Læknaneminn - 01.03.1980, Page 61

enda fyrr en á síðustu stundu og hafa mýmörg dæmi
verið um slíkt. Skrifstofa deildarinnar hefur fengið
ákaflega slæmt orð á sig fyrir óliðlegheit í garð
nemenda, sem snúa sér til hennar og geta nemendur
því eins snúið sér til félagsins til að fá vitneskju um
rétt sinn.
Að lokum vil ég þakka því fólki, sem með mér sat
í kennslumálanefndinni fyrir ánægjulegt samstarf.
Hannes Stephensen.
Shýrslu frœðslunefndar
Á starfsárinu voru haldnir fjórir fræðslufundir.
Fyrsti fundurinn var með Sigurði Björnssyni onco-
log, sem fjallaði um ný viðhorf í meðferð krabba-
meins. Var fundurinn frábærlega vel sóttur. Annar
fundurinn fjallaði um s.k. CAT-scanner, sem mikið
hefur verið rætt um undanfarið. Til uppfræðslu um
scannerinn mættu þeir Jón L. Sigurðsson og Guð-
mundur S. Jónsson. t janúar var haldinn fræðslu-
fundur með Sigurði E. Þorvaldssyni, þar sem hann
sýndi með myndum og skýrði út ýmsar aðferðir við
kosmetiska- og plastikkirurgiu. Síðasti fundurinn
sem fráfarandi fræðslunefnd hélt var með Þórði
Harðarsyni lækni á Bsp. og fjallaði hann um s.k.
noninvasivar hjartarannsóknir. Á fundina mættu á
bilinu 15 til 40 manns og telst nokkuð gott. Er von-
andi að talan 40 verði ekki óalgeng á fræðslufund-
um í framtiðinni.
Jónas Ingimarsson.
Frá fulltrúuráði
Starfsárið hófst í apríl 1979, með páskaballi. Það
varhaldið í Átthagasal Hótel Sögu. Undirtektir voru
frekar dræmar, einkum af eldri árgöngum.
Kynningardansleikur í framhaldi af kynningar-
fundi 1. árs nema, var haldinn í október. Tókst
hann mjög vel. Skemmtunin fór fram í Fáksheimil-
inu og sáum við þar sjálf um vínsöluna. Það er
reynsla okkar að slíkt borgar sig alls ekki, því mikil
vinna er fólgin í þessu og þó verð sé aðeins lægra
en gerist á almennum dansstöðum, þá er úrval vín-
tegunda í lágmarki.
Fyrstu helgina í desember fóru 6 læknanemar í vís-
Aj jræSslajundi.
indaleiðangur til Vestmannaeyja. Þessi frábæra þátt-
taka á sér enga einhlíta skýringu, aðra en almennt
áhugaleysi. Taka þarf til endurskoðunar hvort grund-
völlur sé fyrir fleiri vísindaleiðöngrum í þessu formi.
Sjúkrahús Vestmannaeyja tók á móti hinum áhuga-
sömu nemendum af nokkru fálæti, en annars var
aðbúnaður í lagi. 19. des. sl. var haldinn jóladans-
leikur í Átthagasal Hótel Sögu. Tókst hann ágætlega
og var þátttaka góð.
21. febr. 1980, var árshátíð læknanema haldin.
Að venju fór hún fram í Þórskaffi. Þátttaka var
mjög góð, og þótti hátíðin takast vel. Maturinn frá
Þórskaffi var óvenjugóður. Heiðursgestir voru þeir
Tryggvi Ásmundsson og Hrafnkell Helgason. Aklrei
þessu vant voru engir aðkeyptir skemmtikraftar, en
þess í stað skemmtu nemendur sjálfir. Gæðin voru
misjöfn, en verða vonandi betri næst og þá með þátt-
töku allra árganga. t þessu felst mikill sparnaður og
var maturinn seldur á kostnaðarverði, en hinir
síðbúnu gestir sáu um að greiða niður önnur út-
gjöld.
Ársskijrslu hópslysanefndar
Sem endranær hefur starf hópslysanefndar verið
hlómlegt, þrátt fyrir að með nokkuð sérstæðum
hætti hafi verið, og þykir ekki ástæða til að tíunda
það hér.
Að vanda hefur fjárskortur háð starfseminni veru-
lega og ekki hefur verðbólgan látið sitt eftir liggja
til að rýra enn frekar þessa fáu aura nefndarinnar.
LÆKNANEMINN
55