Sjómannadagsblað Snæfellsbæjar - 01.06.2016, Qupperneq 90

Tveir bátar Huginn VE og Þórsnes SH að háfa síld úr sama kastinu.
Allt efnið sótt á Tjaldi
Kiddó fer í Stýrimannaskólann 1959 og tók þar 120 tonna réttindin
sem síðar voru hækkuð upp en var áður búinn að fara vélanámskeið.
Kiddó ásamt fleirum úr á áhöfninni á Tjaldi voru búnir að róa með
Kristjáni Guðmundssyni í Rifi á vetrarvertíðum en hann var þá búinn
að flytja alfarið sína útgerð út Rif. Kiddó segir frá því að þeir tveir,
hann og Kristján, hafi eitt sinn sótt á Tjaldi allt efnið í íbúarhúsið
hans Kristjáns og komið með það úr Reykjavík árið 1961. Vegurinn
fyrir Ennið var ekki kominn, aðeins vegur í fjörunni og því hafi orðið
að sækja allt efnið á bátum.
Útgerðin byrjar
„Þá kom upp hugmynd 1963 að kaupa Þórsnesið SH 108 en það
var tréskip smíðað í Danmörku 1960. Það var 69brl með tvær 240ha
GM vélar. Skipið var keypt af félaginu Þórsnes hf en það félag var
í eigu Kaupfélags Stykkishólms. Við sem keyptum bátinn voru:
ég, Ingvar Ragnarsson en hann var formaður verkalýðsfélagsins á
þessum árum, Baldur bróðir hans, maður sem hét Hergar Jensen,
Löndun á góðum túr. Frá vinstri er Lárus Kr Jónsson, Kiddó, Hreinn Pétursson og Ragnar
Ragnarsson.
Kiddó uppá brú að losa úr síldarháfnum.
Erlingur Viggósson, Sigurgrímur Guðmundsson, Viðar Björnsson
og Eggert bróðir minn. Það sem var í okkar huga var að geta verið
heima með bátinn og róið þaðan að langmestu leyti. Við þurftum
ekki að borga bátinn alveg strax en við skuldbundum okkur að
landa hjá Kaupfélaginu," segir Kiddó að lokum. Útgerð Þórsnes
SH var alla tíð mjög farsæl og Kiddó fiskaði mikið á báða bátana
og það var sannarlega gott pláss fyrir þá að komast í sem það
fengu. Kiddó hætti í fyrirtækjarekstrinum fyrir tíu árum og á núna
trilluna Kristborgu SH með Magnúsi syni sínum. Ég vil þakka Kiddó
fyrir þetta stutta spjall okkar og þá vil ég líka þakka Þórhildi fyrir
góðar veitingar á meðan ég dvaldi við hjá þeim. Það væri hægt að
dvelja lengi hjá honum og fara yfir starfsævina en látum þetta gott
heita í bili. Meðfylgjandi eru skemmtilegar myndir sem Kiddó vildi
góðfúslega lána Sjómannadagsblaðinu. Ég óska þeim hjónum alls
hins besta. Myndirnar með greininni tók Sigurgrímur Guðmundsson
en hann á mikið myndasafn frá þessum árum.
Viðtal: Pétur Steinar Jóhannsson
Kiddó 16 ára með vini sínum og skipsfélaga til langs tíma Bjarna Sveinbjörnssyni. Myndin er tekin
um borð í Arnfinni SH 3 sumarið 1956.
88