Læknaneminn - 01.04.1995, Síða 76

hverri af eftirtöldum borgum; Rotterdam, Utrecht,
Groningen, Nijmegen, Leiden og Maastricht). Með
fylgdu nöfn yfirlækna deildanna en á þá voru
umsóknarbréfin stfluð.
Að hætti ÁH sendi ég umsóknarbréf á alla
spítalana átta. Eg skrifaði á Ensku þar sem ég kunni
enga Hollensku. Eg tók auðvitað frarn einlægan
áhuga á barnalækningum, viðamikla klíníska
reynslu og fegraði mig á allan hátt uns ég glóði.
Lífsverkaskrá (Curriculum vitae) fór með, fyrst
yfirlitsblað og síðan knappur texti um allt það sem
yfirlitsblaðið tíundaði. Opinbert afrit af lækningleyfi
fylgdi, sömuleiðis staðfest afrit af prófskírteini frá
HI og einkunnablað. Auk þessa fór starfsvottorð frá
þeim spítaladeildum sem ég hafði unnið á. Þeir
yfirlæknar sem ég hafði unnið mest hjá voru fengnir
til að skrifa meðmælabréf til sömu spítala.
Nokkrum vikum eftir að umsóknarbréfin fóru af
stað, sendi ég svo tillkynningu um komu rnína til
Hollands, enn nokkrum vikum síðar. Ég þakkaði
þeim sem þá þegar höfðu svarað fyrir jákvæð
viðbrögð (jafnvel örgustu úrtölumönnum). I vikunni
áður en ég fór svo út hringdi ég og bað um að
tilgreindur yrði sá tími sem ég mætti koma og skoða
spítalann. Hvar sem ég mætti mótstöðu klagaði ég í
Ásgeir og hann braut hana á bak aftur. Þannig tókst
mér að komast á 6 af 8 háskóla-barnaspítala landsins
á þeirri viku sem ég hafði til umráða. Þessi ferð var
farin í desember en víðast hvar fara viðtöl við
umsækjendur um námsstöður fram í janúar ár hvert.
Enda þótt ég hafi formsins vegna ekki getað farið
fram á viðtöl, björguðu meðmælabréfin og frábær
stuðningur nýja prófessorsins því að ég komst í 11
hörkuviðtöl á 5 dögum.
Viðtölin voru ýmist afar formleg eða alsendis
óformleg og stóðu frá 15 mínútum og uppí klukku-
stund. Þau voru ekki fræðilegs eðlis, nema þá
óbeint, þ.e.a.s. þegar fræðin slæddust óvart inní
umræðu um lífsverkaskrána. í viðtölunum var farið
yfir efni umsóknarbréfsins og ég beðinn að útskýra
það sem kom ekki nægilega skýrt í bréfinu. Öllum
viðmælendunum lék forvitni á að vita af hverju ég
sækti um í Hollandi og af hverju þeirra spítali varð
fyrir valinu. Þeir virtust vilja vita hversu einarður ég
væri í því að vilja læra barnalæknisfræði í Hollandi.
Þá spurðu flestir urn ástæður þess að ég veldi
barnalæknisfræði sem sérgrein og hvort ég gæti
tiltekið áhugassvið innan barnalæknisfræðinnar.
Einnig var ég þráspurður um það hvort ég færi ekki
örugglega heim til Islands að námi loknu. Þeir sem
sýndu mér mestan áhuga forvitnuðust um fjöl-
skylduhagi mína, áhugamál og spurðu jafnvel
hvenær ég gæti byrjað að vinna yrði mér boðin
námsstaða. Þegar viðmælendurnir hættu að spyrja,
gafst mér færi á að forvitnast um spítalann og
hvernig kennsludagskrá hans væri uppbyggð. Heim-
sókninni á hvern spítala lauk svo með því að mér var
sýnd barnadeildin.
Konan mín kom með mér í pflagrímsferðina til
Hollands og var það alveg ómetanlegt því auk þess
sem aðstoð hennar var mikilvæg þá fékk hún tæki-
færi til þess að kynnast landi og þjóð. Til allrar
hamingju leist henni vel á allar aðstæður. Það er óðs
manns æði að velja útland undir framhaldsnám sem
makinn fellir sig ekki við.- Út úr Hollands-reisunni
komu tvö alvöru tilboð og ég er á förum til
Rotterdam innan skamms.
NIÐURLAG
Þetta greinarkorn er aðeins aðdragandi að
ítarlegri umfjöllun um framhaldsnám í læknisfræði í
Hollandi. Ég þakka Vilhelntínu Haraldsdóttur lækni
kærlega fyrir yfirlestur greinarinnar og margar góðar
ábendingar.
HEIMILDIR
Bandaríkin (B)
1. FÍLÍNA. Ameríkufréttir. Fréttabréf lækna. 1994; 1: 24-
5.
2. Björnsdóttir, US. Leit að námsstöðu vestanhafs.
Fréttabréf lækna 1993; 1: 19-20.
3. Magnússon, MK. Á leið til Vesturheims - Undir-
búningur að framhaldsnámi í Bandaríkjunum. Frétta-
bréf lækna 1994; 4: 12-15.
4. Skúlason, Þorsteinn. Fréttir frá FILINA. Læknablaðið
1995; 81: 199.
Bretland (Br)
1. Steinsson, S. Um nám í heimilislækningum. Lækna-
blaðið/Fréttabréf lækna. 1993; 4: 14.
2. Sigurðsson, E. Framhaldsnám á Bretlandi - vænlegri
kostur nú en nokkru sinni fyrr... Fréttabréf lækna 1994;
3: 12-4.
Holland (H)
1. Netherlands. Kingdom of the Netherlands. í World
Almac 1994. Scripps-Howard. St. Lois 1993: 793-4.
70
LÆKNANEMINN 1. tbl. 1995 48. árg.