Goðasteinn - 01.09.2004, Qupperneq 87

Goðasteinn 2004
Mynd 10. Flatcirteikning af prufuholu 2. Flatarteikningar afholunni voru gerðar í
fjórum plönum og hér hafa plön 1 og 2 verið sett saman í eina mynd. Grœnn litur
sýnir torfvegg í tveimurplönum og steinar eru gráir. (Ath. að mannvistarlög eru
ekki skyggð eins og á sniðteikningum og sumum flatarteikningum). Tölur í hring
sýna númer laga, sbr. skýringar undir næstu mynd. XO-YO er í SV-horni. (Teikn.
BFE).
Nær allir bæir í lok síðustu aldar höfðu kálgarð og var hann ósjaldan sunnan
megin við bæinn. Þannig háttar til á Gamla-Seli.
Þegar rýnt var í svörðinn í kring mátti sjá óljósar útlínur ferhyrnds mannvirkis,
sem náði að þeim stað sem talið er að bærinn sjálfur hafi staðið, ca. 8-10 m ofan
við (norður af) holuna. I rofabarði, sem sneri til austurs mátti sjá í veggjabrot sem
hafa verið austurmörk garðsins. Neðsta borð mannvistarlagsins var slétt og hafði
greinilega verið sléttað af mannavöldum (sjá langsnið).
Mannvistarlagið var mjög einsleitt og mest bar þar á ösku, brenndum steinum,
sóti og viðar- og steinkolaleifum. Steinkolin (koxið) var aðeins að finna í efra
borði mannvistarlaga, lagi 7 í langsniði og efst í lagi I. Virðist þetta vera vísbend-
ing um ákveðinn innri aldur (tvö skeið kálgarðsins) eða þegar steinkol verða al-
menningseign í sveitum landsins, auk þess sem þau eru vísbending um ákveðna
tegund af eldunar- og upphitunarbúnaði. Kálgarðurinn sjálfur er góð heimild um
aldur minjanna sjálfra (sjá umræðu um þessi atriði í kafla 10). Engir gripir eru
skráðir í lagi 7 og er ástæðan aðeins sú að farið var í gegn um lagið við vettvangs-
könnun 1997.
-85-