Gátt - 2010, Qupperneq 109

109
F R Æ Ð S L U M I Ð S T Ö Ð A T V I N N U L Í F S I N S
g á T T – á R S R I T – 2 0 1 0
Haldnir voru fjórir fræðslu- og samráðsfundir með náms-
og starfsráðgjöfum í samstarfsneti FA á sl. ári. Á þeim var
m.a. fjallað um samstarf við Vinnumálastofnun vegna
ráðgjafar fyrir atvinnuleitendur, samstarfssamning Vinnu-
málastofnunar, Fræðslumiðstöðvar atvinnulífsins og Kvasis
vegna ráðgjafarþjónustu, Menntatorg, upplýsingaveitu fyrir
atvinnuleitendur. Þá var farið yfir reynsluna af samstarfinu
við Vinnumálastofnun og þá umgjörð sem því fylgir. Síðasti
fundurinn hófst á hópeflisverkefni og myndband um ráðgjöf
fyrir sjómenn var kynnt og að lokum var farið yfir skráningu
upplýsinga úr ráðgjöfinni.
Samstarf við Vinnumálastofnun
Vegna aukins atvinnuleysis í samfélaginu og þörf á auknu
samstarfi í þágu atvinnuleitenda hófst þróun samstarfs FA
og Vinnumálastofnunar (VMST) haustið 2009. Samstarfið
fór formlega í gang í nóvember 2009. Það gengur út á að
ráðgjafar á vegum samstarfsaðila FA leggi VMST lið í því að
þjónusta atvinnuleitendur og leiðbeina þeim við færniþróun.
VMST beinir mánaðarlega ákveðnum hópi í ráðgjöf til sam-
starfsaðila FA á hverju svæði fyrir sig, skilgreindum eftir
lengd atvinnuleysis og menntun. Ráðgjafarnir starfa í umboði
VMST í því skyni að beina einstaklingum í skylduvirkni. Þetta
verkefni er unnið samhliða áframhaldandi heimsóknum á
vinnustaði og í stofnanir með viðtölum í kjölfarið á kynn-
ingarfundum eftir hefðbundinni nálgun ráðgjafanets FA.
Reynslugreiningar hafa verið gerðar á samstarfinu á
fræðslufundum og niðurstöður nýttar til úrbóta í samvinnu
við VMST.
Þróunarstarf
Áherslur í þróunarstarfinu á árinu tengdust að miklu leyti sam-
starfinu við Vinnumálastofnun og upplýsingum um vinnulag í
því samhengi. Unnið er að skimunarlistum til notkunar í við-
tölum með atvinnuleitendum í samstarfi við VIRK starfsend-
urhæfingarsjóð. Einnig er FA í samstarfi við Sérfræðisetur um
ævilanga náms- og starfsráðgjöf (SAENS) varðandi rannsókn
um áhrif ráðgjafar og rödd notenda í ráðgjöf. Rannsóknin er
styrkt af Norrænu tengslaneti í fullorðinsfræðslu og unnin af
sérfræðingahópi frá öllum Norðurlöndunum. FA hefur komið
að gerð spurningalista og haft umsjón með söfnun netfanga
notenda þjónustunnar sem býðst að taka þátt í rannsókninni.
Þá hefur FA einnig haldið utan um umræðu um þróun gagna-
grunns með upplýsingum um nám og störf í samstarfi við
SAENS og HÍ.
FA á fulltrúa í tengslaneti NVL um ráðgjöf fyrir full-
orðna.
2.4 Kennslufræðinámskeið og ráðgjöf
Í þjónustusamningi er kveðið á um að þróa skuli aðferðir í
fullorðinsfræðslu og starfsmenntun með sérstakri áherslu
á markhópinn og miðla sérfræðiþekkingu með ráðgjöf og
kennslu. Þessu er sinnt með þróunarstarfi í samstarfi við
ýmsa aðila, námskeiðahaldi fyrir samstarfsaðila, fræðslu-
fundum, ráðgjöf og kynningu á vef og í Gátt.
Stiklur eru kennslufræðinámskeið sem hafa verið í boði
frá upphafi starfsemi FA. Þau eru blanda af fræðilegum
þáttum og hagnýtum æfingum og tengingum þar sem komið
er til móts við fjölbreyttan hóp kennara og leiðbeinenda
með mjög mismunandi bakgrunn. Á tímabilinu voru haldin
11 kennslufræðinámskeið og fræðslufundir fyrir 269 þátt-
takendur, samtals 1.184 nemendastundir.
Áfram var unnið að því að þróa aðferðir, tæki og gögn
um kennslufræði full orðinna með þarfir markhóps FA að leið-
arljósi. Nokkur ný námskeið og/eða námsefni fyrir þau var
þróað í samræmi við óskir og ábendingar samstarfsaðilanna.
Efni þeirra er um „erfiða nemendur“, fjölbreytilegt námsmat
í fullorðinsfræðslu, lykilhæfniþætti og viðmiðaramma Evr-
ópusambandsins (Key competences og EQF), samskiptavefi
og aðra tækni sem nýtist okkar markhópi í námi. Nú þegar
er búið að fella efni um þessa þætti inn í þau námskeið og
fræðslufundi sem samstarfsaðilum FA standa til boða. Í þróun
er efni um grunnleikni (basic skills) með áherslu á leiðir til að
aðstoða fólk í læsisvanda í námi sínu.
Nú eru í boði 13 námskeið sem eru 7 kennslustundir hvert
en má raða saman með mismunandi hætti eftir óskum sam-
starfsaðila. Nánari upplýsingar um námskeiðin er að finna á
vef FA, www.frae.is, undir flipanum kennslufræði.