Læknaneminn - 01.12.1974, Side 12
Francisco Goya: Skclfingar stríSs. „Þeir koma ekki nóga snemma“, (1810).
aði samt aldrei eftir að vera send heim og sætti sig
að vissu marki við strangt mataræði, sem var henni
nauðsynlegt.
Þeir sem hafa notað neitunina sem sálræna varn-
araðferð fyrr á ævinni, gríjia líka til hennar í dauða-
stríðinu.
Retði' <•«>« timtnjustigið
Fáum eða engum dauðvona sjúklingum er gefið
að geta alveg fram að dauðastundinni lifað í draum-
heimi, þar sem þeir eru heilbrigðir og líður vel.
Þegar neitunin bregst kemur oft reiðitilfinning,
gremja og öfund í staðinn. Menn hugsa sem svo:
Hvers vegna þarf þetta endilega að koma fyrir mig?
Þetta reiðitímabil reynir oft mikið á starfsfólk og
ættingja. Reiðin beinist í allar mögulegar átti og af
handahófi að því er virðist. Læknarnir eru einskis
nýtir, hafa ekkert vit á hvaða rannsóknir þarf að
gera, hvaða matur hentar, eða hvaða lyf eiga við.
Þeir halda sjúklingunum endalaust á sjntulunum að
óþörfu. Þeir leyfa að alls konar veikt fólk sé sett inn
á stofuna og haldi fyrir manni vöku. Þessir sjúkling-
ar eru samt ennþá reiðari við hjúkrunarfólkið. Það
er alveg sama hvernig er komið við þá, allt er klaufa-
lega gert og sárt. Þeir eru síhringjandi. Ef reynt er
að lagfæra sængurfötin eða hrista koddann, segjast
þeir aldrei fá að vera í friði, en rétt á eftir hringja
þeir og biðja um að rúmfötin séu lagfærð.
Ef ættingjarnir koma í heimsókn, þá er þeim
hryssingslega tekið, þeir verða þá miður sín, fá tár-
in í augun og fyllast sektarkennd, og það dregst að
þeir komi aftur. En þetta gerir sjúklinginn ennþá
reiðari og óánægðari.
Starfsfólkið á oft erfitt með að þola þessa sjúk-
linga. Við ættum samt að reyna að setja okkur í spor
þeirra og skilja hvers vegna þeir hegða sér svona.
Yrðum við ekki líka reið og beisk, ef allt sem við
værum að byggja upp hryndi í einu vetfangi? Stund-
um er um að ræða fólk, sem hefur neitað sér um flest
og sparað peninga til ellinnar og ætlar sér að eiga
nokkur róleg ár eftir erfiði lífsbaráttunnar, langar
e. t. v. að ferðast um og skoða heiminn. Allir þessir
draumar hrynja á svijrstundu.
10
LÆKNANEMINN