan 43:31-sigur
á Bergischer þar sem Gísli Þor-
geir Kristjánsson átti magnaðan
leik fyrir Magdeburg.
Gísli Þorgeir skoraði sex mörk
og lagði upp níu mörk til viðbótar
fyrir liðsfélaga sína. Ómar Ingi
Magnússon lét sömuleiðis vel að
sér kveða sem endranær. Hann
skoraði einnig sex mörk og lagði
upp fjögur.
Arnór Þór Gunnarsson skoraði
loks þrjú mörk fyrir Bergischer.
Eyjamennirnir Elliði Snær
Viðarsson og Hákon Daði Styrm-
isson fóru fyrir lærisveinum
Guðjóns Vals Sigurðssonar í
Gummerscbach í 34:31-útisigri á
Hamm.
Elliði Snær skoraði sjö mörk
og lagði upp eitt til viðbótar
fyrir Gummersbach. Hákon Daði
skoraði sex mörk fyrir liðið. Voru
þeir tveir markahæstu leikmenn
Gummersbach.
Ýmir Örn Gíslason og liðsfé-
lagar hans í Rhein-Neckar Löwen
unnu þá öruggan 36:28-sigur á
ÍslendingaliðinuMelsungen.
Ýmir Örn komst ekki sjálfur á
blað hjá Löwen en lagði upp eitt
mark.
Elvar Örn Jónsson var marka-
hæstur í liði Melsungen með sex
mörk auk þess sem hann lagði
upp eitt mark. Var hann jafn-
markahæstur í leiknum. Arnar
Freyr Arnarsson bætti við tveim-
ur mörkum fyrir liðið.
Ljósmynd/Magdeburg
15 Gísli Þorgeir skoraði sex mörk
og lagði upp níu til viðbótar.
Nú þegar HM karla í fótbolta
er lokið verður manni hugsað til
álagsins sem knattspyrnumenn
standa frammi fyrir.
Á Englandi eru til að mynda
engin grið gefin þar sem deilda-
bikarinn hófst að nýju í vikunni,
aðeins tveimur dögum eftir að
HM lauk, og enska úrvalsdeildin
hefst á nýjan leik strax annan í
jólum.
Ef álagið er ekki nógu mikið
fyrir þá hefur hinn umdeildi
Gianni Infantino, forseti FIFA,
tilkynnt að áætlað sé að stækka
HM félagsliða.
Í núverandi mynd þeirrar keppni
etja sigurvegarar úr sex álfum og
eitt lið frá landi gestgjafa kappi.
Infantino vill hins vegar
stækka þetta mót til muna og
láta 32 lið keppa frá og með
árinu 2025, og láta það fara fram
á fjögurra ára fresti líkt og gert
er hjá landsliðunum.
Hann áætlar að FIFA muni
halda þessa keppni á sumrin.
Í yfirlýsingu samtaka atvinnu-
manna, FIFPRO, segir að mótið
muni hafa slæm áhrif á velferð
og atvinnutækifæri leikmanna.
Forsetinn virðist ekki hafa
rætt þessar áætlanir við kóng né
prest þar sem FIFPRO var ekki
haft með í ráðum og þá hafa
nokkrir forsvarsmenn félaga í
Evrópu látið það í ljós að ekki
hafi verið rætt við neitt þeirra.
Eftir stendur að FIFA hyggst
enn auka á álag knattspyrnu-
manna, að því er virðist einungis
í því skyni að græða enn meiri
pening, enda virðist sú þörf alltaf
ráða för hjá sambandinu.
Bæði FIFA og UEFA fordæmdu
harðlega áætlanir stórra
evrópskra félaga um ofurdeild.
Eru fyrirætlanir FIFA um stækk-
un HM félagsliða og UEFA um
stækkun á Meistaradeild Evrópu
eitthvað öðruvísi að því leyti?
BAKVÖRÐUR
Gunnar Egill
Daníelsson
gunnaregill@mbl.is