Sjómannadagsblað Snæfellsbæjar - 01.06.2016, Blaðsíða 22

Á v/s Tý í Miðjarðarhafi
Eftir Baldur Ragnars Guðjónsson
Varðskipið Týr á siglingu á Miðjarðarhafi.
Kafarar þurfa að æfa sig vel en mikið reynir á þá í störfum Landhelgisgæslunar.
Kær kveðja, Baldur Ragnars
Drekinn!! heyrðist kallað afturá skut með rödd
sem gaf sig og líktist mest ískri í ósmurðu spili.
Þarna var enn einn óharðnaður sjómaðurinn
að stíga sín fyrstu skref í grásleppubáti á
Breiðarfirði 14 ára gamall. Þegar umræddur
háseti var að hafa til belg og bauju þá greip
athygli hans ein falleg súla sem flaug aðeins
í nokkurra metra fjarlægð frá bátnum, og
skyndilega lyftist löppinn á honum upp, flýgur
út fyrir borðstokkinn og lenti í sjónum. Þannig
hófst minn sjómannsferill og ég var nú frekar
skelkaður nokkra daga á eftir og einbeitti mér
að því að standa ekki ofan í færahönkinni og
kasta belg og bauju á réttum tíma.
Línuskipið Gullhólmi SH
Eftir þetta lá leiðin að klára grunnskólann og stundaði ég
trillusjómennsku á sumrin í 9. og lO.bekk. Eftir 10. bekk sá ég
lítið annað en vinnumarkaðinn og ætlaði að fara á sjóinn. En sem
betur fer á ég mjög góða að sem bentu mér á að klára skólann
og fara síðan á sjóinn. Eg samþykkti það en ég stundaði námið
ekki af miklum krafti en félagslífið heillaði mig. Það hafðist nú fyrir
rest á 4 árum að ég útskrifaðist frá Fjölbrautaskóla Snæfellinga í
Grundarfirði. Þaðan lá leiðin á sjóinn. Þarvarég ráðinn á línuskipið
Gullhólma SH þar sem ég var í tæp 2 ár og réri einnig í fríum á
öðrum bátum og skipum.
Stýrimannaskólinn í huganum
Eftir 2 góð ár á uppstokkaranum eða nánar tiltekið haustið 2011
þá lá leiðin til Akureyrar með kærustu og barnsmóður minni Lóu
Guðrúnu Gísladóttur í sjávarútvegsfræði. En það nám heillaði mig
ekki sem slíkt þrátt fyrir að hafa frábæra kennara og samnemendur.
Þá minntist Lóa á Stýrimannaskólann í Reykjavík sem ég hafði nú
alltaf hugsað um að fara í og einnig hentaði það vel þar sem hún var
að fara að stunda íþróttafræðinám við Háskólann í Reykjavík haustið
2012. Þannig að árið var klárað á Akureyri fram
að sumri þar sem ég réri á Sighvati GK sem
vélavörður.
Vísindaferðir og bjórkvöld
Þegar leiðin lá til Reykjavíkur og skólinn
byrjaði þá lét ég mig að sjálfsögðu ekki
vanta í frægu nýnemasiglinguna. Eftir
nýnemasiglinguna í Stýrimannaskólanum þá
fór ég að kynnast mannskapnum sem voru
allt strákar af mínu sauðahúsi, nánast allir
utan af landi og aldursbilið mjög líkt, frá 23-
28 ára gamlir sjóhundar með sömu áhugamál
og einnig býr maður til mikið tenglsanet
sem nær frá fsafirði til Hornafjarðar. Þetta var
aðeins byrjunin á næstu 3 árum sem voru ein
bestu ár lífs míns, allar vísindaferðir út um allt ísland, bjórkvöldin
og árshátíðirnar. En að sjálfsögðu kunnu menn að fara með vín og
skildum við enga ónýta mylsnu í brauðslóðinni sem við skildum eftir
um allt fsland. Að sjálfsögðu var hellings lærdómur líka en ég ætla
ekki að þreyta lesendur á stöðugleika, siglingafræði, stjörnufræði,
stærðfræði, siglingatækjum, efnafræði, náttúrufræði, veðurfræði
o.s.frv.
Á v/s Tý í Miðjarðarhafið
Sumarið2015eftirlokaprófinþáláleiðmíntil Landhelgisgæslunnar.
Byrjaði ég á v/s Þór og var þar þangað til um haustið en þá var ég
sendur á v/s Týr í Miðjarahafið þar sem augu Evrópu litu til vegna
mikils fólksflótta frá stríðshrjáðum löndum bæði í Afríku og austur
Miðjarðarhafi. Við rérum fyrst frá Suður Spáni og að Norður-Afríku
löndunum Alsír og Marokkó. Eftir einn mánuð þar vorum við færðir
til Italíu og Möltu.
Hjá Landhelgisgæslu íslands er ég að vinna sem stýrimaður og
einnig er ég í þjálfun sem kafari.
Einnigvilég hvetjaalltungtfólktilþessaðskoðavinnumöguleikana
á sjónum. Þeireru óteljandi út um allan heim og mjög skemmtilegt
og krefjandi starfsumhverfi.
Ég hef þetta ekki lengra að sinni og óska öllum kollegum mínum
(sjómönnum/konum) innilega til hamingju með daginn.
20