Sjómannadagsblað Snæfellsbæjar - 01.06.2016, Qupperneq 12

Skemmtileg mynd: Hermann Hermannsson afi á Hellissandi og Hermann Magnússon sem heldur á
Hermanni Hermannsyni.
Kiddi Dóra skemmtilegur
„Ég gleymi því aldrei er ég kom fyrst til Ólafsvíkur 1965 en það
tóku allir svo vel á móti mér bæði krakkar á mínu reki og ekki síður
fullorðna fólkið. Ég man sérstaklega eftir Kidda Dóra en hann
var alltaf svo skemmtilegur og vildi alltaf spjalla við mann og tók
manni svo vel og svona voru fleiri. Óskar verkstjóri var góður og tók
manni vel í Kirkjusandi. Ég man að alltaf þegar var sól þá fórum við
krakkarnir upp á þak í pásum og kaffi- og matartímum til að liggja
í sólbaði. Svo vann ég líka í sláturhúsinu inni í dal og þar man ég
eftir m.a. Ingu Steinþórs, Maríönnu hans Kalla Færeyings og henni
Dagmar hans Begga Steinþórs. Mig minnir að Símon á Görðum
hafi verið verkstjóri þar. Allt frábært fólk. Það var svo mikið að gera
í Ólafsvík á þessum árum við allskonar störf og mikið af fólki úr
sveitinni að vinna."
Líf og fjör hjá Færeyingunum
Sanný kemur til Ólafsvíkur 1965 eins og áður sagði og fyrsta barn
þeirra, Hermann fæðist 1966. Þau byrja fyrst að búa á Lækjarbakka
en þar bjuggu Oliver og Helga en þau voru þá flutt upp í Vallholt.
Við höfðum þartil umráða eldhúsið, tvö herbergi og baðherbergið
líka, sem var sameiginlegt með fimm Færeyingum en þeir voru á
vertíð í Ólafsvík og sváfu þeir í stofunni. „Já, það var stundum líf
og fjör hjá þeim blessuðum," segir Sanný „sérstaklega er þeirfóru
að dansa sinn færeyska dans. Það var vissulega þröngt en þetta
var bara svona." Hemmi rifjar upp hrekk sem hann og fleiri strákar
gerðu en á þessum tíma var hótelið í Ólafsvík með mötuneyti í
Félagsheimilinu gamla og eitt kvöldið er fólkið var í kaffi þá stálum
við ræsivökvabrúsa frá Hauki Gregory og settum inn um gluggan
á bak við gardínurnar. Brúsinn tæmdist og nær allt fólkið nánast
sofnaði í mötuneytinu. Þetta var svakalegt," segir Hemmi „og Jón
Skúla kom út mjög reiður og hundskammaði okkur fyrir tiltækið. En
það var margt brallað."
Hjá Heilsugæslunni yfir 40 ár
Sanný hefur unnið mikið með börnum í Ólafsvík og starfaði á
leikskólanum uppi í Gili og vann þar með Huldu Kristjáns. Þær sáu
líka um þrif í barnaskólanum og einnig unnu þar Steina Þorsteins
og Elinborg Vagnsdóttir. „Allt frábærar og svo góðar konur," segir
Sanný. „Þær höfðu frá svo mörgu að segja bæði sína reynslu og líka
Þessi fjölskyldumynd var tekin í Danmörku er Hermann var sextugur.
10