Morgunblaðið - 22.12.2022, Blaðsíða 12

MORGUNBLAÐIÐ FIMMTUDAGUR 22. DESEMBER 2022
Ómar Ingi
Magnússon
Nýr þáttur
kominn á mbl.is
Í öðrum þætti af Sonum Íslands
heimsækjum við handbolta- og
landsliðsmanninn Ómar Inga Magn-
ússon en hann hefur farið á kostum
með Magdeburg í þýsku 1. deildinni
frá því hann gekk til liðs við félagið
sumarið 2020 og var hann meðal
annars útnefndur besti leikmaður
deildarinnar á síðustu leiktíð þegar
Magdeburg varð Þýskalandsmeist-
ari.
Ómar Ingi, sem er 25 ára gamall,
gekk til liðs við Magdeburg frá Aal-
borg en hann skrifað undir fjögurra
ára samning í Þýskalandi til að byrja
með. Hann var hins vegar verðlaun-
aður fyrir góða frammistöðu með
liðinu með nýjum fimm ára samningi
síðasta sumar og er því samnings-
bundinn út keppnistímabilið 2025-26.
Ómar Ingi er uppalinn á Selfossi
en hann gekk til liðs við Val árið 2014
og lék með liðinu í tvö tímabil áður
en hann hélt til Danmerkur árið
2016 og samdi við Aarhus í úrvals-
deildinni þar í landi. Hann lék með
Aarhus í tvö tímabil áður en hann
gekk til liðs við Aalborg í Danmörku
þar sem hann lék frá 2018 til 2020.
Óvissa fyrir síðasta mót
Ómar Ingi varð markakóngur
þýsku 1. deildarinnar á sínu fyrsta
tímabili í Þýskalandi en hann hefur
tvívegis orðið heimsmeistari félags-
liða með Magdeburg og þá var hann
kjörinn íþróttamaður ársins 2021.
Alls á hann að baki 66 A-landsleiki
þar sem hann hefur skorað 216 mörk
en hann lék sinn fyrsta landsleik
gegn Tékklandi í undankeppni EM
í nóvember 2016. Heimsmeistara-
mótið í Svíþjóð og Póllandi verður
sjötta stórmót Ómars Inga.
„Þetta leit vel út á síðasta móti og
við spiluðum vel í riðlakeppninni,“
sagði Ómar Ingi í þættinum þegar
hann ræddi gengi landsliðsins á
Evrópumótinu í Ungverjalandi og
Slóvakíu í janúar á þessu ári þar sem
Ísland hafnaði í 6. sæti.
„Það var ákveðin óvissa, fyrir
Evrópumótið, um það hvar við stóð-
um sem lið. Ég held að þetta mót hafi
opnað augu margra í liðinu varðandi
það hvað við getum gert á næstu
árum,“ sagði Ómar en stórskyttan
fór á kostum á síðasta Evrópumóti,
skoraði 59 mörk í átta leikjum og
endaði sem markahæsti leikmaður
mótsins.
Lykilmenn íslenska liðsins leika
margir hverjir með mörgum af bestu
félagsliðum heims og því eru miklar
væntingar gerðar til liðsins fyrir
komandi heimsmeistaramót.
„Ég finn klárlega fyrir væntingun-
um sem eru gerðar til okkar núna.
Við viljum að það séu gerðar ákveðn-
ar væntingar til okkar og það er bara
eitthvað sem við þurfum að takast á
við. Það er svo undir okkur sjálfum
komið að standa undir þeim og skila
góðri frammistöðu,“ sagði Ómar Ingi
meðal annars.
lStórskyttan Ómar Ingi Magnússon er í lykilhlutverki hjá Þýskalandsmeisturum Magdeburg
lÓmar Ingi er uppalinn á Selfossi en hann er á leið á sitt sjötta stórmót með karlalandsliðinu
Okkar að skila góðri frammistöðu
Morgunblaðið/Hallur Már
Magdeburg Ómar Ingi Magnússon hefur komið sér vel fyrir í Þýskalandi þar sem hann er samningsbundinn Magdeburg út keppnistímabilið 2025-26.
Morgunblaðið/Hallur Már
Fjölskylda Harpa Sólveig Brynjarsdóttir, eiginkona
Ómars, með börnunum Ásthildi Ellý og Jakobi Arnari.
Morgunblaðið/Hallur Már
Heimavöllur Magdeburg leikur heimaleiki sína í Getec
Arena-höllinni sem tekur um 6.600 manns í sæti.
SYNIR ÍSLANDS
Bjarni Helgason
bjarnih@mbl.is