Goðasteinn - 01.09.1969, Page 13

Sumar flytur engjaauð,
aflið mey og halnum.
Hugsar fyrir sínum sauð
Sigríður í Dalnum.
Haustið flytur storm og stríð,
stráin fölna í valnum.
Situr inni og saumar blíð
Sigríður í Dalnum.
Vetur flytur frost og snjá
fjalla döprum salnum.
Sínum bókum situr hjá
Sigríður í Dalnum.
Vorið flytur ljóðin löng,
líf að fjallasalnum.
Undu þá við sól og söng
Sigríður í Dalnum.
Hljómar glaumsins gleði ljá,
gleði, er deyr í valnum.
Tæli aldrei söngur sá
Sigríði í Dalnum.
Þar sem tindur himinhár
hreiður tryggir valnum,
lifðu sæl og sólrík ár,
Sigríður í Dalnum.
Blessi drottinn byggðir lands,
bæinn fjalls í salnum.
Signi dýrleg sólin hans
Sigríði í Dalnum.
7. 11. 1911.
Goðasteinn
11