Goðasteinn - 01.09.2004, Page 201

Goðasteinn 2004
Látnir 2003
Börnin fóru að heiman og stofnuðu sín heimili. Á haustin hafði Þráinn unnið í
mörg ár við slátrun. Upp úr 1996 minnkuðu þau við sig i búskapnum og hættu
mjólkurframleiðslu, en jafnfram hóf Kristín þá vinnu utan heimilisins.
Án nokkurs fyrirvara fékk Þráinn aðsvif í keyrslu 10. apríl. Við hjúkrun og
rannsókn á Borgarspítalanum kom í ljós að ástæða aðsvifsins var illkynja höfuð-
æxli. Við tók barátta á sjúkrahúsum, fyrst í Reykjavík, síðan á Selfossi og síðast í
mánuð heima í Oddakoti, þar sem hann naut samvista við eiginkonu og fjölskyldu
og vissi hvert stefndi. Hann fór á Sjúkrahús Suðurlands á Selfossi 23. júní, þar
sem hann andaðist 27. júní. Utför hans fór fram frá Voðmúlastaðakapellu 12. 7.
2003.
Si: Halldór Gunnarsson
Þuríður Salóme Guðmundsdóttir frá Akri
Þuríður Salóme Guðmundsdóttir fæddist í Reykja-
vík 1. nóvember 1945. Hún lést á kvennadeild Land-
spítala-háskólasjúkrahúss við Hringbraut í Reykja-
vík 18. september s.l. eftir snarpa en erfiða
sjúkdómsbaráttu.
Foreldrar hennar voru Guðmundur Kristinn Jóns-
son bóndi á Akri í Hvolhreppi, fæddur 12. ágúst
1910 í Reykjavík og kona hans Pálína Sigurðardóttir
húsfreyja f. 23. júlí 1909 í Núpsseli í V.-Húnavatns-
sýslu. Þuríður var einkabarn foreldra sinna.
Þuríður sleit barnsskónum í Reykjavík þar sem fjölskyldan bjó við
Rauðarárstíg, en þegar hún var 5 ára árið 1950 fluttu þau hingað austur í
Rangárvallasýslu og hófust handa um að byggja eitt af nýbýlunum hér rétt utan
Hvolsvallar sem þau nefndu Akur. Það hefur þurft býsna mikinn kjark og áræði til
að taka sig upp á fimmtugsaldri, byggja frá grunni upp heilt bú og hefjast handa
við nýja atvinnugrein. En þau hjónin heyktust ekki á því, heldur slógu upp tjaldi
yfir sig og dótturina og byrjuðu uppbygginguna af krafti. Og ekki liðu mörg ár þar
til Akur var eitt best hýsta og búna nýbýlið á þessum slóðum.
Þaðan átti Þuríður ljúfar bernskuminningar, hún tók strax ástfóstri við sveitalíf-
ið og umgekkst og sinnti skepnunum af miklurn áhuga og öðru því sem til féll frá
fyrstu tíð.
Alla tíð hafði Þuríður afar náið samband við foreldra sína og sinnti þeim vel í
elli þeirra. Faðir hennar lést 23. maí 1998 en móðir hennar tæpu ári síðar eða 11.
febrúar 1999.
Þuríður lauk hefðbundnu barnaskólanámi frá Hvolsskóla og hélt að því loknu
-199-