Goðasteinn - 01.09.2004, Page 59

Goðasteinn 2004
Flugvélin TF-SUX
milli 5 og 6 kílómetra vegalengd eftir mismunandi greiðum kinda- og hrossagöt-
um, þannig að eini möguleikinn var að flytja sjúklinginn á kviktrjám. Vegna
þeirra sem ekki þekkja þennan ferðamáta vil ég gera grein fyrir honum. Valdir
voru tveir traustir rólegir hestar, lagður á þá reiðingur og hestunum stillt upp í röð
með um það bil manns lengd á milli. Utan á klyfberana voru hengdir tveir sterkir
plankar og milli þeirra útbúinn rimlakasi eða nokkurskonar hengirúm sem sjúkl-
ingurinn var lagður í og búið sem best um. Síðan voru hestarnir teymdir af stað og
gengu menn meðfram til að vera til taks ef eitthvað færi úrskeiðis og eins til að
taka hann ofan á áfangastað.
Fyrir lá rúmlega klukkutíma ferð. Samkvæmt frétt í Morgunblaðinu daginn
eftir fór vélin af stað klukkan 10 um morguninn og kom aftur í bæinn klukkan 2
eftir hádegi og hafði þá verið 52 mínútur á leiðinni. Hún hefur því þurft að bíða
eitthvað eftir farþeganum, enda var hann ekki á hraðskreiðu farartæki. Veður mun
hafa verið gott þennan dag. En hvað um það, Sigurði var lyft um borð og settur í
famsætið og búið sem best um, m.a. breitt yfir hann til að verja hann fyrir kulda.
Þegar á Landsspítalann kom var gerð aðgerð á Sigurði, voru höggin tvö rif. Lá
hann þar fram á vor, en eftir að spítalavistinni lauk var hann einhvern tíma til
hressingar og til að jafna sig hjá Jóni Þorsteinssyni söðlasmið bróður sínum, áður
en hann yrði ferðafær austur.
-57-