Sjómannadagsblað Snæfellsbæjar - 01.06.2016, Blaðsíða 81

Þórsnes SH í rallinu 2016
Þórsnes SH 109 hefur verið í netaraliinu hér á Breiðafirði
þetta vorið. Þórsnesið er 362 brl og hét áður Keflvíkingur
KE og var smíðaður í Þýskalandi árið 1964. Dag einn í
annari viku eftir páska var hann að landa f Ólafsvík um 15 tonnum
af góðum fiski en það var jafnframt síðasti róðurinn í þessu ralli.
Mig langaði til að spjalla við skipstjórann um aflabrögð og fleira
og fór því niður á bryggju. Þegar ég er komin upp í brú kemur
í Ijós að skipstjórinn, umkringdur margskonar tækjum og tólum,
er Ólsari sem heitir Margeir Jóhannesson og er sonur hins mikla
aflamanns Jóa á Nesi eða Jóhannesar Jónssonar og Geirlaug
Geirsdóttir, móðir Margeirs, var mikil sómakona. Hún sá m.a. um
sjómannagarðinn í Ólafsvík í mörg ár af stakri prýði.
,,Já, við vorum að klára í dag," segir Maggi en svo er hann oft
kallaður „og ætli við séum ekki búnir að fá um 250 tonn í 12 róðrum.
í fyrra vorum við í Faxaflóanum en núna í Breiðafirði en Saxhamar er
í Faxaflóa. Það voru þrír bátar sem sóttu um núna og það var dregið
um það og þetta kom í okkar hlut núna. Aflinn nú er kannski ekki
eins góður og í fyrra en þá var aflinn líka mjög góður," segir Maggi.
„Trossurnar eru lagðar eftir fyrirfram ákveðnu kerfi sem kemur frá
Hafró og alltaf á sömu staði ár eftir ár. Mesti fiskurinn á þessu ralli
var í Vesturbrúninni, Snaganum og vestur af Nesinu. Flákinn var ekki
alveg að gefa sig til eins og áður. Frá Hafró eru þrír starfsmenn um
borð sem taka tuttugu og fimm fiska í hverju neti sem þeir mæla og
kvarna og taka allskonar prufur í þágu vísindanna. Svo er að bíða
hvað þessi þáttur rannsókna er stór í ákvörðun á heildaraflanum."
Aflinn orðinn 1000 tonn
„Það sem erframundan hjá okkurerað taka önnurnet um borð og
ég er að fara út af Látrabjarginu og prófa þar í hrygningarstoppinu.
Það erekkertslakað á og við eigum góðar heimildir núna. Svo förum
við að reyna við ufsa og seinna förum við á lönguveiðar í maí austur
við Vestmannaeyjar. Þetta verður allt unnið í fiskvinnslu Þórsness í
Stykkishólmi," segir Maggi er hann lýsir því sem framundan er. Þeir
eru búnir að fiska um eittþúsund tonn á vertíðinni þegar viðtalið
er tekið sem er mjög gott enda aflabrögðin með eindæmum góð
í vetur og reyndar í öll veiðarfæri. Um borð eru ellefu harðduglegir
kallar og skipið mjög gott og útgerðin er í góðum höndum.
Fimmtán ára á vetrarvertíð
Maggi skipstjóri byrjaði ungur á sjó eða þegar hann var fimmtán
ára og það er árið 1974 sem hann byrjar á vetrarvertíðinni með
Úlfari Kristjónssyni mági sínum á Bervíkinni. „Já, þeir voru þarna
um borð Steini Randvers kokkur, Grímur Benna vélstjóri, Laugi var
stýrimaður og einhverjir fleiri sem ég man ekki alveg í augnablikinu.
Já, ég kláraði mig alveg þótt ég væri ungur og ég var með Úlla í
'tJLUINJ
Margeir Jóhannesson skipstjóri á Þórsnesi SH. Mynd: Pétur Steinar.
þrjú ár. Svo hætti ég um tíma og fer á annan bát og fer svo aftur sem
vélstjóri á Bervíkina er Grímur hættir. Svo tók Hafþór Guðmundsson
við af mér er ég hætti aftur."
Á dragnót í 23 ár
Maggi tók pungaprófið hér fyrir vestan en þá var verið að reyna
að stoppa undanþágurnar á bátunum og eftir það verður hann í
nokkur ár stýrimaður hjá Brynjari Kristmunds á Halldóri Jónssyni
SFI. Hann flytur svo suður 1986 og er þar með bát sem hét Sæljón
RE 19. Síðartekur hann svo við Arnari KE 26 og er með hann árin
1992 til 2000.„Þá kemur að því að ég er ekki með næg réttindi
og útgerðarmaðurinn segir þá við mig. „Þú verður að fara í
Stýrimannaskólann Maggi og taka einn bekk." Ég geri það 1993
og útgerðarmaðurinn er með bátinn á virkum dögum og reyndar
var ég svo með bátinn um helgar/' segir Maggi og brosir en hann
var 36 ára er hann fer í skólann en það gekk allt vel upp. í 23 ár er
Maggi eingöngu á dragnót á þessum bátum þarna suður frá og þá
mest með Arnar KE. Hann er svo með Bervík SH 143. Það er svo
ekki fyrr en 2009 sem hann tekur fyrst netabát, en þá hafði hann
heldur ekki verið með bát á línuveiðum. Maggi er búin að vera hjá
Þórsnesi ehf frá árinu 2010 og þegar hann er spurður hvernig er
fyrir Ólsara að búa í Stykkishólmi stendur ekki á svarinu. „Mér líkar
alveg rosavel hérna í Stykkishólmi og hér er allt til alls fyrir alla og
útgerðin sem ég er hjá mjög góð," segir Margeir Jóhannesson að
lokum.
Viðtal: Pétur Steinar Jóhannsson

SS7 bORSNES ,
yli'
É L' : ;r~ mU J KV< HP rm’ ~ - _. , JM
Þrír af skipshöfn Þórsness SH, hressir kallar. Mynd: Pétur Steinar.
Þórsnesið við bryggju í Ólafsvík og kallarnir nýbúnir að landa. Mynd: Pétur Steinar.
79