Læknaneminn - 01.04.1995, Page 31

tengslum við claususprófin er að í eðlisfræðiprófinu
þurfti að byrja á því að leiðrétta 18 krossaspurningar
og tók það hálftíma framan af prófinu.
Vitað er að prófdómari í frumulíffræði (eina
skriflega prófið) skilaði af sér einkunnum fyrir
áramót og því er furðulegt að einkunnabirting skuli
dragast eins mikið og raun ber vitni.
Rétt þykir að kennarar mæti ekki á staðinn og séu
að tala við einstaka nemendur, þar sem þetta leiðir til
þess að nemendur fá mismunandi upplýsingar um
prófin. Einnig fannst hópnum að hafa ætti eitt svara-
blað í hverju prófi og gildi einungis svörin á því
blaði til þess að koma í veg fyrir vafaatriði. Athuga
þarf fjölda aukastafa í einkunnagjöf því það er
tölfræðilega rangt að gefa einstakar einkunnir með
nákvæmni upp á 0,5 en reikna meðaleinkunn úr
fögunum með tveimur aukastöfum. Þetta bíðurheim
þeirri hættu að nemendur séu lækkaðir niður fyrir
inntökulágmarkseinkunn þó þeir hafi í raun haft
hærri einkunn.
LÍFFÆRAFRÆÐI
Mikil óánægja var með kennsluna í líffærafræði.
Efnið þótti laust f reipunum og henta illa til kennslu í
jafn stórum hóp og þarna er. Var meðal annars nefnt
að útskýringarmyndir á töflu sæust ekki nema fremst
í svona stórum sal. Kennsluheftið sem gefið var út í
ár þótti ekki í samræmi við kennsluna og kom ekki
út fyrr en rétt fyrir prófin, þannig að ekki gafst
nægjanlegur tími til að lesa það. Kom fram sú
hugmynd að fella mætti niður fyrirlestra í líffæra-
fræði.
VEFJAFRÆÐI
Almenn ánægja var með að þetta námsefni væri
fært yfir á haustönn og gafst það vel. Námsmarkmið
voru skýr, kennsla góð og bók frambærileg. Einnig
getur þetta námsefni nýst þeim sem ekki standast
samkeppnispróf.
ÓLÍFRÆN EFNAFRÆÐI
Almenn samstaða var um að kennslugreinin væri
of viðamikil og með of mikið vægi í clausus. Komu
fram tvær tillögur í sambandi við breytingar þess
efnis:
KENN SLUMÁL ARÁÐ STEFN A
1) Sleppa fyrri helmingnum af námsefninu þar
sem grunnatriði ólífrænnar efnafræði eru kennd í
menntaskóla. I staðinn væri hægt að byrja að kenna
grunnatriði lífrænnar efnafræði, sem nú er kennt á
vorönn.
2) Róttækari tillagan gekk út á að gera kröfu um
þekkingu í ólífrænni efnafræði þegar nám er hafið.
Er fyrirmyndin fengin frá raungreinabrautum
Háskólans, þar sem gerð er krafa um ákveðna
kunnáttu til að geta innritast. Mætti hugsa sér að gera
kröfu um ákveðna áfanga í menntaskóla eða að
haldið væri inntökupróf. Inntökuprófið væri þá hægt
að halda í lok ágúst, en einkunnin úr því myndi ekki
reiknast með í meðaltali samkeppnisprófa.
Að öðru leyti var almenn ánægja með kennlsuna,
yfirferðina og markmið námskeiðs. Þó var óánægja
með nýja kennslubók sem tekin var í notkun í haust.
Er hún með talsvert af villum, bæði í texta og
dæmum.
FRUMULÍFFRÆÐI
I staðinn fyrir það námsefni sem búið er að leggja
til að fellt verði út mætti flytja námsefni vorannar í
frumulíffræði yfir á haustönn og hafa alla
frumulíffræðina í námsefni claususprófa. Með þeim
flutningi fengist heilsteyptara námsefni fyrir clausus-
próf.
VORÖNN 1. ÁRS.
EÐLISFRÆÐI
Óljós námsmarkmið. Þrír kennarar sjá um
kennslu og er mikið ósamræmi f þeim upplýsingum
sem þeir gefa upp um skipulag áfangans. Er þetta
mjög til baga fyrir nemendur.
LÍFFÆRAFRÆÐI
Lagt var til að notkun mynda til útskýringa væri
aukin í fyrirlestrum, þar sem þetta hjálpaði nem-
endum að skilja afstöðu líffærahluta.
FRÆÐILEG AÐFERÐ
Ánægja var með fyrirlestrana og umræðuna um
tímaritsgreinar. Tölfræðin þótti þó ekki komast til
LÆKNANEMINN 1. tbl. 1995 48. árg.
29