Læknaneminn - 01.03.1980, Qupperneq 32

Sjúkratilfelli
Ásbjörn Sigfússon læknir
Hér verður greint frá veikindum 56 ára gamallar
húsmcður, sem lagðist í skyndi inn á lyfjadeild
Landsspítalans í júní 1977 vegna hjartsláttar og
andþyngsla.
Heilsufarssciga
Hraust lengst af ævi sinnar nema hvað hún fékk
lungnaberkla á 19. aldursári og upp úr því berkla í
hrygg og lá þá í liðlega ár í gifsbol á Landakots-
spítala. Siðan árvisst í eftirliti á berklavarnardeild
Heilsuverndarstöð Reykjavíkur. Ekki saga um önn-
ur veikindi né sjúkrahúslegur. Engin saga um ein-
kenni frá miðtaugakerfi, öndunarfærum, blóðveitu,
kvið né þvagfærum. Ekki tekið nein lyf að staðaldri.
Idófsöm á áfengi en reykt sígarettur í 35 ár, lengst af
liðlega pakka á dag.
S júkrasaga
Tæpum 2 vikum fyrir innlögn fór konan að kenna
höfuðónota, finna kipring í andlitsvöðvum og dofa
kringum munn, auk þess sem á hana sótti kvíði og
svefntruflanir. Stundum einnig þungur hjartsláttur
og andþyngsli. Aðfaranótt innlagnardags svaf hún
illa vegna hjartsláttar, andþyngsla, „náði ekki
djúpa andanum“ og var auk þess með titring í hönd-
um. Var vegna þessa lögð inn í skyndi næsta dag
grunuð um angina.
Skoðun
Skoðun við komu leiddi í ljós heldur hressilega
56 ára gamla konu í meðalholdum. Hún var hvorki
móð né cyanotisk og hitalaus. Það var ekki að finna
neinar eitlastækkanir og enginn bjúgur. Lungna-
skoðun sýndi eðlilega loftdreifingu í bæði lungu en
það heyrðust óveruleg slímhljóð og þrengslahljóð
(ronchi) yfir neðanverðum bakflötum lungna. Blóð-
þrýstingur var 185/95, púls reglulegur um 90 á
Mynd 1.
mínútu og hjartahlustun eðlileg. Skoðun á kvið og
taugakerfi eðlileg.
Rannsóknir
Rannsóknir komudaginn sýndu haemoglobin 14,3
gr%, haematokrit 41,6 vol.%, rauð blóðkorn
4.700.000, hvít blóðkorn 8.500 og deilitalning sýndi
1% eo., 7% stafi, 70% segment, 21% lymphocyta
og 1% monocyta. Þvagskoðun sýndi hvorki sykur
né eggjahvitu, pH þvags 5,5 og eðlisþyngd 1.016.
Smásjárskoðun á þvagi var eðlileg. Blóðurea var 16
mg%, se. kreatinin 0,85%, se. Natrium 116 mEq/1,
se. Kalium 4,3 mEq/1, se. Klorid 83 mEq/1. Se. GOT
20 i.u., se. CPK 8 i.u., se. bilirubin 0,75 mg% og
alk. fosfatasi 52 i.u. Hjartalínurit sýndi sinustakt um
90 á mínútu, ORS-öxull -j—90 og ekki merki um nein-
ar sjúklegar breytingar í riti. Röntgenmynd af lung-
um - sjá mynd 1.
Framh. á hls. 32.
30
LÆKNANEMINN