Bændablaðið - 02.11.2023, Blaðsíða 12

12 Bændablaðið | Fimmtudagur 2. nóvember 2023
FRÉTTIR
Opnað fyrir skil
á haustskýrslum
Stjórnarráð Íslands
Matvælaráðuneytið
Í samræmi við 10. gr. laga um búárhald nr.
38/2013, er öllum umráðamönnum búár skylt
að skila árlega rafrænni haustskýrslu í Bústofn,
eigi síðar en 20. nóvember.
Í haustskýrslunni skal koma fram öldi ásetts
búár af hverri tegund, allt búfé í hagagöngu og
á hvaða jörð eða landspildu. Einnig skal koma
fram gróóðursuppskera af hefðbundnum nytja-
túnum og leigutúnum ásamt fyrningum og upp-
lýsingum um aðra fóðuröflun og landstærðir.
Skila þarf haustskýrslu í Bústofn eigi síðar
en 20. nóvember 2023.
Matvælaráðuneytið hefur opnað fyrir
skráningar á haustskýrslum fyrir árið
2023 í Bústofni. Skelfilegt ástand á Kirkjuhvoli
Nýlega var lögð fram skýrsla frá Eflu verkfræðistofu
til sveitarstjórnar Skaftárhrepps vegna rakaskimunar
og sýnatöku í félagsheimilinu Kirkjuhvoli á
Kirkjubæjarklaustri.
Skýrslan sýnir að ástand hússins sé skelfilegt í alla
staði því það var til dæmis mygla í öllum byggingarsýnum
sem tekin voru í húsinu. Þá kom í ljós mikið af
rakaskemmdum og rakaummerkjum í húsnæðinu.
Einar Kristján Jónsson sveitar stjóri hefur lagt fram
drög að kostnaðaráætlun til sveitarstjórnar vegna
viðgerða á húsinu og hljóðar hún upp á 250 milljónir
króna til að gera húsið hættulaust fyrir starfsemi.
„Húsið hefur ekki verið dæmt ónýtt, en það er verulega
illa farið vegna leka og lítils viðhalds. Það hefur engin
ákvörðun verið tekin hvað verður gert í stöðunni en ef
niðurstaðan verður sú að gera húsið ekki upp þá verður
það rifið og lóðin notuð undir sívaxandi eftirspurn um
lóðir fyrir verslun og þjónustu á Kirkjubæjarklaustri,“
segir Kristján.
Félagsheimilið Kirkjuhvoll er í eigu Skaftárhrepps.
Gestastofa hefur verið rekin í húsinu en nú þegar
þjóðgarður Vatnajökulsþjóðgarðs er að flytja í nýja
gestastofu á staðnum þá verður engin starfsemi í húsinu.

/mhh
Félagsheimilið Kirkjuhvoll á Kirkjubæjarklaustri liggur
undir skemmdum. Mynd / Aðsend
Bláskógabyggð:
Konur eru með 1,1%
hærri laun en karlar
Nýlega var gerð viðhalds-
úttekt hjá Bláskógabyggð
á launum starfsmanna.
Viðhaldsúttekt er það
þegar sveitarfélög, sem
hafa fengið jafnlauna­
vottun, fara í gegnum
úttekt árlega til að
viðhalda vottuninni. Í
úttektinni kom fram að
munur á launum kynjanna
er þannig að konur eru
með 1,1% frávik frá meðaltalinu, það
er að segja 1,1% hærri laun en karlar.
„Þetta þarf auðvitað að skoða í því
ljósi að konur eru meirihluti
starfsmanna, en það er samt
sem áður verið að bera saman
sömu og jafnverðmæt störf.
Fylgnin 96,5% er eiginlega
mælikvarði á hversu marktæk
úttektin er, þetta er mjög hátt
á þeim skala, þannig að þetta
er vel marktæk niðurstaða,“
segir Ásta Stefánsdóttir
sveitarstjóri. Starfsmannafjöldi
greiningarinnar var alls 109,
24 karlar og 85 konur. Greiningin var
gerð út frá launum maímánaðar.
/mhh
Félagsbúið Teigur 1 í
Fljótshlíð var útnefnt
ræktarbú ársins 2022 í
Rangárvallasýslu á Degi
sauðkindarinnar, sem fór
nýlega fram á Hvolsvelli.
Sauðfjárræktarbúið er
í eigu hjónanna Guðna
Jenssonar og Örnu Daggar
Arnþórsdóttur, ásamt
Tómasi Jenssyni. Við val
á ræktunarbúi er stuðst
við reglur RML, sem
samþykktar hafa verið af
fagráði í sauðfjárrækt.
„Í Teigi 1 hefur verið
stunduð metnaðarfull
sauðfjárrækt til fjölda ára
sem m.a. endurspeglast í háu
kynbótamati ærstofnsins.
Ærnar eru frjósamar og
mjólkurlagnar og lömbin
væn og vel gerð. Meðal
heildareinkunn kynbótamats
ánna er 105,2 stig. Þá hefur
búið lagt nokkuð til hins sameiginlega
ræktunarstarfs í landinu en þaðan
hafa komið hrútar sem þjónað hafa
á sauðfjársæðingastöðvunum. Teigur
1 var einnig valið ræktunarbú ársins
árið 2016,“ segir m.a. í umsögn
RML.
Þá kemur fram í umsögninni að
á árinu 2022 voru meðalafurðir eftir
hverja á á búinu 37,4 kg, frjósemin
var 2,17 lömb eftir fullorðna á og
2,01 lömb til nytja. Veturgömlu
ærnar stóðu sig einnig afbragðs
vel, en þær skiluðu að jafnaði
21,9 kg og 1,16 lömbum til nytja.
Meðalfallþungi dilka var 18,0 kg,
einkunn fyrir gerð 10,1 og fyrir fitu
6,5. Hlutfall gerðar og fitu var 1,55.
/mhh
Sjá nánar um Dag
sauðkindarinnar á bls. 68.
Dagur sauðkindarinnar:
Teigur 1 verðlaunað
Bræðurnir á Teigi 1, þeir Jens Heiðar Guðnason,
9 ára og Ýmir Atli, 5 ára tóku við bikurunum á
Degi sauðkindarinnar 14. október síðastliðinn.
Mynd / mhh
Ásta Stefánsdóttir.
Akureyri:
Stækka B. Jensen
á alla enda og kanta
– Stefna á að auka vinnslugetuna um 50% á næsta ári
B. Jensen ehf., að Lóni á Akureyri,
hefur eflst og dafnað allt frá stofnun
árið 1968. Nú stendur til að stækka.
Markaðssvæði B. Jensen er
allt landið, að sögn Eriks Jensen
framkvæmdastjóra. „Við sendum
um land allt og seljum bæði til
einstaklinga og fyrirtækja, s.s.
veitingahúsa,“ segir hann.
Nú vinna 18 manns hjá fyrirtækinu
sem samanstendur af sláturhúsi,
kjötvinnslu og verslun. Erik stendur
iðulega vaktina í versluninni, sem er
vinsæl meðal heima­ og ferðafólks.
„Ég er allt í öllu, ef þarf að gera við,
mála, ræða við bændur, panta inn eða
selja, ég geri bara það sem gera þarf,“
segir Erik hlæjandi.
Stækka um 1.000 fermetra
Sláturhús B. Jensen var stækkað
til að koma fyrir nýrri vinnslulínu
árið 2007 og jókst þá vinnslugetan
um 50%, starfsmannaaðstaða o.fl.
stækkaði 2010 og nú stendur enn til
að sækja í sig veðrið. Grunnur er
kominn að 1.000 m2 viðbyggingu sem
verður að hluta til á tveimur hæðum.
Á efri hæð verða skrifstofur, stærri
kaffistofa og betri búningsaðstaða
og á jarðhæðinni aðstaða fyrir
kjötvinnslu. Búðin verður sömuleiðis
stækkuð.
„Við ætlum helst að auka
vinnslugetuna með nýbyggingunni
um 50% aftur,“ segir Erik. „Ég vil
helst fara í 150­200 tonn á mánuði
í framleiðslunni. Við erum í 60­80
tonnum núna, það er misjafnt milli
mánaða.“ Þau stefna á að byggingin
verði tilbúin í maí næsta vor þannig að
hægt sé að taka hana í notkun. Ráða
þarf inn eitthvað af viðbótarfólki og
reiknað með að starfsmenn verði þá
um 25 talsins í heildina.
Eina húsið með sláturhús,
kjötvinnslu og búð
Áhættuvefir úr slátruninni, svo sem
heilar, fara til brennslu suður í Kolku.
Þó að það sé kostnaðarsamt segir
Erik það samt ódýrara en að brenna
þetta sjálfur. Ekki standi til að breyta
því nema brennslustöð verði sett á
laggirnar á Akureyri.
Þótt nautakjötið sé hvað veigamest
hjá B. Jensen er fyrirtækið einnig með
svína­ og hrossakjöt á boðstólum, að
sögn Eriks, og svínakjötið slagar hátt
upp í nautakjötssöluna. „Þetta er eina
húsið á Íslandi sem rekur sláturhús,
Feðgarnir Erik Jensen framkvæmdastjóri og Fannberg Jensen gæðastjóri
á þönum í verslun B. Jensen á Akureyri. Mynd / SÁ
kjötvinnslu og búð,“ segir hann.
Erik rekur fyrirtækið ásamt konu sinni,
Ingibjörgu Stellu Bjarnadóttur, en þau
keyptu það árið 1998. „Fyrirtækið var
stofnað 1968 af foreldrum mínum,
Jónínu Guðjónsdóttur og Benny
Albert Jensen, sem var danskur
slátrari. Þau eru svo þrjú börnin okkar
að vinna hér og ein tengdadóttir.“
/sá
Verslun B. Jensen er að Lóni á Akureyri.
Úrvalið er gott af fersku kjöti og frosnu og einnig er seld ýmis gjafavara.