Mímir - 01.11.1986, Blaðsíða 10

Texti:
Elín Bára Magnúsdóttir.
Myndir:
Freyr Formóðsson.
Við fengum Vigdísi Grímsdóttur til þess að
ræða við okkur í tilefni þessara merku tímamóta
í sögu Mímis, félagsins okkar. Vigdís er fyrrver-
andi Mímisfélagi og eftir að hún lauk prófi hefur
hún gefið út tvær bækur, Tíu myndir úr lífi þínu
(1983) og Eldur og regn (1985). Með bókum
sínum skapaði Vigdís sér sérstöðu meðal ís-
lenskra höfunda því þær boðuðu nýja tíma hvað
formið snerti. Bækurnar eru ljóðrænar og oft
erfitt að greina að ljóðið og söguna. Hún vindur
sér fram og til baka í tíma og rúmi og stundum
virðist söguþráðinn vanta þó hann sé fyrir hendi
ef vel er að gáð. Vigdís stundaði námið á árunum
1976 til 1979. Hvemig skyldi mórallinn hafa
verið í deildinni á þessum árum?
Ég held nú að ég hafi aldrei hugsað um móral
á meðan ég sat í íslenskunni. Ég man samt ekki
betur svona eftir á að hyggja en að lífið hafi
gengið sinn vanagang. Skipst á góð tímabil og
vond eins og mér skilst að geri ennþá. Þarna
voru góðar rannsóknaræfingar og vondar, góðir
fyrirlesarar og vondir. Skemmtilegir tímar og
leiðinlegir. Hressir félagar og fúlar stundir. Ég
get rif jað upp vonda tíma þegar menn gengu inn
10