Gátt - 2010, Qupperneq 56

56
F R Æ Ð S L U M I Ð S T Ö Ð A T V I N N U L Í F S I N S
g á T T – á R S R I T – 2 0 1 0
Þ I T T V A L – Þ Í N L E I Ð
N á M S - o g S T A R F S R á Ð g j Ö F F Y R I R S j ó M E N N
Ráðgjafarverkefnið ÞITT VAL – ÞÍN LEIÐ, náms­ og starfsráðgjöf á vinnustað hefur verið í
gangi frá árinu 2006. Náms­ og starfsráðgjafar á símenntunarmiðstöðvum um land allt hafa
farið á vinnustaði og boðið upp á ráðgjöf um nám og störf. Nokkuð vel hefur gengið að ná
til fólks en þó hefur einn hópur skorið sig úr hvað þetta varðar. Erfitt hefur reynst að ná til
sjómanna og má segja að sá hópur hafi nokkurn veginn verið utan þessa verkefnis. Ástæður
þessa má rekja að hluta til þess hve óaðgengilegur vinnustaður þeirra er. Ljóst var því að
beita þyrfti öðrum aðferðum til að ná til sjómanna.
SóLRúN bERgÞóRSdóTTIR
Sólrún Bergþórsdóttir
R á Ð g j A F A R -
K Y N N I N g U M
b o R Ð Í b á T I N N
Í upphafi árs 2009 hóf ég vinnu að
mynddiski þar sem náms- og starfsráðgjöf á vinnustað er
kynnt sjómönnum. Diskurinn fékk nafnið Þitt val – Þín leið,
náms- og starfsráðgjöf fyrir sjómenn og lauk vinnu við hann
í apríl 2010. Hugmyndin að baki þessu var sú að með því
að færa kynninguna á vinnustað sjómanna, þar sem þeir
gætu horft á hana í ró og næði, myndu líkur aukast á því
að þeir nýttu sér þessa þjónustu. Fræðslusjóður sjómanna,
Sjómennt, styrkti gerð þessa verkefnis ásamt Fræðslumið-
stöð atvinnulífsins, LÍÚ og Visku – Fræðslu- og símenntunar-
miðstöð Vestmannaeyja.
M A R K M I Ð V E R K E F N I S I N S
Tilgangur kynningarinnar er margþættur. Vakin er athygli
sjómanna á þeirri náms- og starfsráðgjöf sem þeim stendur
til boða án endurgjalds á öllum fræðslu- og símenntunar-
miðstöðvum landsins. Bæði er farið yfir hlutverk náms- og
starfsráðgjafa og þá þjónustu sem þeir veita. Einnig eru upp-
lýsingar veittar um staðsetningu símenntunarmiðstöðva um
landið þannig að sjómenn ættu að geta pantað ráðgjöf þar
sem þeir landa hverju sinni.
Í kynningunni eru sjómenn hvattir til þess að huga að
sínum starfsferli og skoða námsmöguleika því miklar breyt-
ingar hafa orðið í sjómennskunni í gegnum tíðina. Bátarnir
hafa sífellt orðið stærri og tæknivæddari og hefur það leitt
af sér að kröfur til sjómanna hvað varðar þekkingu og færni
hafa aukist stöðugt. Menn þurfa því í auknum mæli að huga
að því að viðhalda kunnáttu sinni og réttindum til þess að
halda stöðu sinni á sjó.
Á disknum er jafnframt vakin athygli á að möguleikar
til náms eru margvíslegir í dag. Í starfi mínu sem náms- og
starfsráðgjafi hjá Visku – Fræðslu- og símenntunarmiðstöð
Vestmannaeyja og Framhaldsskólanum í Vestmannaeyjum
hef ég orðið áþreifanlega vör við að sjómenn eru ekki mjög
meðvitaðir um þá námsmöguleika sem eru í boði í dag. Margir
virðast ekki gera sér grein fyrir að það sé mögulegt að stunda
nám með sjómannsstarfi og að í boði séu ýmiss konar náms-
styrkir. Vinnufyrirkomulag á meðal sjómanna á vissulega
sinn þátt í þessu. Algengt er í dag að túrar séu langir þar sem
einangrun getur orðið mikil því ekki er hægt að vera í net- og
símasambandi á öllum miðum. Löndunarstopp eru mjög stutt
og frí oft á nokkurra vikna eða mánaða fresti. Þetta leiðir af
sér að sjómenn hafa oft takmarkaða yfirsýn yfir það sem er í
gangi í landi. Í kynningunni eru viðtöl við sjómenn sem hafa
farið í nám samhliða störfum sínum. Þar segja þeir frá sínum
kringumstæðum, hvernig námið hafi gengið og stöðu sinni í
dag. Einnig er fræðslusjóður sjómanna, Sjómennt, kynntur.
Að auki er viðtal vð sjómann sem varð að hætta störfum
á sjó vegna veikinda. Starfsaðstæður sjómanna í dag eru
vissulega mun betri en áður fyrr. Samt sem áður er þetta
erfiðisvinna sem getur haft ákveðnar hættur í för með sér.
Þegar menn hafa neyðst til að fara í land vegna slysa eða
veikinda hafa margir lent í vanda í atvinnuleit sinni því að
færni þeirra og reynsla af sjónum er oftar en ekki vanmetin. Í
þessu viðtali segir sjómaðurinn frá erfiðleikum við atvinnuleit
í landi og þeim lausnum sem hann fann.