Mímir - 01.11.1986, Blaðsíða 4

Njörður P. Njarðvík:
Tvö Ijóð til minningar um
Jón Helgason
Kvöld á fjöllum
Nú er komið kvöld á fjöllum
kular svalt úr dimmu gili
hangir mynd af heimskum tröllum
hulin skugga á klettaþili
Nóttin leggst á loftsins skarir
líður fram um brún og eggjar
meðan hennar holu varir
hlýjar teyga ljóssins dreggjar

Síðasti áfanginn:
Skaftafell
Síðla ég gekk á Sjónarsker
seinfarnar götur vísa
mjúkrödduð gola úr Morsárdal
magnast af bresti ísa
stirðfættum manni um stóran sand
stakir sólblettir lýsa
þaðan má greina heiðan hnjúk
hátt yfir landið rísa
/

4