Gátt - 2010, Síða 66

66
F R Æ Ð S L U M I Ð S T Ö Ð A T V I N N U L Í F S I N S
g á T T – á R S R I T – 2 0 1 0
F Y R I R M Y N d I R Í N á M I F U L L o R Ð I N N A –
V E R Ð L A U N A H A F A R 2 0 0 9
Á ársfundi Fræðslumiðstöðvar atvinnulífsins árið 2009 hlutu þeir Sigtryggur Gíslason og
Vilhjálmur Örn Halldórsson viðurkenningu fyrir að hafa skarað fram úr í námi fullorðinna á
árinu 2009. Verðlaun þessi eru veitt einstaklingum sem hafa sýnt góðan námsárangur, frum­
kvæði og kjark auk þess að ná að yfirstíga ýmis konar hindranir í náminu eins og til dæmis
námsörðugleika. Þessir þættir eiga svo sannarlega við verðlaunahafana árið 2009 sem báðir
eru lesblindir.
bjÖRgVIN ÞóR bjÖRgVINSSoN
Björgvin Þór Björgvinsson
Skólaganga þeirra Sigtryggs Gísla-
sonar og Vilhjálms Arnar Halldórs-
sonar var þyrnum stráð þegar þeir
voru ungir drengir í grunnskóla fyrir
tæplega hálfri öld síðan. Glíman var
erfið, hvort sem andstæðingurinn
var lestrarbók, skólafélagar eða
kennarar. Meginorsök námserfiðleika þeirra í grunnskóla má
rekja til lestrarerfiðleika sem hafa fylgt þeim allt þeirra líf.
Það er umhugsunarefni af hverju ungum drengjum líður
verr en stúlkum í grunnskóla líkt og rannsóknir hafa sýnt. Í
dag eru margir ungir drengir í grunnskólunum okkar sem eru
í svipuðum sporum og Sigtryggur og Vilhjálmur voru fyrir 50
árum. Þeir eiga í erfiðleikum með bókleg fög en eru þeim
mun sterkari í verklegum greinum. Margir hafa haldið því
fram að of mikil áhersla sé lögð á bókleg fög í grunnskólum
á Íslandi sem henti drengjum síður en stúlkum. Það er stórt
stökk fyrir marga 6 ára drengi að koma úr leikskóla, þar sem
leikur, útivera, val og frelsi spila stórt hlutverk, inn í skóla-
stofuna þar sem þeir þurfa að sitja við skólaborðið nánast
allan daginn.
Þeir Sigtryggur og Vilhjálmur hættu báðir snemma í námi
og fóru út á vinnumarkaðinn. Þar unnu þeir margvísleg störf
í áratugi þar til leiðir þeirra lágu saman í raunfærnimati í
húsasmíði sem Símenntunarmiðstöð Eyjafjarðar (SÍMEY) hélt
í samstarfi við IÐUNA fræðslusetur haustið 2008.
Þeir félagar fengu báðir rúmlega 60 einingar metnar í
raunfærnimatinu sem var langt yfir meðaltali ársins, 38
einingum. Í kjölfarið fóru þeir á námskeiðin Aftur í nám og
Skref til sjálfshjálpar hjá SÍMEY þar sem einstaklingum með
Frá vinstri: Halldór Grönvold formaður stjórnar FA, Sigtryggur Gíslason og Vilhjálmur Örn Halldórsson, fyrirmyndir í námi fullorðinna, og Ingibjörg Elsa Guð-
mundsdóttir framkvæmdastjóri FA.