Sjómannadagsblað Snæfellsbæjar - 01.06.2016, Blaðsíða 14

Hermann Magnússon og Svanhildur Pálsdóttir. Ljósm: Pétur Steinar
Lukkunnar pamfíll
Hemmi fór í hjartaaðgerð fyrir nokkrum árum en er í dag
stálsleginn og flottur og finnur ekkert til eftir hana. Það bar þannig
til að Hermann sonur hans fékk hjartaáfall og þá vildi læknirinn að
faðir hans léti „tékka" á sér. Hann gerði það og hann fór ekkert strax
út því hann var settur í hjartaþræðingu en það gekk svo illa að hann
var settur upp á hjartadeild og fór í aðgerð eftir viku undirbúning
á spítalanum. Það kom í Ijós að fjórar æðar voru stíflaðar. Það sem
hjálpaði til að sögn Hemma var að hann fékk aldrei hjartaáfall og
það bjargaði öllu. Hann átti í þessum veikindum í þrjá mánuði og
var kominn út á sjó eftir þann tíma. „Já, ég er greinilega lukkunnar
pamfíll," segir Hemmi.
einbýlishúsi sem þau byggðu 1968. Þau eiga fjögur börn; Hermann
fæddur 1966, Páll fæddur 1970, síðan Jóhanna fædd 1972, sem
reyndar er skírð í höfuðið á Jóa á Nesi og loks Hákon Þorri fæddur
1980. Þau eiga 7 barnabörn og allirvið góða heilsu segja þau bæði.
Hemmi og Sanný giftu sig 30. desember 1968 í Ólafsvíkurkirkju og
presturinn var sr Hreinn Hjartarson. Það er búið að vera gaman
að sitja með þeim hjónum á fallegu heimili þeirra í Vallholtinu.
Gaman að skoða myndir og fara yfir söguna og það helsta sem
á dagana hefur drifið. Þau eru bæði jákvæð og drífandi og hafa
skoðun á hlutunum. Hvað Hermann ætli að fara að gera segir hann
aðspurður: „Aldrei að vita hvort maðurfari ekki bara í golfið," segir
Hemmi að lokum. Ég vil svo óska þeim alls hins besta.
Fari ekki bara í golfið
Nú er komið að lokum viðtalsins við þau sómahjón Svanhildi
Pálsdóttur og Hermann Magnússon. Þau búa í Vallholti 11 í góðu
Viðtal: Pétur Steinar Jóhannsson
Spurningar til sjómannskvenna
Nafn og starf: Berglind
Axelsdóttir, aðstoðarskólastjóri.
Hefur þú farið á sjó og á
hvaða bát? Nei, ekki á fiskibáti.
Hef farið með ferjum og minni
bátum út í eyjar á Breiðafirði.
Varstu sjóveik? Já, þegar það
hefur verið slæmt veður.
Hlustar þú á óskalagaþátt
sjómanna? Er hann enn þá til?
Hlustaði á hann í gamla daga.
Man samt að óskalög sjúklinga
voru í meira uppáhaldi hjá mér.
Hvernig væri draumafríið
þitt? Sigling í Karabíska.
Hver er munurinn á báti og
skipi? Það hefur með stærð
að gera.
Ertu á facebook eða tvitter
og hvað áttu marga vini? Já,
ég er á facebook og á 327 vini
þar. Ég er líka á Twitter en er
eingöngu þar inni til þess að
fylgjast með menntaumræðum
Hver er uppáhaldsliturinn
þinn? Á engan sérstakan
Vildir þú fara í rallý með manninum þínum?
Nei, ég er ekki mikið fyrir það.
Hver ætti að keyra: Það er spurning þar sem
ég er mjög stjórnsöm.
Uppáhaldssjónvarpsþáttur? Kiljan.
Ertu búin að sjá Mamma mia? Ég fer á
uppstigningardag þann 5. maí.
uppáhaldslit.
Gefur maðurinn þinn þér blóm á
konudaginn? Hann er í Lions þannig að hann
gefur mér oft blómin sem þeir selja. Hef samt
sagt honum að mig langi ekkert í þau því þau
eru svo Ijót. Ég sé því oftast um að kaupa
blómin og eru túlípanar í uppáhaldi.
I hvað starfi væri maðurinn þinn ef hann
væri ekki sjómaður? Eitthvað sem tengist
sjónum.
Hvert er uppáhalds lagið þitt? Ég á ekkert
sérstakt uppáhaldslag. Hlusta bara á það sem
er í gangi hverju sinni.
Hver er aðal kosturinn að eiga sjómann? Ég
held að það sé ekki hægt að segja að það séu
margir kostir. Þetta er náttúrulega hættulegt
starf og mikil fjarvera. En þetta er lífsviðurværi
og maður lærir að lifa með því. Svo er
náttúrulega alltaf mjög gaman þegar hann
kemur heim eftir langan tíma.
En ókosturinn? Þegar hann missir af einhverju
sem er í gangi í fjölskyldunni.
Færðu koss frá bóndanum áður en hann fer
á sjóinn: Já, auðvitað.
Mottóið er: Að lifa lífinu eins vel og ég get og
ekki gleyma að njóta þess.
12