Úrval - 01.08.1946, Qupperneq 132

Fólksfjölgun í löndum Evrópu.
Árið 1944 gaf hagfræðideild Þjóðabandalagsins út vísinda-
rit um fólksfjölgunina í löndum Evrópu. Ritið ber nafnið
„The Future Population Of Europe And The Soviet Union“
og er samið af fimm amerískum sérfræðingum undir forustu
Frank W. Notestein prófessors við Princetonháskóla.
Einn kafli ritsins er áætlun um fólksfjölgun næsta aldar-
f jórðunginn. Er hún byggð á íbúatölu landanna árið 1940 og
þróuninni eins og hún hafði verið fram til þess árs. Ut frá
þeim forsendum er svo reiknað hver íbúa-tala landanna muni
verða árið 1970, og er þá ekki gert ráð fyrir neinum landa-
mærabreytingum, fólksflutningum eða mannfalli í styrjöld-
inni.
Þó að styrjöldin hafi raskað þessum útreikningum tals-
vert, er eigi að síður fróðlegt að kynnast þeim og verður hér
á eftir lauslega drepið á þá.
íbúatala Evrópu var á árunum 1650—1750 sem næst
fimmti hluti af íbúatölu allrar jarðarinnar. Upp frá því tekur
fólkinu í Evrópu að fjölga hlutfallslega meira og við upphaf
fyrri styrjaldar bjó um fjórði hluti alls mannkynsins 1 Ev-
rópu, og ef talið er með fólk af evrópskmn uppruna í öðrum
heimsálfum hækkar hlutfallstalan upp í þriðjung. Upp frá
því, eða raunar þegar árið 1911, verður stefnubreyting Ev-
rópuþjóðunum í óhag og hefir svo verið æ síðan.
Þróunin hefir auðvitað verið misjöfn í hinum ýmsu lönd-
um. Hér fer á eftir tafla yfir fólksfjölda í löndum Evrópu
árið 1940 og áætlun sérfræðinganna um það hver verða muni
íbúatala þeirra árið 1970:
1940 1970
(Talið í þúsundum)
Evrópa og Sovjetlýðveldin ......... 572 000 668 000
Evrópa að frátöldum Sovjetlýðveldunum 399 000 417 000
Stóra Bretland og írland ................ 50 200 46 800
Belgía ................................... 8 310 7 760
Holland .................................. 8 840 10 000
Frakkland............................. 41200 36 900
Sviss .................................... 4 220 3 920
Austurríki ............................... 6 660 6 280
Framhald á 3. kápusíðu.