Mímir - 01.11.1986, Blaðsíða 42

tímarit er sjálfsagt ætíð hollur félagsmiðdepill á
margan hátt.
Þegar ég lít á efni 1. tölublaðs er engin ástæða
að skammast sín fyrir það, enda var þá sitthvað á
döfinni sem þarflegt var að taka til meðferðar,
svo sem um Handritastofnun íslands og hvað sú
stofnun skyldi fá að heita, um námstilhögunina í
íslenzkum fræðum, partar úr bókmenntarit-
gerðum og fyrirlestrum nemenda, og auk þess
auðvitað nokkur ljóð. Þótt form blaðsins það
ytra sé enn að miklu samt og þá, hefur það
vitaskuld hrært sig með í þeim öldusveiflum sem
yfir hafa gengið á þessum 25 árum. Ein breyting
er sú, sem óðar grípur augað til sín, eins konar
andlitslyfting, eða réttara andlita-. Þegar ég lít
nú á myndir samnemenda minna í blaðinu
(Svavar, Vésteinn, FinnurTorfi sem lagði okkur
ljóðin sín, Ólafur Pálmason, Njörður, Eysteinn
Sigurðsson) bregður mér við, hve svipur þeirra
allra er alvöruþungur, en auðvitað eru þeir ungir
ogfagrirogeinlæglegirumleið. í 31. tbl. 1983 sé
ég ekki betur en öll brosi þau bjart sem þar eiga
efni og mynd sína með, nema Ragnhildur
Richter, sem er ábúðarfull eins og gömlu menn-
irnir þegar hún er að fara að ræða kvenmynd
Svartra fjaðra. Bros Eiríks Rögnvaldssonar er
e.t.v. fremur íbyggið en bjart, en þó fylgir því
birta sem ekki var í myndunum gömlu. En nóg
um það. Andlitin hafa lyfzt upp í bros, og ég
vona það viti á gott og sé góðs vitni.
í 1. tbl. skrifaði Aðalsteinn Davíðsson um
þörfina á sérlestrarstofum fyrir nemendur. Sú
þörf kallar enn jafn brýnt að okkur, og það sýnist
nú eiginlega jafnfjarlægt og þá að þörfinni verði
fullnægt. Lestrarsalir án bóka eru til lítils. í þessu
efni þarf að taka fast á til þess að Háskóli íslands
komist í hálfkvisti við aumustu háskóla á
Norðurlöndum í slíkum ómissandi aðbúnaði að
nemendum og að háskólastarfinu öllu. Um að-
búðina hefur vitanlega margt breytzt, en ekki
hefur þó þetta unnizt, sem e.t.v. skiptir þó allra
mestu máli við háskólavinnu. Ég hrindi frá mér
þessari dapurlegu hugsun, neyði hana til að víkja
fyrir votti af hálf-föðurlegri sjálfumgleði yfir því
að barnið skyldi komast í brók og vinna það gagn
sem ég hygg það hafa gert í aldarfjórðung.
AFMÆLISÁSKRIFT
Gerstu áskrifandi a6 160. AFMÆLISÁRGANGI SKÍRNIS 1986! Hverjum
Skírni fylgir BÓKMENNTASKRÁ, um allt, sem ritað er á íslensku um bók-
menntir, leiklist og kvikmyndir næstliðins árs.
Efni SKLRNIS er fjölbreytt. Þar eru ævisögur og ritgerðir um heimspeki, bók-
menntir, fornar og nýjar, sagnfræði, þ.á.m. almenna menningarsögu, stjórnspeki,
sögulega landfræði og listir. Enn fremur eru þar ljóð og umsagnir um bækur.
H.I.B. fagnar 170 ára starfsafmæli þetta árið. Því býður félagið nýja áskrifendur
SKÍRNIS velkomna. Hverri nýrri áskrift fylgja ÓKEYPIS þrír eldri árgangar*.
HIÐ ÍSLENZKA BÓKMENNTAFÉLAG
ÞINGHOLTSSTRÆTI 3 - Sími 21960
*Skímir kemur út einu sinni á ári.
42